Thaum tag xyoo fainancial year rau tim ib lub 7 hli ntuj lawm ces rov qab txog cai mus thov se rov qab lawm.
Kuv puas yuav tau mus thov se rov qab?
Yog koj ua hauj lwm hauv Australia rau financial year tsaib no thiab ho khwv nyiaj tau tshaj li AUD 18,200 lawm ces koj yuav tsum tau mus thov se rov qab.
Koj tej tswv lagluam yeej muab ib daim ntawv hu ua 'group certificate' rau koj thiab qhia rau koj tias koj khwv tau npaum li cas rau ib lub xyoos thiab koj them se ntau npaum li cas. Yog tias koj tseem tsis tau daim ntawv no ces yuav tsum tau nug koj tus tswv lagluam kom ua ib daig rau koj.
Tsim nyog yuav tau thov se rau thaum twg?
Yog tias koj ua koj tej ntaub ntawv thov se kheej xwb ces tsuas pub sij hawm rau koj ua kom tiav ua ntej lub 10 hli ntuaj xwb, hos yog koj ntiav accountant ua ces muaj caij ua tau txog rau tim 15 lub 5 hlis ntuj xyoos tshiab diam.
Source: Getty Images
Koj ntiag tug muaj peev xwm sau tej ntaub ntawv thov se no kheej los tau
Koj muaj peev xwm siv tsoom hwv cov twj hauv online los sau tej ntaub ntawv thov se rov qab los tau.
Tau txais kev pab cuam los ntawm cov neeg paub zoo txog se
Txawm tais cov twj myTax no yeej siv tau yooj yim heev kom koj sau tau thiab thov tau se rov qab, los cov kev sau tej ntaub ntawv thov se thawj zaug rau lub tebchaws tshiab yeej sib chab sib chaws kawg thiab.
Yog li cov kev ntiav cov neeg paub thov se rov qab rau koj thawj zaug kuj yuav yog tej yam zoo dua rau koj los kuj tau thiab.
Kuv yuav ua li cas rau tej nyiaj khwv tau txawv teb chaws?
Tseem muaj cov neeg tsiv teb tsaws chaws ntau tus khwv tau nyiaj txawv teb chaws thiab lawv yuav tsum tau qhia. Yog tias koj them se rau tej nyiaj uas khwv tau txawv teb chaws no, ces koj muaj peev xwm claim tau se ntawm teb chaws Australia no thiab. Tab sis yog koj ho tsis qhia tej nyiaj koj khwv tau txawv teb chaws ces koj yuav raug nplua nyiaj ntau heev nrog rau tej paj tsub rau cov nyiaj uas koj khwv tau ntawd thiab.
Australian Taxation Office ATO Source: AAP
Koj thov tau dab tsi xwb?
Koj muaj cai thov tau qee yam nqe koj siv cuam tshuam txog tej hauj lwm koj ua li khaub ncaws hnav ua hauj lwm los yog cov sob kawm cuam tshuam txog koj txoj hauj lwm. Koj mus txheeb xyuas tau ntxiv ntawm Australian Taxation Office lub vam sab seb koj muaj cai thov tau dab tsi.
Tab sis koj yuav tsum khaws tej ntaub ntawv teev zwm txog tej nyiaj koj siv uas xav thov se rov qab ntawd yam tsawg li 4 lub xyoos, tsam Australian Taxation Office (ATO) ho xav txheeb xyuas kom koj qhia lawv. Tsis tas li no los tseem muaj ib cov kev pab cuam pub dawb pab rau koj siv coj los teev zwm koj tej nyiaj siv cuam tshuam txog koj cov hauj lwm li los yog ATO cov twj hu ua .
Source: SBS NEWS
Tej zaum koj yuav tau nyiaj rov qab los yog yuav tau them se ntxiv kuj tau
Cov tswv lagluam feem ntau yeej txiav se ntawm tej nyiaj koj khwv tau uas lawv them rau koj txhuas zaus raws li qhov tsim nyog them rau ib lub xyoos lawm. Tab sis tsoom hwv ho zam ib txhia se rau tej neeg ces koj thiaj thov tau nyiaj me ntsi rov qab.
Yog koj ua luam rau koj tus kheej ne yuav ua li cas?
Yog tias koj ho ua hauj lwm kom tau nyiaj raws cov sij hawm li tsav tsheb rau cov lub tuam txhab Uber, xav khoom rau Deliveroo, los yog ua hauj lwm pab rau lwm tus li lub tuam txhab Airtaskert uas tsis tau txiav se kiag tam sim ntawd ces koj yuav tsum tau them se thaum koj mus thov se rov qab ntawd.
Yog li thiaj yuav tau npaj ib cov nyiaj faj seeb tseg thaum koj tau nyiaj ib zaug twg los ntawd kom koj tsis txhob tau ua tib zaug them ntau heev rau ATO thaum txwm ib lub xyoos ntawd.
Useful links
