Ntsiab lus tseem ceeb:
- Yog tias yus ho tau xub sau qee yam xov xwm thov se nrog ATO ces tej zaum kuj yuav muaj peev xwm pab yus txuag tau sij hawm thiab zam kom tsis txhob ua yuam kev thiab.
- Cov kev siv ib tug tax agent thaum thov se txhais tsis tau tias yuav thov tau se ntau dua tab sis tsuas muaj peev xwm pab ua tib zoo txheeb txog tej se uas sib chab sib chaw thiab pab kom yooj yim zog rau yus xwb.
- Txheeb seb muaj tej xub ke rau yus thov tau li cas los yog ho muaj txoj xub ke twg uas tej zaum yus kuj muaj cai siv tau cov kev pab Tax Clinic los yog cov Tax Help program thiab.
Tsuas nyob ntawm seb yus ho thov se li cas xwb, hauv daim ntawv teev txog cov kev them se yeej txheeb txog tej nyiaj yus khwv tau uas yuav tau them se thiab seb yus ho muaj peev xwm thov txo se tau npaum li cas, thiab Australian Tax Office (ATO) yeej yuav txiav txim tias seb tsim nyog thim se rau yus npaum li cas los yog ho tshuav nqe dab tsi uas yus yuav tau them rov qab.
Robert Thomson uas yog tus ua hauj lwm pab ATO tus coj thiaj qhia rau tej neeg ua hauj lwm yuav tau them se tias yeej muaj caij txog tim 31 lub 10 hli ntuj mus thov yus tej se rov qab, los yog tias yus thov lig ces muaj peev xwm siv tau ib tug tax agent pab yus tau.
Txawm tias yus muaj peev xwm thov tau se txij tim 1 lub 7 hli ntuj mus, los yeej xav taw qhia kom tos txog rau thaum xaus lub hli no tso kom ATO muaj peev xwm teev yus qee cov xov xwm nyiaj txiaj ua ntej tso. Tej xov xwm no ces yog yus tej nyiaj hauj lwm tias seb khwv tau ib xyoos npaum li cas, tej nyiaj paj uas khwv tau los sis yog yus tej xov xwm tuav pov hwm tswj kev noj qab haus huv.
Txawm tias yeej muaj tej xov xwm xub raug teev ua ntej txog rau hauv yus daim ntawv thov se, los qhov zoo tshaj plaws ces yeej xav kom yus ua tib zoo txheeb seb puas raug raws li tej yus tau teev tseg thiab. Credit: adamkaz/Getty Images
''Thiab yeej muaj tej xov xwm ntawd tsis hais yus sau tej ntawv thov se kheej los yog kom ib tug tax agent pab yus ua.''
Tej xovxwm uas xub muaj ntawd yeej teev txog tej nyiaj tau txais kev pab cuam ntawm tsoom fwv pab rau yus tsev neeg thiab.
''Lub 7 hli ntuj nrab ces peb yeej muaj tej xov xwm teev tias koj tau nyiaj pab ntawm Centrelink npaum li cas yog tias koj yog peb ib tug customers,'' raws li Justin Bott uas yog tus Community Information Officer rau lub koom haum Services Australia hais.
Yog tias koj tau tej nyiaj pab Family Tax Benefit los yog Childcare Subsidy, ces rau thaum xaus financial year thaum lawv tej xov xwm lawv tau no coj mus piv rau tej nyiaj kwv yees tias koj khwv tau npaum li cas tiag.
ATO daim ntawv notice of assessment ces yeej qhia txog tej se uas yus tau them/los yog tej uas thim rov qab rau yus uas tsim nyog yus tau. Yog tias tej nyiaj uas tau kwv yees ntawd tau sib npaug li tej nyiaj yus khwv tau tias ces tsis tas kho dab tsi li.
Mr Bott hais tias “Qhia rau peb paub tias seb puas yog koj los yog koj tus txiv tsis tas yuav xa ntawv thov se rau financial year no. Vim peb tsis muaj tej xov xwm no kiag ces thiaj xav khom qhia. Yog thaum peb paub lawm ces thiaj muaj peev xwm los txheeb txog koj tej nyiaj txiaj.''
Tej neeg tuaj tshiab rau Australia tsim nyog yuav tau txheeb seb yus puas yuav tau xa ntawv thov se rau financial year tsaib ub.
Txawm tias tsis tau thov se los yeej tseem yuav sau daim ntawv non-lodgement advice form mus qhia rau ATO paub.
Ntawm Australia no ces tej neeg ua hauj lwm them se yeej muaj cai tsis them se txog rau thaum khwv tau nyiaj tshaj theem uas nom tswv tau teev tseg. Txhais tias koj muaj peev xwm khwv tau nyiaj ib xyoos twg txog li $18,200 yam tsis tau them se dab tsi. Credit: jeangill/Getty Images
Mr Thomson ntawm lub koom haum ATO thiaj hais tias muaj 3 yam tseem ceeb uas yuav tau nco txog thaum claim tax:
- Yus yuav tsum tau them tej nqe siv nyiaj pab rau yus tej hauj lwm ib yam twg thiab tseem tsis tau thov ntawm tus tswv lagluam rov qab.
- Tej nqe siv ntawd yuav tsum cuam tshuam ncaj qha nrog tej nyiaj yus tab tom khwv.
- Yus yuav tsum tau teev tej ntaub ntawv tseg, uas feem ntau yog khaws tej tw ntawv (Receipts) qhia tias yus tau siv nyiaj tiag.
Ua hauj lwm ntawm tsev
Yog tias yus ua hauj lwm ntawm tsev, ces yus yeej muaj peev xwm
rau ib co sij hawm uas yus ua hauj lwm ntawm tsev (fixed rate method) los yog yus muaj peev xwm xam raws li tej nyiaj yus siv tiag (actual cost methods) tau tib yam.
Tsis hais cov kev siv cov kev xam yam twg li, yus yuav tsum tau teev tej sij hawm ua hauj lwm ntawm tsev kom thawm xyoo.
“Ntawm ATO lub vas sab (Website), ces peb yeej muaj kom pab tej neeg nkag siab tias yus tsis muaj peev xwm claim tau dab tsi ntawm ib co hauj lwm twg thiab yus ho yuav tau teev dab tsi khaws cia.''
Yog yus ua hauj lwm ntawm tsev, ces yuav tsum tau khaws kom tau tej pov thawj los qhia kom tau qhov tseeb mas thiaj yuav claim tau ib co nqe siv cuam tshuam txog tej hauj lwm yus ua. Credit: MoMo Productions/Getty Images
Tej kev pab uas muaj pab rau yus
Tej neeg uas uas hauj lwm khwv tau nyiaj tsawg dua $60,000 ib xyoos twg muaj cai thov tau cov kev kev pab rau lub caij thov se.
Tsis tas li ntawd los kuj muaj cov , uas yog ib co kev pab cuam tsoom fwv teb chaws tau tshwm nyiaj los tsim tej clinics tshaj 15 lub los pab rau tej neeg thoob teb chaws thiab tej chaw pab ntawd yeej ua hauj lwm ywj pheej tsis nce rau ATO, los koom tes nrog tej tax agents tsim cov kev taw qhia pub dawb rau tej neeg muaj cai siv tej kev pab cuam.
Ann Kayis-Kumar ces yog ib tug Associate Professor paub txog Tax Law ntawm tsev kawm qib siab University of New South Wales thiab yog tus teeb tsa lub UNSW Tax and Business Advisory Clinic.
Nws tshab txhais raws li cov kev pab tej neeg tim ntsej tim muag ces tej kev pab cuam no yeej yog cov kev pab rau tej neeg txom nyem nyiaj txiaj thiab pab rau tej neeg uas ntsib kev nyuaj siab.
Nws hais tias “Tej koom haum zejzog, tej neeg sab laj tawm tswv nyiaj txiaj feem coob, tej chaw pab cuam cai lij choj, lub koom haum Lifeline thiab lwm cov koom haum yog cov xa tej neeg los ntsib peb.''
Siv ib tug tax agent pab thov se rau koj
Yeej muaj neeg Australia coob heev xum ntiav ib tug tax agent twg pab lawv sau lawv tej ntaub ntawv thov se rov qab. Qhov tseeb tiag ces .
Tau muaj ib cov kev koom uas Prof Kayis-Kumar uas tus coj ua cov kev teeb txheeb no yeej qhia tias cov kev siv ib tug neeg pab yus thov se (A tax agent) yeej tsis muaj peev xwm thov tau se ntau rov qab yog piv rau tej ua yus ua yus, tsuas yog tias ntshe yus ho khwv tau nyiaj ib xyoos twg yam tsawg li $180,000 xwb.
“Nyob rau cov kev koom kev teeb txheeb thiab sau tsab ntawv cej luam no nrog Chris Evans thiab Youngdeok Lim, ces pab yeej tau txheeb tej piv txwv ntawm tej neeg Australia tshaj 5 million cov kev kev thov se rov qab rau lub caij tshaj 4 xyoos. Ces peb tau txheeb tau tias tej txiaj ntsim tseeg uas tau los ntawm cov kev siv ib tug neeg pab sau tej ntaub ntawv thov se (A tax advisor, los sis a tax agent) – ces yeej tau txais kev yooj yim rau yus tsuas yog tias ntshe yus ho yog ib tug neeg khwv tau lwm yam nyiaj los ntxiv li yus ho ua lagluam, ho tau nyiaj los ntawm cov kev ntiav tsev, los yog tau nyiaj los ntawm ib cov kev koom tes ua lagluam nrog lwm tus los yog tau nyiaj los ntawm ib lub koom haum trusts.''
Yog tias yus ho siv ib tug tax agent (tus neeg pab thov se) thov yus tej se, ces ua tib zoo xyuas kom tus neeg ntawd yog tus neeg muaj ntaub ntawv ua tau tej hauj lwm no yam raug cai ua ntej hnub tim 31 lub 8 hli ntuj thiab qhia rau ATO paub. Credit: Edwin Tan /Getty Images
“Lub koom haum Tax practitioners’ board ces yog thawj tug uas tsim nyog yus hu mus nug, tab sis yus yeej ib txwm pom tias yeej muaj ib tug twg muab lawv daim ntawv tso cai ua tau tej hauj lwm no dai ntawm phab ntsa rau sawv daws saib, thiab yus yeej muaj peev xwm mus txheeb seb lawv puas yog ib tug registered tax agent tiag.''
Thiab kom nco ntsoov tas mus li tias kom xyuam xim ceev faj txog tej neeg pheej ua txoj dag tias yog ib tug neeg ntawm lub koom haum ATO hu tuaj nrog yus tham.
Mr Thomson thiaj qhia tias yeej muaj tej xwm txheej ntxias dag tej neeg ntau tuaj ntxiv txog li 60 feem pua uas pheej hu mus nrog ib tug neeg ua hauj lwm them se tham rau xyoo 2023 kom tau lawv tej xovxwm ntiag tug.
Tej xov xwm no ces yog tej xov xwm ntxaws uas tej neeg phem muaj peev xwm siv coj los ua txoj dag lwm tus tias lawv yog yus tiag piv txwv li yuav siv yus lub npe, yus chaw nyob, yus tus myGov ID, yus tus Tax File Number los yog yus tej xov xwm credit card.
Mr Thomson thiaj ceeb toom tias “Kom nug yus tus kheej tias seb puas yog tsab xo (text message) los yog tsab xov tooj uas hu tuaj rau yus ntawm puas yuav yog ib tsab cuav, thiab tsis txhob nyem rau ib qho hyperlinks twg kom siv tau yus phau myGov account. Thiab xav kom yus yuav tsum tau mus sau nrhiav kiag rau ntawm myGov lub vas sab thiab ATO lub vas sab ntawm qhov web browser ntawd kiag xwb.''
“Thiab xav kom nrog peb tham kom ceev npaum li ceev tau yog tias muaj ib yam dab tsi txawv txav los sis yog yuam kev lawm, los yog yus pom tias muaj ib yam dab tsi txawv txav rau yus phau ATO account lawm.''
Muaj lub koom haum Services Australia qee yam nyiaj them pab cuam rau yus li tej nyiaj pab vim yus raug dej nyab thiab raug tej xwm txheej ntuj tsim kev puas tsuaj yog tej nyiaj uas yuav tau them se thiab yuav tsum teev ntxiv rau tej nyiaj uas yus khwv tau thaum sov se rov qab. Source: Moment RF / Songsak rohprasit/Getty Images
- Ntau yam se cuam tshuam txog tej nyiaj pab cuam ntawm Centrelink thiab ntau cov kev pab cuam muaj peev xwm txheeb tau tej xovxwm ua koj yam lus los yog hu rau Centrelink tus xov tooj 131 202 uas pab cuam ua ntau tsav neeg ntau yam lus.
- yog tias koj tau tej nyiaj pab cuam Family Tax Benefit los yog Child Care Subsidy rau financial year tsaib ub.
- Yog tias koj tau them se ntawm lwm lub teb chaws rau financial year tsaib ub, ces tej zaum koj kuj yuav muaj peev xwm claim tau tax ntawm Australia tam li yog ib tug foreign income tax offset. Txheeb tau tej criteria seb koj puas muaj cai thov tau.
- ces yog ATO lub app uas muaj ib co twj uas yus teev txog tej ntaub ntawv nyiaj txiaj rau yus siv dawb.
- Txheeb tau cov Tax Clinic Program .
- Yog tias koj khwv tau $60,000 los yog khwv tau tsawg dua, ces tej zaum koj kuj yuav muaj cai thov tau ATO cov kev pab cuam thov se (Tax Help program) siv. Txheeb tau ntxiv
- Yeej muaj ntau yam xov xwm txog se ua ntau yam lus ntawm ATO lub vas sab. Mus txheeb tau ntxiv ntawm
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
