Key Points
- Tej zaum cov kev twv txiaj yuam pov no yuav ua rau ntsib kev nyuaj siab thiab teeb meem nyiaj txiaj
- Ib tug neeg quav kev twv txiaj yuam pov yuav ua rau muaj teeb meem rau nws tsev neeg thiab tej phooj ywg - tab sis yeej muaj kev pab cuam thiab
- Cov kev tsis paub zoo txog lwm tus tej kab lis kev cai kuj yuav tiv thaiv kom tej neeg txhob mus nrhiav kev pab cuam thiab
- Yog xav kom pab tau ib tug neeg yus hlub tshua ces tej cuab yig thiab tej phooj ywg yuav tsum tau nrhiav kev pab cuam pab rau lawv thiab
Professor Sally Gainsbury uas yog ib tug paub zoo txog phab txuj daws kev nyuaj siab ntawm tsev kawm qib siab University of Sydney hais tias zoo li tej zaum yeej ib txwm tsis tshua pom txog cov kev phom sij los ntawm cov kev twv txiaj hauv online los yog ntawm chaw twv txiaj tiag.
Feem ntau mas peb hu ua cov kev quav no tias yog cov kev quav zais vim tsis muaj peev xwm yuav paub thaum saib ib tug neeg twg lub qhov muag los yog tsis hnov ntxhiab tsw thaum lawv ua pa es thiaj paub tias lawv muaj teeb meem twv txiaj yuam pov. Tab sis yeej tseem muaj teeb meem tib yam nkaus thiab yeej ua rau poob nyiaj tib yam nkaus thiab.Sally Gainsbury, Professor of Psychology at the University of Sydney.
Mloog tau zaj xov xwm no ua kaw uas suab lus Hmoob tau ntawm no:
LISTEN TO
Tswv yim daws tej neeg quav kev twv txiaj yuam pov
SBS Hmong
26/08/202218:12
Prof Gainsbury yog tus coj lub tsev kawm qib siab no lub chaw teeb txheeb txog thiab kho cov teeb meem twv txiaj yuam pov (Gambling Treatment and Research Centre).
Nws hais tias yeej yog ib co xub ke sib chab sib chaw heev rau cov kev yuav thim tau cov kev quav kev twv txiaj yuam pov tsis hais tej neeg ntiag tug uas tsis muaj peev xwm pab tau lawv tus kheej los yog tej neeg ib puag ncig lawv nrog tib si.
Thiab yeej rov qab pom muaj tej teeb meem twv txiaj yuam pov no dua ntxiv tas mus li thiab raws li nws hais.
E pei fiafia nisi e ta'a'alo peletupe i luga o le 'upega tafa'ilagi, ae o nisi i masini poka, ae tutusa lava le ogaoga o a'afiaga. Credit: Getty Images/becon
ces yeej muaj tej neeg paub tab txog li 7.2% yeej yog cov neeg uas yuav ntsib teeb meem twv txiaj yuam pov.
Tej neeg zejzog coj ntseeg ntau yam kab lis kev cai thiab hais ntau hom lus yeej tsis twv txiaj ntau tshaj tej pej xeem sawv daws npaum li cas, tab sis muaj ib co kev teeb txheeb qhia tias lawv yog cov neeg uas yuav raug teeb meem twv txiaj ntau dua.
Natalie Wright uas yog tus coj lub koom haum Office of Responsible Gambling ntawm New South Wales hais tias tej neeg ntawm ntau cov zejzog sib txawv uas ntsib cov teeb meem twv txiaj yuam pov no yog cov uas pheej lug tsis xav nrhiav kev pab cuam vim ntshai tsam txaj muag thiab raug lwm tus ntaus nqes tsis zoo.
Cov kev sab laj daws tej teeb meem no yeej tej yam txawv rau ntau cov zejzog, vim yog ib lub tswv yim ntawm cov teb chaws vam meej xwb. Yog li thiaj tseem muaj cov kev xav ua tej neeg no tseem khaws tej teeb meem no cia rau hauv lawv tsev neeg xwb.Natalie Wright, Director of the Office of Responsible Gambling in New South Wales
Negatívne dôsledky hazardných hier necítia len samotní gambleri. Credit: Getty Images/uniquely India
Tej txheeb ze thiab tej phooj ywg ntawm tus neeg uas ntsib cov teeb meem twv txiaj yuam pov los tej zauj kuj yuav raug teeeb meem tau thiab.
Feem ntau yuav ua rau lawv muaj teeb meem nyiaj txiaj cuam tshuam nrog cov kev twv txiaj. Yuav ua rau lawv muaj teeb meem rau lawv txoj kev sib raug zoo, thiab yuav tau daws ntau yam teeb meem cuam tshuam tsis zoo.
Professor Gainsbury tshab txhais tias “Yog li ntawd, tej neeg no thiaj yuav tau nrhiav kev pab cuam coj los pb rau lawv tsis hais lawv tus neeg quv kev twv txiaj ntawd yuav hloov lawv cov kev twv txiaj los tsis hloov li. Thiaj yog tej yam tseem ceeb rau lub caij uas lawv tseem tab tom pab ib tug neeg twg kom ntxeem dhau ntawm cov kev twv txiaj yuam pov.”
Zhoršenie finančnej situácie môže byť znamením, že hranie hazardných hier sa stalo problémom. Credit: Getty Images/Narisara Nami
Nws hais tias nws tsev neeg kiag los yeej raug teeb meem tib yam thiab lawv yeej ib txwm pab kom nws ntxeem dhau tej teeb meem no.
Nws yeej tseem nco tau tias muaj nws ib tug txheeb ze tau nrhiav kev pab cuam sab laj pab rau lawv rau lub caij uas nws ntxeem dhau cov teeb meem twv txiaj no thiab.
Nws hais tias “Ces thiaj ua rau lawv muaj peev xwm pab tau kuv zoo dua kom kuv ntxeem dhau ntawm cov teeb meem no, uas tej zaum kuj yog tej yam nyuaj heev rau tej neeg uas tsis yog cov neeg quav kev twv txiaj yuav to taub tau yooj yim."
“Kuv xav tias cov kev tau txais kev pab cuam los ntawm tej neeg paub daws tej teeb meem no yuav pab kom tej neeg twv txiaj nkag siab tias lawv tsis yog tus ua rau muaj tej xwm txheej no tshwm sim. Tsis yog lawv txoj kev txhaum dab tsi uas tau muaj tej xwm txheej no tshwm sim. Thiab yuav pab taw qhia rau tej neeg ntiag tug zoo li kuv no tau yooj yim dua.”
Yog tham txog Adam lawm ces cov kev tau siv cov kev pab cuam uas yog ib cov program uas tej poj niam thiab txiv neej qhia txog lawv tej teeb meem twv txiaj yuam pov thiab pawb lwm tus kom ntxeem dhau ntawm tej teeb meem no yog cov pab kom nws tso tseg tau cov kev twv txiaj yuam pov lawm.
Tab sis Adam ntseeg tias nyias yeej muaj nyias ib txoj xub kev txawv nrhiav tswv yim coj los pab daws tej teeb meem twv txiaj no.
Ib txhia ces thaum mus sab laj daws cov teeb meem no txhua limtiam ces kuj muaj peev xwm tso tau cov kev twv txiaj no tseg lawm thiab, ib txhia ces hloov ua dua hauj lwm tshiab, hloov dua txoj kev ua lub neej thiab ua exercise kom ntau ntxiv tuaj. Ces thiaj li muaj ntau yam siv tau coj los pab tau rau sawv daws.Adam*, recovering from problem gambling
Podpora typu “rovný s rovným” a online fóra môžu byť pre mnohých užitočné Credit: Getty Images/Marco VDM
Professor Gainsbury hasi tias tsis hais ib cov kev pab cuam twg li yeej tseem ceeb yog tias yog cov kev pab uas haum rau tus neeg ntawd.
Nws thaj muab cov kev daws cov teeb meem twv txiaj no piv tam li yog ib co xwm txheej kub ntaiv uas tau tshwm sim ntawm ib lub dav hlau, uas yeej muaj neeg taw qhia kom tej neeg yuav tsum looj lub twj khwv qhov ncauj qhov ntswg kom tau cua oxygen ua pa tso ua ntej yuav pab lwm tus.
Yog ib qho tseem ceeb xav kom tej neeg ras txog tias yeej muaj ntau cov kev pab cuam pab rau lawv, thiab tsis yog lawv yuav ntxeem nrog tej teeb meem no kheej xwb..[thiab] kom nco ntsoov txog qhov tseeb tias yuav xub tau tso cua oxygen pab yus ua ntej tso.Professor Gainsbury.
Tej xeev yeej muaj ib co kev pab cuam uas muaj tej xov xwm thiab muaj cov kev sab laj daws tej teeb meem no hauv xov tooj, hauv online los yog mus siv cov kev pab cuam no kiag ntawm chaw thiab.
Tsoom fwv New South Wales (NSW) yeej muaj ib cov kev taw qhia hu ua , uas muaj lub hom phiaj los pab tej neeg ntawm ntau cov zejzog sib txawv uas tab tom ntsib teeb meem twv txiaj thiab tsis pom qab yuav mus nrhiav kev pab cuam kom tau txais kev pab cuam.
Yog li ntawm thawj lub cov kev pab cuam uas yog ib tug twg ntawm xeev NSW xav hu thiab thov cov kev pab cuam ntawd ces yog hu rau raws tus zauv xov tooj 1800 858 858. Lawv lub vas sab (website) yeej muaj xov xwm txhais ua ntau hom lus.
Tsis tas li ntawd los yeej tseem muaj cov kev sab laj txog phab nyiaj txiaj pab ntxiv thiab.
Ms Wright thiaj xav taw qhia kom yog tias ho muaj ib tug twg muaj ho muaj nuj nqes ntau zuj zus tuaj vim koj tus neeg uas koj hlub tshua quav cov kev twv txiaj yuam pov los yog ho muaj teeb meem nyiaj txiaj, ces koj muaj peev xwm nrhiav cov kev pab cuam sab laj txog nyiaj txiaj no siv tau thiab.
Yeej muaj neeg coob heev nrhiav cov kev pab cuam ntawm tej neeg lawv paub xwb. Uas feem ntau pas yog ib tug kws kho mob twg, ib co kev pab cuam twg hauv tej zejzog, li cov kev pab cuam los ntawm tej coj los yog tej coj kev coj ntseeg, los sis yog cov kev pab cuam los ntawm lawv tsev neeg.Professor Gainsbury.
Ms Wright hais tias “Yeej muaj cov kev sab laj thiab taw qhia kom ib tug twg paub daws nws tej teeb meem thiab daws kev nyuaj siab ua cov hom lus txog li ntawm 50 yam lus pab rau ib tug twg thoob plaws lub xeev no.”
Tab sis nws hais tias thaum kawg ces cov kev pab ib tug neeg twg uas raug cov teeb meem twv txiaj yuam pov ntawd los yuav tsum tau txhawb nqa kom lawv mus nrhiav cov kev pab cuam los ntawm tej neeg uas paub daws tej teeb meem no ntxiv thiab.
Yog xav tau txais kev pab cuam ces hu rau tej xov tooj hauv qab no los yog nyem rau cov links hauv qab no tau:
