Lub caij uas haiv neeg Australia tseem tham txog tej kab theem teeb meem kub ntxhov uas tau muaj ntau tuaj ntxiv rau tej poj niam ntawm teb chaws Australia no, tsoom fwv xeev New South Wales (NSW) kuj tau tshwm nyiaj $230 million dollars los tsim ib co program tiv thaiv tej teeb meem no thiab los pab rau tej poj niam uas raug tej teeb meem no.
Chris Minns uas yog tus hau xeev NSW kuj tau hais tias cov nyiaj no yog tej yam qhia tias nws kub siab yuav los tiv thaiv thiab tsim cov kev pab cuam kom zoo tshaj qub ntxiv los pab rau tej neeg raug tej teeb meem no.
Nws hais tias ''Hnub no tsis yog ib hnub peb ua kev zoo siab los yog ib hnub uas tus tsoom fwv NSW yuav los khav theeb, tab sis yog ib co kev pab cuam rau tej neeg raug tej teeb meem kub ntxhov hauv lub cuab lub yig uas tej neeg no xav tau. Peb yeej lees paub tias peb yuav tsum tau kub siab txog tej teeb meem no tshaj no, thiab tsim nyog txhua tus tsoom fwv yuav kub siab tshaj no, suav kuv tus tsoom fwv NSW nrog tig si.''
- Pab daws tej teeb meem phom sij no,
- Kho cov justice system kom zoo tshaj qub ntxiv pab rau tej neeg raug tej teeb meem no,
- Muaj kev raus tes los nrog tswj tej xwm txheej no thaum tseem ntxov,
- Muaj cov kev tiv thaiv kom tsis txhob muaj tej xwm txheej no thaum tseem ntxov,
- Muaj kev pab rau tej koom haum tswj tej dej num no kom ua tau tej hauj lwm no zoo tshaj qub ntxiv,
- Thiab muaj cov kev teeb txheeb txog tej teeb meem no.
- $48 million pab cov hauj lwm Staying Home Leaving Violence thoob lub xeev NSW suav cov kev pab cuam Domestic and Family Violence Services nrog.
- $45 million ces siv coj mus kho tej bail laws thiab cov justice system responses.
- $24 million ces siv pab cov neeg specialist domestic violence support workers.
- $2 million ces siv ua cov hauj lwm Domestic Violence Death Review Team coj mus teeb txheeb txog ntau yam ua rau raug tej teeb meem kub ntxhov thiab tej xwm txheej tsim kev kub ntxhov.
- $2.1 million ces siv rau cov hauj lwm corrective services program pab rau tej neeg tsim teeb meem kub ntxhov uas raug nom tswv muab ceev tseg.
Mr Minns thiaj hais tias yuav tsum tau kub siab thaj los tiv thaiv thiab cheem kom tsis txhob muaj tej xwm txheej kub ntxhov no tshwm sim thaum tseem ntxov.
Thiab Jodie Harrison uas yog lub xeev NSW tus nom tswj dej num pab tej poj niam thiab tiv thaiv kom tsis txhob muaj tej teeb meem kub ntxhov no yeej pom zoo tias yuav tsum pab tej zejzog los npaj ib co tswv yim los tiv thaiv kom tsis txhob muaj tej teeb meem no ua ntej yuav tshwm sim.
Rose Jackson uas yog NSW tus nom lis dej num vaj tse thiab tej neeg tsis muaj vaj tse nyob hais tias ''tsis tsim nyog tej poj niam yog cov tawm ntawm tsev neeg mus thiab yuav tau pib txhua yam tshiab. Thiab yuav tau ua tib zoo xyuas kom tej neeg raug teeb meem tau nyob hauv lub cuab yig thiab tej neeg uas pheej tsim teeb meem kub ntxov rau lwm tus yog cov tsim nyog yuav tau tawm mus nyob lawm qhov chaw.''
Ua ke no los raws li tej xov xwm tau los ntawm lub koom haum Australian Insitutute of Health and Welfare tau qhia ces tsuas muaj tej poj naim me nyuam txog li 3.7 feem pua ntawm cov tsawg dua 38,000 tus uas ntsib teeb meem kub ntxhov hauv lub cuab yig thiaj yog cov uas thov tau ib qho chaw nyob ruaj xwb.
Yog tias koj los yog ib tug twg ntsib teeb meem kub ntxhov hauv lub cuab yig los yog raug yuam deev ces hu rau lub koom haum 1800RESPECT tus xov tooj 1800 737 732 los sis yog mus txheeb tau ntawm
Thiab yog tias koj ho poob rau tej xwm txheej ti tes ti taw uas yuav raug kev phom sij rau koj txoj sia ces muaj peev xwm hu rau tus zauv xov tooj Triple Zero (000).
Cov program 'No to Violence', thiab hu tau rau lawv tus xov tooj 1300 766 491.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
