Teeb meem kub ntxhov hauv lub cuab yig yog dab tsi thiab yuav nrhiav tau kev pab cuam li cas?
Lub caij uas SBS tseem tso cov xov xwm 'See What You Made Me Do' - uas yog ib co documentary tseem ceeb ntau toom qhia txog tej teeb meem kub ntxhov hauv lub cuab yig ntawm - ces xav qhia tias ntxiv no yog ntau yam teeb meem kub ntxhov uas tau muaj rau tej poj niam thiab tej xub ke uas koj los yog ib tug twg muaj peev xwm nrhiav kev pab cuam.
Published 2 May 2024 11:36am
By Emma Brancatisano
Presented by Vixay Vue
Txhua limtiam ntawm teb chaws Australia ces yeej muaj ib tug poj niam
Tau ntau limtiam tsis ntev los no ces thiab koj raug coj los teev nrog tej statistic uas txaus txhawj xeeb heev lawm thiab. Nom tswv tau liam tias ob tug neeg no raug nkawv tej txiv/hluas nraug tam sim no los yog nram ntej ub tsim teeb meem rau ntawm nkawv tsev.
Peb yeej tau pom tej piv txwv txaus ntshai heev rau ntau xyoo tsis ntev los no ntawm Australia. Thiab kuv xav tias txog caij lawm uas peb yuav tau muab cov teeb meem kub ntxhov hauv lub cuab yig los ua haiv neeg no ib co xwm txheej ti tes ti taw thiab tej yam uas peb yuav tsis zam tsis nyiaj ntxiv lawm.Jacqui Watt, CEO of No To Violence - yog lub koom haum los nrog xyuas kom xaus tau txiv neej cov kev tsim kev kub ntxhov
Cov kev tsim teeb meem kub ntxhov rau tej poj niam yog dab tsi?
Raws li lub koom haum Our Watch uas yog ib lub koom haum tiv thaiv kom tsis txhob tsim teeb meem kub ntxhov hais ces tej teeb meem kub ntxhov uas tsim rau poj niam no yeej cuam tshuam txog ntau yam sib txawv. Tsis hais yog cuam tshuam txog txoj kev nkauj nraug/txij nkawm thiab teeb meem kub ntxhov hauv lub cuab yig, cov kev kub ntxhov thaum tseem sib tham ua nkauj nraug, cov kev thab zes ib tug twg ntawm chaw hauj lwm, cov kev thab ib tug twg ntawm kev, cov kev ua phem rau ib tug twg hauv online thiab cov kev coj tej cwj pwm yuam thiab tswj ib tug twg.
Tsis tas li ntawd los kuj tseem cuam tshuam txog cov kev uas ib tug neeg twg ntxub ntxaug thiab faib cai los yog tsim kev kub ntxhov tsis nyiam poj niam neeg txum tim Aboriginal thiab Torres strait Islander, cov kev tsis nyiaj poj niam los yog cov kev tsim kev kub ntxhov rau tej neeg uas phais hloov cev los ua poj niam, los sis tej koom haum cov kev tsim kev kub ntxhov uas muaj rau tej poj niam los yog tej neeg puas cev.
Patty Kinnersly uas yog tus coj lub koom haum Our Watch tau hais tias yog ib co teeb meem uas tej txiv neej coob heev pheej tsim kev kub ntxhov rau tej poj niam. Thiab ces yeej muaj Australia tej poj niam ces yeej muaj cib fim yuav ntsib teeb meem kub ntxhov yuav laug txog li ntawm peb npaug ntau dua tej uas muaj rau tej txiv neej ntsib los ntawm ib tug neeg lawv hlub.
Australia tej poj niam yeej raug ib tug neeg lawv hlub tsim teeb meem kub ntxhov rau yuav laug txog li peb npaug ntau dua tej txiv neej ntsib.Patty Kinnersly uas yog tus coj lub koom haum Our Watch
Nws tau hais ntxiv tias ''yeej tau muaj tej xwm txheej tsim kev kub ntxhov no tshwm sim ntawm tej vaj tse, ntawm tej kev, ntawm tej chaw ua hauj lwm, tej teej kawm los yog hauv online, thiab yeej yog ib tug txiv neej uas tus poj niam raug tsim teeb meem ntawd paub, yog li nws thiaj hais tias 'yuav tsum tau los nrog xyuas kom muaj kev totaub nthuav dav' txog tej teeb meem no mas thiaj yuav tiv thaib tau txhua yam teeb meem kub ntxhov. Yog li ntawd yuav tsum nrhiav kom tau ib co tswv yim uas siv haum rau tej poj niam txiv neej kom thiaj muaj peev xwm tiv thaiv tau txhua yam teeb meem kub ntxhov uas pheej muaj rau tej poj niam, thiab yuav tsum tau los daws tej kev tsis tau txais vaj huam sib luag ntau yam uas tseem muaj teeb meem rau poj niam lub neej yog ib co tseem ceeb uas yuav muaj peev xwm los xaus thiab cheem tau tej teeb meem no ua ntej yuav pib tshwm sim.''
Teeb meem kub ntxhov hauv lub cuab yig yog dab tsi?
Teeb meem kub ntxhov hauv lub cuab yig ces yog tej teeb meem kub ntxhov uas muaj cuam tshuam nrog ib tug hluas nraug/txiv tam sim no los yog nram ntej ub, los yog tej teeb meem kub ntxhov tshwm sim ntawm ib tsev neeg, los yog cuam tshuam txog ib tug neeg tu tsom kwm lwm tus.
Ces thiaj cuam tshuam txog ntau yam tsis hais ntaus lwm tus cev ntaj ntsug, hais lus phem, ua rau muaj kev tu siab los yog yuam deev, los sis muab tus neeg ntawd cais tsis pub poo/koom lwm tus, cov kev nyiag soj qab taug lw, cov kev siv nyiaj los tswj lwm tus, cov kev siv technology los ua phem rau lwm tus, cov kev tsim teeb meem rau ib tug twg sab ntsuj plig los yog cuam tshuam txog nws tej kab lis kev cai.
Ib tug poj niam hluas uas tseem sam sim xav txog ib yam dab tsi thiab tab tom caij public transport mus rau ib qho chaw qhov twg thiab tab tom tuav lub xov tooj ntawm tes. Source: Getty / Getty Images
Lub koom haum Our Watch cov kev teeb txheeb kuj txheeb tau tias ib tug ntawm ob tug neeg Australia twg yeej qhia tias kuj yog tej yam nyuaj kawg nkaus uas yuav paub txog lwm yam teeb meem kub ntxhov uas tsis cuam tshuam txog cov kev tsim teeb meem rau ib tug twg lub cev, thiab ABS tej xov xwm yeej txheeb tau thiab tias muaj ib tug ntawm plaub tug poj niam yeej raug tej teeb meem no los ntawm lawv tus txiv/hluas nraug tam sim no los yog nram ntej ub dhau los thiab.
Muaj ib tug ntawm plaub tug poj niam yeej raug tej teeb meem no los ntawm lawv tus txiv/hluas nraug tam sim no los yog nram ntej ub dhau los thiab.Our Watch's research
Fiona Mort uas yog tus coj lub koom haum 1800RESPECT uas yog cov xov tooj pab tej neeg raug lwm tus yuam deev, thab zes, raug teeb meem kub ntxhov hauv lub cuab yig tau qhia tias yog tej yam tseem ceeb tshaj plaws yuav tau los nrog daws tej xwm txheej ua yuam kev no.
Yeej muaj cov kev totaub zoo rau qee yam lawm - tab sis tsis nkag siab txhua yam - li lawv yeej ib txwm xav txog cov kev tsim teeb meem kub ntxhov rau lub cev ntaj ntsug xwb. Tab sis tej xwm txheej no yeej yog ib cov nthuav dav heev uas cuam tshuam txog ib co cwj pwm twg uas pheej xav tswj ib lwm tus neeg twg. Tsis hais yuav yog cov kev ua ib yam dab tsi los yog cov kev hawv yuav ua ntau ib tug twg lub cev los yog yuav siv cov kev yuam deev los tsim kev kub ntxhov, thiab yeej cuam tshuam txog cov kev txwv ib tug twg uas feem ntau mas yeej yog ib tug poj niam, vim peb paub tias yog ib cov kev ua txhaum - uas pheej txwv kom tus poj niam ntawd tsis muaj peev xwm ua tau yam nws xav ua.Fiona Mort, CEO of 1800RESPECT
Tej cej pwm tswj lwm tus yog tej cwj pwm dab tsi?
- uas tej cwj pwm no yog cuam tshuam txog phab kev xav thiab pheej ua rau ib tug twg tu siab uas tus neeg coj tej cwj pwm no txhob txwm ua kom lwm tus ntshai, siv fwj chim thiab tswj ib tug twg - uas cuam tshuam txog cov teeb meem kub ntxhov hauv lub cuab yig.
Ms Mort tau hais tias tej cwj pwm uas pheej siv los tswj ib tug twg no tej zaum yuav cuam tshuam txog cov kev xaus tsis pub ib tug poj niam sib cuag/sib nug moo nrog nws tsev neeg thiab nws tej phooj ywg los yog muaj feem koom rau cov kev ntseeg los yog tej dej num kab lis kev cai, thiab nws pheej raug ib tug twg soj qab taug lw tias seb nws mus ua dab tsi rau qhov twg los sis yog ua kom nyuaj rau tus poj niam ntawd kom nws tsis txhob muaj peev xwm ua tau ib txoj hauj lwm twg.
Nws thiaj tau hais tias "Tsis hais yuav yog cov cwj pwm dab tsi li, yeej yuav ua rau muaj teeb meem rau ib tug twg txoj kev xav thiab pheej yuav yog tej yam uas muaj peev xwm tswj tau lwm tus lub neej.''
Ces thiaj li ib txwm muaj ib co cwj pwm twg tshwm sim tas mus li thiab muaj cov kev tsim teeb meem rau lwm tus.
Ms Watt tau hais tias "Kuj yuav yog tej yam ntsiag to thiab tshwm sim rau ib lub caij twg uas tej zaum tej neeg tsis ras txog. Tej no yog tej peb tsim nyog kub siab txog kom muaj peev xwm los tswj tau zoo tshaj qub ntxiv thoob Australia - li los pab tej neeg kom paub txog tej xwm txheej cuam tshuam txog lawv uas yuav raug teeb meem los sis raug kev phom sij thiab yuav tau ua tib zoo los xyuas kom muaj tej kev pab cuam coj los pab tej neeg uas pom tej cim no los yog muab tej xwm txheej no xam tam li yog ib co kev ceeb toom tias yuav muaj tau teeb meem.''
Muaj tej cim dab tsi ceeb toom?
Txawm tias muaj ntau txoj xub ke uas tsim tej teeb meem kub ntxhov no, los yeej muaj qee yam cim uas tej zaum yuav qhia tau tias ib tug twg poob rau cov kev nkauj nraug/kev txij nkawm uas raug lwm tus ua phem rau los sis tab tom raug lwm tus coj tej cwj pwm tswj. Thiab yeej tsis tshua pom los yog txheeb tau qee cov xwm txheej tsim teeb meem kub ntxhov no tau yooj yim thiab.
Ms Kinnersly tau hais tias tej cim uas yuav pab txheeb tau lwm cov kev tsim kev kub ntxhov uas tsis cuam tshuam txog cov kev tsim teeb meem rau lub cev ntaj ntsug ces yog lawv tej txiv/tej hluas nraug cov kev pheej soj lawv seb ua dab tsi hauv online, cov kev pheej txheeb thiab saib lawv tej xo (text messages), los yog pheej hais tej lus ua rau muaj kev tu siab thiab pheej tswj tias tsuas pub ib tug poj niam ntawd siv lawv tej nyiaj li cas xwb.
Tej cwj pwm no ces yeej ib txwm zam txim rau, los yog tsis raug kub siab txog, txawm li cas los yeej tsis tsim nyog muaj tej cwj pwm no rau cov kev sib raug zoo uas tau txais kev vaj huam sib luag thiab muaj kev sib hwm li.Our Watch CEO Patty Kinnersly
Ms Watt Kuj tau hais tias ib tug poj niam twg uas tab tom raug lwm tus ua phem rau kuj yuav muaj peev xwm txheeb tej xwm txheej no li nug tias ho muaj dab tsi tshwm sim thaum nws siv nws txoj cai ywj pheej.
"Yuav muaj dab tsi tshwm sim yog yus nais tias 'Kuv tab tom yuav mus ntsib kuv tej phooj ywg?' Seb puas yog nws tab tom xav cais kom yus tsis txhob muaj peev xwm mus ntsib tau lawv los yog ntsib tau yus tsev neeg? Thiab puas yog nws tab tom xav tswj txhua yam uas yus yuav ua? Thiab puas yog nws pheej liam tias yus yog tus pheej ua rau nws npau taws thiab chim?''
Ms Mort yeej tau pom zoo tias : "Yog pheej ua rau yus mloog tau tias yus pheej xav paub tias yus puas muaj peev xwm ua tau ib yam dab tsi tsam ho ua rau lwm tus xav li cas, ces kuv xav tias tab tom ua rau yus pib mloog tau tias zoo li muaj ib tug twg tam tom tswj yus lub nej ntag.''
Tab sis nws kuj xav kom peb nco txog qhov tseem ceeb tias yeej muaj ''ntau yam cuam tshuam'' rau tej teeb meem kub ntxhov hauv lub cuab yig.
"Peb yeej tis npe rau ntau yam, thiab txawm tias tej xwm txheej tau tshwm sim ntau yam uas tau tshwm sim rau yus txawv tej uas tej neeg tis npe rau los txhais tsis tau tias tsis yog teeb meem kub ntxhov, thiab tsis txhob xav tias txawm yus nrog ib tug twg tham los ntshe yuav pab tsis tau dab tsi.''
Nws thiaj tau txhawb nqa kom tej cuab yig thiab tej phooj ywg paub txog cov kev pauv hloov ntawm lawv tej phooj ywg thiab tej neeg ua hauj lwm ua ke.
"Yog tias ib tug poj niam twg yog tus nyiam tawm mus rau ub rau no thiab koom nrog zejzog tab sis ho hloov txawv lawm ces kuj yog tej yam uas tej zaum qhia tias muaj dab tsi txawv txawv lawm.''
Kuv yuav thov kev pab cuam qhov twg?
Thawj yam thiab yog qhov tseem ceeb tshaj plaws ntawd ces yog tias yus mloog tias yus tsis tau txais kev nyab xeeb, ces hu rau tus xov tooj 000 nrog tub ceev xwm tham los yog nrhiav cov kev pab cuam daws teeb meem kub ntxhov ntawm yus lub xeev.
Yog tias koj tsis pom qab yuav ua li cas ces Ms Mort tau qhia tias kom hu rau lub koom haum 1800RESPECT tus xov tooj 1800 737 732 uas lawv yeej muaj peev xwm yuav pab xa kom mus thov cov kev pab cuam ntawm lub zos koj nyob kom tau txais tej kev pab cuam uas koj xav tau.
Nws tau hais tias "Tsis yog tias tsuas tham txog tus poj niam ntawd nkaus xwb tab sis nws tsev neeg thiab, tej phooj ywg los yog tej neeg ua hauj lwm ua ke muaj peev xwm ntsib peb seb peb ho muaj peev xwm pab tau dab tsi rau lawv. Yog li thiaj xav kom ntseeg yus lub siab. Thiab qhov peb xav hais ntawd ces txawm yus tsis paub tseeb los yus yeej muaj peev xwm hu rau lub koom haum li 1800RESPECT nrog lawv tham uas kuj yog ib kauj ruam zoo heev li thiab.''
Tsis tas li ntawd los yeej muaj ntau cov kev pab cuam ntawm lub koom haum , nrog rau tej nom tswv zos tej vas sab ntau yam thiab.
Yog tias koj xav tau txais kev pab cuam rau txiv neej tej cwj pwm los yog cov kev txhawj xeeb txog kev txij nkawm/nkauj nraug, ces Ms Wat kuj tau taw qhia kom sib txuas lus nrog Men's Referral Line raws tus xov tooj 1300 766 491. Tsis tas li ntawd los cov kev pab cuam ntawm kuj muaj kev pab cuam, muaj tej xov xwm thiab muaj kev sab laj pab tej txiv neej uas pheej siv cov kev kub ntxhov tawm tsam rau tej poj niam thiab.
Nws tau hais tias "Peb xav kom muaj tej txiv neej coob ntxiv tuaj hu xov tooj ntau tuaj ntxiv mus nrog peb tham, vim peb pom tias txhua cov kev sib tham yog ib lub cib fim zoo yuav hloov tau tej cwj pwm thiab.''
Protection order yog dab tsi?
Yeej muaj ntau yam twj raug coj los siv pab pov puag tej neeg raug teeb meem kub ntxhov hauv lub cuab yig kom tsis txhob raug tej teeb meem no ntxiv lawm suav cov protection orders nrog thiab. (Protection order ces yog ib daim ntawd tau los ntawm tsev hais plaub uas siv ib co lus zoj khi los txwv ib tug neeg twg uas nws yuav tau ua raws (Police.acti.gov.au)).
Tsis tas li ntawd los yeej muaj ntau lub npe siv sib txawv rau lo lus protection orders ntawm Australia ib lub xeev twg thiab yeej muaj cov txheej txheem sib txawv tsuas nyob rau ntawm seb koj nyob rau qhov twg xwb thiab.
Jacoba Brasch uas yog tus coj lub koom haum Law Council of Australia tau hais tias muaj ob txoj xub ke tseem ceeb uas muaj peev xwm peb tau tej txheej txheem no.
Txoj xub ke ib txwm siv ces yog: seb puas kom lwm tus hu tub ceev xwm los yog yus hu rau tub ceev xwm thiab lawv mam li txheeb tej xwm txheej. Thiab lawv kuj muaj peev xwm sau daim ntawv AVO (Apprehended Violence Order) los yog DVO (Domestic Violence Order) sawv cev rau yus. Los yog yus muaj peev xwm mus rau ntawm ib lub tsev hais plaub, thiab mus sau ib daim form [los sis yog yus yeej muaj peev xwm sau hauv online] thiab yus mus kuj muaj peev xwm sau ntawv thov yus kheej los kuj tau.Jacoba Brasch, President of Law Council of Australia.
Tej neeg ua tej hauj lwm no thiaj txhawb nqa kom tej neeg cuam tshuam nrog tej teeb meem no nrhiav kev sab laj los ntawm tej koom haum pab cuam uas ntej yuav sau ntawv mus thov daim ntawv txwv lwm tus neeg kom thiaj li siv tau txoj xub kev ua tau txais kev nyab xeeb tshaj plaws.
Thomas Sphor yog ib tug neeg uas pab tswj tej txheej txheem hais plaub ntawm Legal Aid NSW tau hais tais txhua daim ntawv txwv yeej muaj ib co lus zoj khi tias tsim nyog ib tug neeg yuav coj cwj pwm zoo li cas.
Nws tau hais tias ua rau txhua cov ntawv txwv ib tug twg uas pheej tsim teeb meem kub ntxhov rau lwm tus yeej raug lees paub thiab raug siv thoob plaws rau txhua lub xeev lawm. Yog tias tseem txheeb tau tias tus neeg tsim teeb meem ntawd tseem yuam cov kev txwv thiab ces nws yuav raug nplua thiab yuav raug rau txim kaw tsev laj cuj.
Yuav ua li cas yog tias kuv yog ib tug neeg ntawm cov neeg coj ntseeg ntau yam kab lis kev cai thiab hais ntau hom lus sib txawv?
Tej poj niam ntawm cov neeg coj ntseeg ntau yam kab lis kev cai thiab hais ntau hom lus sib txawv - suav tej poj niam neeg txum tim Aboriginal thiab Torres Strait Islander, tej poj niam neeg thoj nam tawg tsov tawg rog, tej poj niam neeg tsiv teb tsaws chaw thiab tej poj niam tub kawm pej kum haiv - ces kuj yuav plam txiaj ntsim qee yam thiab kuj yuav raug cais thiab ntsib lwm yam teeb meem, uas yuav ua rau haj yam thov tau tej kev pab cuam no nyuaj tshaj qub ntxiv thiab.
Ms Mort thiaj tau hais tias muaj tej thaum ces kuj nyob ntawm seb lawv puas siv lus Askiv ua thawj hom lus thiab, los yog seb lawv ho nyob ntawm lub teb chaws no ntev npaum li cas lawm, los yog seb lawv ho swm rau tej txheej txheem thov cov kev pab cuam ntawd npaum li cas xwb thiab.
Peb yeej pom tias tej zaum muaj tej neeg tuaj tshiab rau Australia no kuj tau ntsib tej teeb meem kub ntxhov no ntawm lub teb chaws lawv tuaj, yog li ntawd cov kev totaub tias tej teeb meem kub ntxhov hauv lub cuab yig uas lawv tau ntxeem dhau ntawd yog ib txoj kev taug rau lawv, thiab yog tej yam uas peb yuav tau nrog txheeb kom ntxaws. Txawm tias lawv tsis paub tias yuav mus rau qhov twg, thiab tej zaum koj yuav ntshai tsis xav siv tsoom fwv tej kev pab cuam uas los ua ntau yam hauj lwm sib txawv. Los peb yuav tsum tau xyuas kom sib cuab tau nrog lawv raws lawv tej coj ntawm lawv tej zejzog los qhia kom lawv paub txog peb tej kev pab cuam, thiab [xav xa tsab xo] tias tej teeb meem kub ntxhov hauv lub cuab lub yig yog tej yam yuav tsis nyog.Fiona Mort uas yog tus coj lub koom haum 1800RESPECT
Thiab nws kuj tau qhia tias tej kev pab cuam daws teeb meem kub ntxhov hauv lub cuab yig no ces yeej muaj neeg txhais lus pab thiab.
Ms Kinnersly tau qhia ntxiv tias yeej muaj tej kws paub zoo txog ib yam hauj lwm twg tsi ntsees thoob teb chaws no li:
- - yog tsoom fwvx eev ib co kev pab cuam uas pab rau tej poj niam neeg tsiv teb tsaws chaw thiab thoj nam ntawm xeev Victoria (03 9413 6500).
- - yog ib lub koom haum zejzog uas tsim cov kev pab cuam daws tej teeb meem kub ntxhov hauv lub cuab yig, qhia tej xov xwm thiab xa tej neeg mus thov lwm cov kev pab cuam los yog teeb txheeb txog tej teeb meem no rau tej poj niam neeg tsiv teb tsaws chaw thiab tej poj niam neeg thoj nam ntawm xeev New South Wales (NSW) raws tus xov tooj 02 9635 8022 los yog [email protected])
- - yog ib qho chaw ua koom thiab ua kev zoo siab rau tej kab lis kev cai, thiab yeej muaj ib co kev pab cuam coj los pab rau tej poj niam neeg txum tim Aboriginal hais tsi ntsees rau tej neeg Aboriginal uas tseem tab tom ntsib teeb meem kub ntxhov tam sim no los yog tau ntsib tej teeb meem no dhau los (1800 105 303 or [email protected])
- - ces yog ib lub koom haum cai lij choj pab rau tej neeg txum tim Aboriginal tej poj niam, me nyuam thiab tej hluas thoob plaws rau lub xeev NSW.
Yog xav paub txog ntau cov kev pab cuam ntxiv ces txheeb tau lub tuam chav pab zej tsoom Department of Social Services cov kev pab cuam hu ua uas pab rau tej txiv neej thiab tej poj niam uas tuaj rau teb chaws Australia.
Thiab koj muaj peev xwm saib tau cov documentary hu ua 'See What You Made Me Do' ntawm SBS thiab SBS On Demand. Txheeb tau ntxiv ntawm
Yog tias zaj xov xwm no los yog cov documentary no ua rau muaj kev txhawj xeeb rau koj ces koj muaj peev xwm hu rau lub koom haum 1800RESPECT raws tus xov tooj 1800 737 732 los yog txheeb tau ntawm
Thiab yog tias koj ho poob rau tej xwm txheej ti tes ti taw uas yuav raug kev phom sij rau koj txoj sia ces muaj peev xwm hu rau tus zauv xov tooj Triple Zero (000).
cov program 'No to Violence', thiab hu tau rau lawv tus xov tooj 1300 766 491.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
Share
