Ntsiab lus tseem ceeb:
- Cup Day (Hnub sib tw nees) ces yog zej tsoom ib hnub so (Public holiday) ntawm Victoria thiab poob rau hnub zwj Quag (Tuesday) ntawm lub 11 hlis ntuj.
- Melbourne Cup kuj yog ib hnub yeej tau ua raws tej kab lis kev cai los ntev tab sis kuj yog ib hnub uas ua rau muaj zej tsoom muaj cov kev xav sib cov nyom thiab.
- Thiaj ua rau muaj lus tib cov kev sib tw no tias ua rau tej tsiaj txhu tsis tau txais kev noj qab nyob zoo thiab tsis tsim nyog yuav siv nees sib tw coj los khwv nyiaj.
- Cup Day thiaj li yog ib hnub uas Australia muaj cov kev twv txiaj yuam pov ntau tshaj plaws.
Thawj hnub zwj Quag (Tuesday) ntawm lub 11 hlis ntuj, ces Australia yeej tau so ib hnub mus saib cov kev sib tw nees no.
Melbourne Cup yog ib lub koom txoos tseem ceeb ntawm Australia cov kev sib tw thiab yog ib co koom txoos nto npe hauv ntiaj teb. Ntawm Victoria ces hnub Cup Day yog ib hnub so rau zej tsoom thiab (Public holiday).
Neil Wilson, uas yog tus coj lub koom haum Victoria Racing Club hais tias “Lub koom txoos sib tw no yeej yog ib feem ntawm Australia tej kab lis kev cai thiab yog ib feem ntawm teb chaws Australia.”
Nws hais ntxiv tias “Lub koom txoos no uas tau sib tw thaum ntxov los yeej ntxeem dhau ntawm ntau kob tsov rog, ntxeem dhau rau lub caij uas Australia muaj lagluam tsis zoo, thiab tsis ntev los no os yeej ntxeem dhau tus kab mob COVID uas kis thoob ntuj thiab.”
Mr Wilson hais tias lub koom txoos no yeej muaj keeb kwm tau ua los txog 162 xyoos lawm, thiab cov kev sib tw no yeej tau loj hlob thiab tau ras los ua zoo tib yam li zejzog pej kum haiv ib cov kev sib tw tseem ceeb lawm thiab, piv txwv li cov kev sib tw caij tsheb Grand Prix los yog cov kev sib tw tennis grand slams.
“Peb yeej muaj tej neeg ntawm 160 lub teb chaws saib ze txog li 750 million leej thiab.”
Thiab txawm tias muaj neeg Australia coob heev ua kev zoo siab rau lub koom txoos sib tw no, los yeej muaj coob tus neeg Australia tsis pom zoo thiab.
Tej neeg mus saib nees sib tw npuaj teg zoo siab rau hnub Melbourne Cup Day ntawm lub tshav sib tw nees Flemington Racecourse. Source: AAP / JAMES ROSS/AAPIMAGE
Melbourne Cup ces yeej raug xam tias yog ib hnub uas sawv daws sib koom ua ke thiab ua kev zoo siab, tab sis qhov peb ua kev zoo siab no yog tej yam ua yuam kev lawm.Kristin Leigh, Coalition for the Protection of Racehorses Communications Director
Tej neeg tawm tsam pov puag tej tsiaj txhu txoj cai yeej ib txwm mus tawm tsam rau hnub Melbourne Cup Day. Source: AAP / SCOTT BARBOUR/AAPIMAGE
Melbourne Cup ho tseem ceeb li cas?
Melbourne Cup ces yog cov kev sib tw neeg rau hnub 7 hnu ua Cup Day ntawm lub tshav sib tw Flemington Racecourse. Thiab kuj yog ib lub koom txoos sib tw rau ntau hnub so thiab kuj yog ib cov kev sib tw tseem ceeb rau cov kev sib tw Spring Racing Carnival.
Ces thaum txog sij hawm 3pm ntawm hnub zwj Quag (Tuesday) ntawm lub 11 hlis ntuj, thiaj muaj ntau million tus neeg tau so mus koom lub koom txoos sib tw nees no.
Mr Wilson hais tias “tos hos hais tias 'yog cov kev sib tw uas cheem haiv neeg' los twb vim yog tias yeej tau cheem txhua tus neeg ntawm Australia rau lub caij ntawd,”
Rau qhov tias, yeej muaj txhua txhua tus neeg hnoob nyoog 18 xyoo los yog siab tshaj ntawd yeej so thiab yeej mloog los yog yeej saib cov kev sib tw nees no.Neil Wilson, Victoria Racing Club Chair
Ces hnub sib tw nees (Cup Day) no thiaj muaj neeg 300,000 tus mus rau ntawm lub tshav sib tw nees
Flemington Racecourse thiab siv ib hnub mus koom ntau yam.
Ms Wilson hais tias “Fashion los kuj yog ib feem tseem ceeb ntawm lub koom txoos no thiab, ces thiaj ua rau tej neeg yeej cia siab thiab npaj hnav tsoos kom zoo, ntoo koos mom, thiab hnav lawv tej tiab uas zoo nkauj heev thiab. .”
Jockey Kerrin McEvoy (left) rides Quantico to victory in race 10, MSS Security Sprint during Melbourne Cup Day, at Flemington Racecourse, Melbourne, Tuesday, November 2, 2021. Source: AAP / JAMES ROSS/AAPIMAGE
Cov nyiaj paj tshab yeej sib tw nees thiab cov kev twv txiaj
Cov kev sib tw nees no yog ntiaj teb ib cov kev sib tw uas tau nyiaj ntau tshaj plaws ntawm ntau cov. Xyoo 2022 ces siv nyiaj txog $8 million diam, thiab tus neeg sib tw yeej yuav tau nyiaj $4 million thiab tau lub khob paj tsab khoom plig $250,000.
Cup Day thiaj li yog Australia ib hnub sib tw uas muaj cov kev twv txiaj ntau tshaj plaws. Yeej muaj tej neeg mus twv cov kev sib tw nees no ib xyoos ib zaug twg, thiab tej chaw ua hauj lwm los yeej muag cov ntawv rho hmoov twv rau cov kev sib tw nees no thiab.
Lub koom haum pov puag tej nees sib tw (Coalition for the Protection of Racehorses) cav tias txawm tias lub koom txoos Melbourne Cup yuav pab xeev Victoria tej lagluam, los yeej ua rau muaj cov kev twv txiaj thiab, uas yog ib cov teeb meem loj heev ntawm Australia.
Ms Leigh hais tias “10 xyoo dhau los ces tau muaj tej nyiaj siv coj mus twv sib sib tw twb tau muaj ntau tuaj ntxiv txog ob npaug lawm. Tam sim no ces ib xyoos twg yeej tau siv nyiaj txog li $29 billion mus twv cov kev sib tw nees no lawm. Yog li cov kev sib tw nees no thiaj tsis yog tias yog tej yam phem rau tej nees xwb, tab tsis yog tej yam tsis zoo rau tib neeg thiab.”
MORE FROM THE SETTLEMENT GUIDE
Tswv yim daws tej neeg quav kev twv txiaj yuam pov
Vim li cas thiaj muaj neeg tsis pom zoo (rau cov kev sib tw nees no)?
Tau ntau xyoo lawm uas tej lagluam sib tw nees yeej raug txheeb cuam tshuam txog tej tsiaj txoj kev noj qab nyob zoo, cov txheej txheem yug thiab tu tej nees, thiab tej kev xyaum nees uas phem heev.
Tsis tas li ntawd los kuj tseem cuam tshuam txog tias puas tsim nyog siv cov kev sib tw no thiab cov kev pheej nplawm/ntaus tej nees thiab cov kev raug mob rau tej nees thaum sib tw uas pheej ua rau raug muab tua.
Ms Leigh tshab txhais tias “10 xyoo dhau los no, ces twb muaj 8 tus nees raug muab tua ntawm Flemington vim lawv raug mob rau hnub sib tw Melbourne Cup Day.”
Vim yuav tau siv nyiaj ntau heev kho tej neeg no kom zoo, siv caij nyoog thiab yog tej yam nyuaj heev rau ib tug nees, ces lawv thiaj muab tej nees no tua kiag rau ntawm qhov chaw sib tw lawm.
Ms Leigh hais zej tsoom yeej tseem tsis tau pob txog tias muaj tej nees sib tw no coob npaum li cas tau tuag lawm.
“Txhua txhua 2.5 hnub twg ces yeej muaj ib tug nees raug tua ntawm Australia tej chaw sib tw nees. Thiab kuj yeej tseem muaj ntau txheeb tus nees raug tshem tawm ntawm tej chaw sib tw nees vim lawv raug mob, thiab raug coj mus tua lawm, thiab yog tej nees uas peb yeej tsis paub tias xyov muaj dab tsi tshwm sim rau lawv lawm.”
Txawm li cas los Mr Wilson kuj tiv thaiv thiab tias cov kev sib tw nees no yeej kub siab txog tej kev noj qab nyob zoo txog tej tsiaj no ntau tuaj ntxiv lawm thiab.
Nws hais tias “Peb yeej kub suab los tu thiab saib xyuas tej tsiaj no txog rau them uas tej zaum tej neeg tsis ris txiaj thiab,''
“Yeej muaj tej kws tu tsiaj pab tu saib xyuas lawv, pab txhuam thiab tu lawv tej kaus hniav, pab zuaj, thiab npaj lawv zoo heev kom npaj txhij mus sib tw.”
Tej neeg tawm tsam pov puag tej tsiaj txhu tau hnav ib cov fashion cuav coj thiab tsim ib cov kev sib tw nees cuav rau thaum tseem ua hnub Melbourne Cup. Source: AAP / DAVID CROSLING/AAPIMAGE
Txawm tias peb yeej muaj cov kev sib tw nees uas tau txais kev nyab xeeb tshaj plaws hauv ntiaj teb no lawm, los peb yeej tseem nrog xyuas kom tau cov kev sib tw zoo tshaj ntawd ntxiv thiab.Dr Grace Forbes, Racing Victoria Veterinary Service General Manager
Tsis ntev los no los lub koom haum Racing Victoria thiab tsoom fwv xeev Victoria kuj tau yuav ib lub CT scanner uas scan tau tag nrho tej nees lub cev coj los scan seb puas txheeb tau tias tej zaum tej neeg yuav muaj pob txha tawg li cas ua ntej lawv yuav sib tw ntawm lub koom txoos Spring Racing Carnival.
Dr Forbes tshab txhais tias “lub tshuab tshiab no yuav pab kom peb muaj peev xwm scan tau tej nees thaum lawv sawv thiab tseem cus.”
Thoroughbreds ces yog ib cov kev sib tw nees uas khiav ceev heev. Tej neeg yeej muaj peev xwm khiav ceev txog 60 los yog 70 km rau ib teev twg (km/hr). Source: Getty / Getty Images AsiaPac
Tej nees twg thiaj muaj peev xwm sib tw?
Yuav muaj 24 tug nees yog cov nees muaj cai sib tw rau ntawm lub tshav sib tw khiav deb txog li 3200 metres. Thiab cov neeg sib tw no ces yeej yog ib cov yug los sib tw kom khiav tau ceev heev xwb.
Tej nees no yuav tsum yog cov muaj hnoob nyoog yam tsawg li peb xyoos thiab yuav tsum hnyav raws li qhov teev tseg.
Cov kev sib tw Melbourne Cup ces yog ib cov kev sib tw seb tus nees lub cev hnyav li cas kom nws thiaj muaj peev xwm khiav tau sib npaug tib yam li lwm tus nees. Thiab tej neeg yeej muaj cov neeg caij muaj ceeb thawj sib nrawg, muaj hnoob nyoog zoo tib yam los yog seb lawv ho sib tw tau zoo li cas dhau los. Cov kev txheeb tej no thiaj yuav pab kom ib tug nees twg muaj cib fim yeej sib npaug.
Thiab tus nees muaj koob nto npe tshaj plaws ntawm cov kev sib tw Melbourne Cup ces yog Phar Lap uas tau yeej xyoo 1930. Thiab vim nws yog ib tug neeg muaj peev xwm sib tw zoo heev ces thiaj tso nws tus duab rau ntawm Melbourne Museum, thiab khaws nws lub plawv cia ntawm tuam ceeb Canberra.
HELP FOR GAMBLING ADDICTION
Nrhiav kev pab cuam thaum ib tug neeg koj hlub tshua quav kev twv txiaj yuam pov.
SBS English
19/08/202208:34
