Yeej tau muaj Australia lub chaw twv txhiaj poker-machine uas pab tej zejzog tab sis muaj ib txhia chaw twv txij loj tau siv nyiaj ntau roob dollars rau lawv tus kheej xwb.
SBS nrhaiv tau ib cov xov xwm los ntawm cov chaw twv txiaj rau thaj chaw uas tej neeg txom nyem tshaj plaws thiab muaj ntau pawg neeg nyob sib xyaws hauv tej zejzog uas muaj cov teeb meem twv txiaj nyuam pov no ntau heev ntawd.
Hassan Jaber uas yog ib tug hluas ua hauj lwm tsoo tej vaj tse qub es yuav ua dua cov tshiab yeej xav qhia tej neeg txog nws cov teeb meem twv txiaj yuav pov los tau ib lub xyoo no tias yog lub caij nyuaj kawg nkaus rau nws.
"Kuv khwv tau ib xyoo twg tau ze txog li ntawm 50 txheeb dollars tab sis yeej tau siv txhua txhua dollar coj mus twv txiaj nrog cov poker machine tag li lawm. Vim yus xav tias yus yeej yuav yeej ib zaug rau ib hnub twg xwb xwb li."
Mr Jaber nyob lub zos Bankstown rau sab qab teb hnub poob ntawm nroog Sydney uas cov chaw twv txiaj tau nyiaj ntau heev los ntawm cov tshuab twv txhiaj poker machine 10 lub ces yog nyob sab hnub poob thiab hnub poob qab teb.
"Jaber hais tias yus yeej xav kom yus muaj nyiaj, ces yus thiaj niaj hnub mua ua hauj lwm tab sis thaum muab tej nyiaj twv txiaj tag ces yeej tsis tau ib kis siv rau hnub tom ntej ntxiv li lawm. Ces thiaj ua rau yus mus qev nyiaj ntsuab 500 nod los yog 1000 dollars tod los siv, thiab yuav tau them rov qab."
Tab sis tseem muaj ib txhia uas tseem qaug rau fab kev twv txiaj yuam pov yeej tseem tsis tau kam tawm los qhia kiag tej teeb meem no rau zej tsoom sawv daws paub li.
Anna yog ib tug neeg Italian thiab SBS tau muab nws lub suab kho hloov kom txawv kom neeg txhob paub nws yog leej twg ntawd hais tias.
"Yog tej yam uas yus pheej mus twv tas li thiab kuv tseev qaug rau fab kev twv txiaj txawm kuv tau tawm tsam kom tso tseg los yeej muaj qee zaus yus yeej qaug quav rau txoj kev yuam pov li lawm thiab."
Cov chaw twv txiaj uas ua rau tej neeg nyiam mus twv txiaj heev no tseem qhuas tias lawv yog cov pab lawv tej neeg zejzog thiab.
Yog li zaum no thiaj yog thawj zaug uas SBS nrhiav tau ib cov xov xwm coj los qhia tias tej chaw twv txiaj no coj tej nyiaj lawv tau ntawd mus siv li cas rau tsoom thawj coj ntawm cov chaw twv txiaj no.
Lub chaw twv txiaj Bankstown Sports Club tau tej nyiaj uas cov neeg coj mus twv txiaj ntau tshaj $84 million dollar rau lub 8 hli ntuj tsaib no thaum tsis tau them se thiab lawv tau siv $1.6 million coj los ua nyiaj hli rau cov coj ntawm lub chaw twv txij no.
Tib lub caij no los lub chaw twv txiaj Cabra-Vale Diggers ntawm lub zos Fairfield sab hnub poob nroog Sydney los kuj khwv tau nyiaj txog $ 75 million dollars thiab 5 tug coj ntawm lub chaw twv txiaj no tau nyiaj hli ib leej $ 1.18 million diam.
Hos lub chaw twv txiaj Dooleys Lidcombe Catholic Club uas nyob tsis deb tsis ze ntawm lub dhau los yeej khwv tau nyiaj yuav laug txog li $82 million, thiab cov coj tau nyiaj hli txog $2.3 million diam.
Lub chaw twv txiaj Fairfield RSL tau txog $40 million los ntawm cov tshuav tswv txiaj poker machines, thiab tus coj lub chaw twv txiaj no tau nyiaj hli siab tshaj plaws txog $ 2.5 million dollars diam.
Lub zos Fairfield ces raws li tau muaj ntaubntawv teev tseg lawm yeej yog lub zos uas txom nyem tshaj plaws ntawm lub xeev New South Wales.
Australian Bureau of Statistics cov zauv qhia tias muaj neeg poob hauj lwm yuav laug txog 2 npaug ntawm lub teb chaws Asutralia no cov kab theem neeg poob hauj lwm (5.5% rau January 2018) lawm thiab.
Muaj ntau tshaj ib nrab pej xeem nyob ntawm lub zos no yog cov neeg yug txawv teb chaws uas 7 tus neeg ntawm 10 tus twg yeej hais ib hom lus txawv tsis yog lus Askiv tom lawv tsev.
Thiab tsoom coj ntawm tej neeg zejzog no yeej qhia tias cov neeg tsiv teb tsaws chaw thiab cov neeg nyuam qhuav tuaj tshiab yog cov nyiam twv txiaj yuam pov dua.
Heshmat Shaheed yog ib tug neeg sab laj tawm tswv yim pab rau tej neeg muaj teeb meem nyuaj siab ntxhov plawv ntawm lub koom haum Arab Council of Australia.
"Nws hais tias tej neeg no tuaj rau teb chaws Australia ces lawv yeej tsis paub lus thiab paub ntawv Askiv li ces thiaj nrhiav tsis tau hauj lwm ua li thiab nyob tsev dawb dawb xwb tsis ua dab tsi li ces thiaj dhuav thiab meem txom heev li."
Paul Huy Nguyen yog tus coj ntawm cov neeg Nyab laj lub koom haum Vietnamese Community of New South Wales hais tias nws yeej pom tej teeb meem zoo sib xws li no ntawm nws lub zejzog thiab.
"Kuv xav tias peb cov zejzog neeg nyab laj yeej muaj cov teeb meem no loj kawg nkaus li thiab yeej tau tsim teeb meem nyuaj kawg nkaus rau tej cuab yig."
Lub chaw twv txiaj loj tshaj plaws ntawm lub ceev New South Wales yog Mounties Bowling Club, uas yeej tau siv nyiaj ntau roob dollars los pab nom tswv zos Fairfiel kho tej tshav ncaws pob rau tej neeg zejzog tau siv li lwm lub chaw twv txhiaj uas tau pab tej neeg zej zog thiab.
Thang Ngo yog uas yog ib tug nom tswv zos ntawm lub zos Fairfield tau hais tias:
"Tej teeb meem no yeej yog ib feem ntawm cov neeg zejzog no tab sis yeej yog tej neeg zejzog yog cov ua tswv ntawm tej zejzog no."
Xyoo 2014, Fairfield RSL tus coj khwv tau nyiaj ntau tshaj plaws yuav laug txog $800,000 thiab lub club no tau pab nyiaj $793,000 rau tej neeg zejzog lawm.
Tab sis lub sij hawm 3 xyoo ntawd lub club no kuj siv nyiaj ntau tshaj $100,000 rau ib lub xyoo twg mus ncig txawv teb chaws rau tej hauj lwm lawv hu ua "educational tours" mus rau Bali, Singapore, Macau ntawm Suav tuam tshoj thiab Las Vegas ntawm teb chaws America.
Nyob rau cov nyiaj puag xyoo 2015/16 ntawd , Dooleys tau siv nyiaj $4.7 million coj los ntiav cov neeg tawm tswv yim sab laj rau tej hauj lwm lub tuam txhab no yuav ua ntxiv tshiab ntawd.
Thiab lub sij hawm 3 xyoo ntawd lub club no tau xa nws cov neeg ua hauj lwm mus txawv teb chaws raug nyiaj tag nrho txog $300,000 diam uas muaj cov kev mus kawm thiab yaum ua hauj lwm ntawm lub chaw Disney Institute ntawm America lbu xeev Florida nrog thiab.
Yog li thaum SBS tau coj tej xov xwm no los tshaj tawm ces tej chaw twv txiaj thiaj tau qhia tias lawv yeej kub siab los nrog daws tej teeb meem neeg twv txiaj yuam pov no thiab tau tawm los pov puag tej nyiaj uas lawv siv ntawd.
Nyob hauv ib cov ncauj lug ntawm tsab ntawv uas Anthony Sobb uas yog tus coj lub chaw twv txiaj yuam pov Fairfield RSL tau qhia tias nws yeej tswj tej chaw twv txiaj no tib yam li tej tuam txhab lagluam.
"Vim tej dej num lawv ua no cev kuv xav tias yeej tsim nyog yuav tau them kom raws li qhov tsim nyog rau tej neeg ua hauj lwm thiab. Kuv kuj xav tias tej txiaj ntsim uas tej neeg zejzog tau txais ntawd tsis yog tib co nyiaj uas tau rov qab coj mus pab rau lawv nkaus xwb thiab."
Lub chaw twv txiaj Dooleys Catholic Club tus coj Mark McRae los kuj tau los tiv thaiv nws cov coj tej nyiaj hli tias "tsuas them raws li tej kiab khw them rau tej neeg xwb."
Hos Greg Pickering ua syog tus coj lub chaw twv txiaj Mounties los kuj tau hais tias "nws lub chaw twv txiaj yeej txaus siab heev rau tej dej num nws tau kub siab pab tej neeg zejzog tau los ua tib zoo tswj thiab ua nws tej dej num tam li cov neeg lagluam thiab yeej coj tej cuj pwm cam hwm lwm tus."
Mr Ngo yog tus tswv zos Fairfield rau lub caij muaj cov teeb meem yaj yeeb txhaum cai ntau heev uas yuav laug ua rau lub zos Cabramatta yuav laug tau txias kev puas tsuaj rau lub caij xyoo 1990s ntawd, tab sis nws tau
councillor during the heroin epidemic that almost destroyed suburban Cabramatta during the 1990s, tab sis nws kuj tau qhia tias yog ib cov xwm txheej txaus tu siab kawg nkaus rau tej xwm txheej uas tsis muaj peev xwm yuav los daws tau no li.
"Cov xwm txheej no yog ib cov ua rau kuv tu siab tshaj plaws li, txawm tias peb tau tawm tsam yeej tej teeb meem yaj yeeb txhaum cai no lawm los yeej tseem tsis tau muaj peev xwm daws tau tej teeb meem tshuab twv txiaj ntawm peb thaj chaw no li thiab."
Yog li Hassan Jaber uas yog ib tug neeg twv txiaj yuam pov dhau los thiaj tau kub siab heev yuav los tawm tsam kom muaj yeej nrog tej teeb meem no.
"Yeej tsis tsim nyog nkim koj lub sij hawm thiab koj tej nyiaj txiaj coj mus twv txiaj yuam pov hlo li nawb! Yog koj xav yeej tiag tiag ces kav tsij nrhiav hauj lwm ua xwb. Yog tias koj tseem mus rau thaj chaw twv txiaj thiab ces koj yeej kawg swb xwb xwb li." #.
Koj muaj peev xwm mloog tau cov xov xwm ua lus Hmoob los yog lus Askiv (English) tau raws li cov vam sab hauv qab no:
Mloog tau cov program ib teev tag nrho rau hnub zwj Teeb (Thursday) 6pm AEST (Australian Eastern Standard Time) thiab zwj Hnub (Sunday) 11am AEST ntawm:
Koj muaj peev xwm download cov xov xwm ua ib zaj ib zaj ua lub Hmoob thiab lus Askiv (English) los yog mloog tau ntawm:
Mus download tau SBS Radio app tau hauv Google Play thiab App Store ntawm tso rau koj lub xov tooj ntawm tes ces mloog tau rau 2 hnub hais dhau los saum toj no. Los yog koj muaj lus nug cuam tshuam txog cov kev siv SBS Radio app ces saib thiab nyeem tau ntawm no ntxiv
Tuaj ua tub koom siab thiab caum SBShmong qab hauv SBSHmong Facebook page, tuaj nyem nyiam (Click like) tuaj faib (Share) SBShmong cov xov xwm rau koj tej phooj ywg thiab tawm tswv yim (Comment) ntawm www.facebook.com/sbshmong
Thiab yog koj xav share thiab qhia koj zaj dab neeg thiab xov xwm rau xov tooj cua SBS Hmong Program tshaj thiab nthuav rau ib tsoom Hmoob sawv daws tau mloog kom sawvdaws ho hnov txog ces hu xov tooj rau +61 3 9949 2259 nrog SBS Radio Hmong Program tham tau. Los sis xav SMS rau + 61 (0) 429996263 tau los yog xa koj cov lus tawm tswv yim rau tau.
Koj muaj peev xwm mloog tau cov xov tooj cua tau raws li lub vam sab ntawm no:
HOBART = 105.7FM
MELBOURNE = 93.1FM / 1224 AM
CANBERRA = 105.5FM / 1440 AM
SYDNEY = 97.7FM / 1107 AM
WOLLONGONG = 1413AM
BRISBANE = 93.3 FM
CAIRNS = 90.5 FM
DARWIN = 100.9FM
PERTH = 96.9FM
SA = 106.3 FM
Thiab tseem mloog tau ntawm digital TV tshooj 38 ntxiv thiab.
