Tej neeg Australia uas xav yuav tsev ces tej zaum kuj xav seb puas yuav nrhiav tej tsev ntawm tej zos plawv nroog uas nqe pheej yig, rau lub caij uas lwm thaj chaw ntawm teb chaws no tej nqe tsev tau kim txuas ntxiv.
Ntawm Melbourne thiab Perth ces kuj pom tias muaj tej vaj tse ntawm ntau thaj chaw ntawm plawv nroog tej nqe tsev kuj tab tom poob nqe rau lub caij 5 xyoos dhau los no thiab raws li Domain tsab ntawv cej luam tshiab House Price Report qhia.
Tej tsev units ntawm Melbourne lub zos Carlton ces tau poob nqe ntau tshaj plaws txog 33.30 feem puas thiaj ua rau tus nqe tsev nrab poob rau ntawm $320,000 lawm xwb.
Source: SBS
Tej zos no ces yeej ib txwm yog tej ntiav tsev rau lwm tus nyob xwb tsis yog yuav nyob. Thiab raws li Nicola Powell uas yog tus coj teeb txheeb ntawm lub koom haum Domain tau qhia rau the Age ces vim muaj tej neeg nqes peev tau tig mus nqe peev rau lwm cov nroog lawm, ces thiaj ua rau ej nqe tsev ntawm tej zos no pheej yig.
Tab sis tej zos ntawm plawv nroog Sydney kuj tseem muaj nqe li qub, thiab kuj muaj tej nqe tsev units ntawm tej zos sab hnub poog li Kingswood thiab Mount Druitt kim.
Perth ces kuj yog ib lub nroog uas muaj tej neeg yuav tsev nyob thawj lub muaj peev xwm yuav tau dua piv rau Australia lwm cov nroog.
Tab sis tej nqe tsev thiab nqe unit los kuj tau poob nqe rau lub caij 5 xyoos dhau los ntawm tej zos plawv nroog ntawm Perth East yuav laug txog li ntawm 10 feem pua ces thiaj ua rau tej nqe tsev li hais no tus nqe nrab nyob rau ntwm $351,625 thiab $492,000 sib law liag lawm.
Txawm li cas los tej nqe tsev uas tau pheej yig no tsuas nyog ib co xwm txheej tau muaj tsawg tsawg ntawm tej kiab khw muag tsev xwb thiab, vim tag nrho tej nqe tsev ntawm txhua lub zos ntawm Queensland thiab South Australia los yeej tau kim tuaj ntxiv rau tib lub caij ntawd lawm thiab.
Source: SBS
Thiab lub koom haum no tej xov xwm kuj qhia tias tej nroog Perth, Brisbane thiab Adelaide los kuj yog cov nroog uas nqe tsev tau kim tshaj plaws tuaj ntxiv txog li 20.58 feem pua, 14.49 feem pua thiab 13.69 per sib law liag thiab.
Tsis tas li ntawd los neeg Australia kuj tau hloov lawv cov kev nrhiav tsev nyob rau lub caij muaj kab mob kis thoob ntuj thiab tau mus nyob rau ntawm tej zos cheeb tsam tuaj ntug nroog los yog zos yaj sab kom tau chaw dav thiab tau tsev loj dua lawm.
Txawm tias tej neeg uas muaj peev xwm ua tau hauj lwm yooj yim yog cov nyiam mus nyob rau tej zos yaj sab los lub caij 1 xyoos dhau los no kuj tau rov qab muaj neeg mua nyob rau tej nroog loj li Canstar tej xov xwm
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
