Tej zos uas tej nqe tsev tab tom poob nqe

Raws li tau muaj ib co xov xwm tshiab qhia ces tau muaj ib lub nroog ntawm tej nrooj tej nqe tsev tau poob nqe ntau heev lawm.

In Melbourne, the value of residential properties declined in nearly 80 per cent of the suburbs analysed by CoreLogic between June and August. Source: Getty / Daniel Pockett

Ntsiab lus tseem ceeb:

Raws li tau muaj ib co xov xwm tshiab qhia ces muaj tej nqe tsev ntawm Australia ib co zos tau poob nqe yuav laug txog li 30 feem pua.
Thiab tej nqe tsev ntawm Melbourne tej zos kuj poob nqe yuav laug txog 80 feem pua.
Perth ces tsuas yog tib lu bnroog uas tej nqe tsev ntawm txhua lub zos thiaj tau nce kim tuaj ntxiv.

Raws li tej xov xwm tshiab uas raug lub koom haum CoreLogic tshuaj ntsuam tau coj los nthuav tawm ces pom tau tias muaj tej vaj tse yuav laug txog 30 feem pua ntawm Australia tej zos tej nqe tsev tau poob nqe rau lub caij 3 lub hli txog rau lub 8 hli ntuj.

Lub tuam txhab no tau hais tias tom ho poob nqe los twb vim yog

tau nce ntau cov kab theem paj siab tuaj ntxiv

thiab tej teeb meem nuj nqe siv ua lub neej ntau yam nrog rau tej kev tsis muaj peev xwm yuav uas tseem tau muaj txuas ntxiv ntawd.

CoreLogic thiaj li tau ua cov kev teeb txheeb txog tej zos 3,655 lub thoob teb chaws ces kuj tau txheeb tau tias tej nqe tsev ntawm tej tsev yuav laug txog li ib feem peb (29.2 feem pua) tau poob nqe lawm. Lub caij 3 lub hli txog rau lub 8 hli ntuj tsaib no ces tej nqe tsev ntawm tej zos kuj tau poob nqe txog li 17.2 feem pua lawm.

CoreLogic tus economist Kaitlyn Ezzy tau hais tias: "Txawm tias tej nqe tsev yeej tab tom nce thoob teb chaws no lawm, los yeej ib nyuab qeeb zog lawm thiab, yeej qes dua tej xov xwm tau tshaj tawm, thiab peb tab tom pom tias zoo li ib co kiab khw lagluam vaj tse mus tsis tshua tau zoo pes tsawg lawm, hais tsi ntsees rau tej ntawm xeev Victoria.''

Tej nqe tsev ntawm Melbourne thiab Sydney poob nqe

Tej nqe tsev poob nqe ntawm nroog Melbourne thiab tej zos cheeb tsam ntau thaj chaw ntawm xeev Victoria yog cov chaw uas tej tsev poob nqe dua lwm thaj chaw ntawm teb chaws Australia.

Ntawm Melbourne ces tej nqe vaj tse kuj tau poob nqe yuav laug txog li 80 feem puas ntawm tej zos uas raug lub koom haum CoreLogic mus tshuaj ntsuam txij li lub 6 hli txog 8 hli ntuj thiab.

Nod yog tej zos ntawm plawv nroog uas nqe tsev tab tom poob nqe

Australia tej zos uas tej zaum yuav tau nyiaj $50,000 pab yuav tsev

Tej nqe tsev ntawm lub zos Crib Point ntawm Mornington Peninsula thiab Caulfield East ntawm plawv zos sab qab teb nroog Melbourne los kuj tau poob nqe txog 7 feem pua thiab 6 feem pua sib law liag lawm thiab.

Tej nqe tsev theem nrab ntawm Crib Point ces ze txog li $750,000, uas tau poob nqe yuav laug txog li $50,000.

Table shows Melbourne suburbs where house prices have fallen the most

Daim phiaj qhia txog nroog Melbourne tej zos uas tej nqe tsev poob nqe tshaj plaws.

Ezzy hais tias yeej muaj ntau yam ua rau tej tsev poob nqe li tau tsim tau tej vaj tse ntau tuaj ntxiv lawm.

Nws tau hais tias ''Ntawm Melbourne ces yuav laug txog li 80 feem puas ntawm tej zos tej nqe rau lub caij 3 hlis yeej tau poob nqe lawm, vim rau qhov tau muaj cov kev haub tau yaum rau tej tsev muag/ntiav ntau tuaj ntxiv yuav laug txog li 30 feem pua piv rau tej feem puas theem nrab 5 xyoos shau los rau tib lub caij no.''

''Txuas ntxiv ntawd los nroog Melbouren los kuj muaj tej vaj tse tsim tau tshiab rau tej zos cheeb tsam ces thiaj muaj tsev ntau tuaj ntxiv thiab ua rau tej nqe tsev pheej yig zog lawm.

"Ntawm Melbourne, ces yeej muaj tej vaj tse poob nqe ntau tshaj plaws rau tham lub zos tej neeg nplua nuj dua txog li 100 feem pua ntawm tej zos ntawm Mornington Peninsula uas nqe tsev poob ntau kawb nkaus li, tab sis tsuas muaj ib lub zos sab qab teb (Currum) thiab 3 lub zos nyob plawv zos sab hnub tuaj (Box Hill, Deepdene, Canterbury) tej nqe thiaj nce ntxiv rau lub caij 3 hlis no. Kuj muaj tej yam ntxwv muaj ntsis sib xws li no rau ntawm tej zos cheeb tsam xeev Victoria, uas Ballarat muaj cov feem pua (100 feem pua), Geelong (97.8 feem pua) thiab Bendigo (89.3 feem pua) yog cov zos uas tej nqe tsev poob ntau tshaj plaws.''

Raws li CoreLogic tej xov xwm qhia ces tej nqe tsev ntawm Sydney los kuj poob nqe lawm thiab.

Table shows Sydney suburbs where house prices have fallen most

Daim phiaj qhia txog Sydney tej zos uas tsev poob nqe ntau tshaj plaws.

Ces thiaj pom tias Sydney tej zos uas raug tshuaj ntsuam tej nqe tsev kuj tau poob yuav laug txog 26 feem pua.

Tej zos ntawm plawv zos sab hnub poob ntawm lub zos Rodd Point ces yeej tau poob nqe yuav laug txog 8.1 feem pua thiab, ces thiaj ua rau tej nqe tsev theem nrab tshaj zog $3.1 million los sis yog tsev poob nqe yuav laug txog li $300,000.

Ntxiv ntawd ces yog lub zos Concord, uas tus nqe tsev theem nrab $2.6 million uas tau nqe yuav laug txog li $150,000, los sis yog nqe txog li ntawm 5.2 feem pua.

Ezzy tau hais ntxiv tias vim ua tau tsev ntau tuaj ntxiv ces thiaj ua rau tej tsev ntawm Sydney pheej yig zog lawm thiab.

Nws tau hais tias "Sydney los kuj tau pom muaj cov kev haub tau yaum muag tsev ntau tuaj ntxiv yuav laug txog li ntawm 10 feem pua tsawg dua tus feem pua theem nrab qes los nyob rau ntawm 5.4 feem puas theem nrab uas siab dua rau lub caij 4 limtiam txog tim 8 lub 9 hli ntuj,''

"Thiab thaum tau muaj tej tsev ntau li qub thoob lub nroog no lawm, ces tej neeg yuav tsev kuj muaj ntau txoj xub ke xaiv thiab muaj peev xwm sib khom dua, ces thiaj li ua rau tsis tshua tau nqe zoo rau tej kiab khw lagluam vaj tse li xub tau dhau los, thiab ua rau muaj ntau cov zos tej nqe tau pib poob nqe lawm.''

The 'only way' to solve the crisis: Key takeaways from major Australian housing report

Ntau yam tsim nyog koj paub thaum yuav koj thawj lub tsev

Tau nqe tsev zoo ntawm xeev Western Australia

CoreLogic cov kev tshuaj ntsuam tej nqe tsev ntawm xeev Western Australia (WA) kuj tau txheeb tau tias tej tsev kuj muaj nqes ntxiv.

Ntawm tej zos 146 lub uas raug ntsuam thoob plaws tej zos cheeb tsam ntawm WA, ces pom tias yeej muaj 127 lub zos tej nqe tsev nce tuaj rau lub caij 3 lub hlis, thiab kuj tau tej nqe tsev zoo ntxiv ntawm nroog Perth 302 lub zos uas tau mus txheeb ntawd.

Ezzy thiaj tau hais tias ''yog tej yam zoo heev rau Perth tej kiab khaw lagluam vaj tse''.

Australia will fall 166,000 houses behind construction targets, new modelling shows

Puas tsim nyog koj ua tsev tshiab los cia li yuav tej twb ua tau lawm xwb?

Nws tau hais tias "Lub sij hawm 3 hlis txog rau lub 9 hlis ntuj xyoo 2022 ntawd ces Perth tej zos 60.1 feem pua tej nqe tsev yeej tau poob nqe lawm. Tab sis lub caij 3 hlis txog rau lub 8 hli ntuj xyoo 2024, ces tsis muaj ib lub zos twg uas raug tshuaj ntsuam tej nqe tsev yuav poob nqe li,''

''Thoob nroog Perth ces tej nqe tsev yeej tau nce txog 1.8 feem puas rau ntawm lub zos Marmion uas nyob sab qaum teb hnub poob ntawm lub nroog no, thiab tau nce txog 10.6 feem pua ntawm lub zos Henley Brook ntawm Perth sab hnub tuaj qaum teb.''

Ezzy tau hais tias vim tau muaj tej vaj tse ua tau tshiab raug coj mus haub tau yaum qes tshaj cov zauv feem pua theem nrab ze txog li ntawm 43 feem pua.

"Ces nroog Perth yog yog ib lub nroog uas tau nqe tsev zoo tsaib no txog 5.7 feem pua rau lub caij 3 hlis txog rau lub 8 hli ntuj thiab tau nqe tsev zoo txog li 24.4 feem pua rau tsaib no.''

Yog li ces cov kev tis muaj vaj tse txaus ntau zaus thiab cov kev pheej muaj tej eneg txawv xeev mus ntxiv rau lub xeev WA no, uas tej neeg yeej tseem muaj peev xwm yuav tau tsev nyob dua yog piv rau nrog Sydney thiab Brisbane, thiab tej lagluam zoo thiaj pab kom tej nqe tsev tau nqe zoo ntxiv lawm.