آسٹریلیا اپنے خوبصورت ساحلوں کی وجہ سے دنیا بھر میں مشہور ہے۔ بدقسمتی سے، وہ بھی سانحہ کے لئے ایک اہم مقام ہیں.
گزشتہ سال آسٹریلیا میں 339 افراد ڈوب کر ہلاک ہوئے۔ یہ اموات سنہ ۲۰۲۰ میں 294 ہلاکتوں کے مقابلے میں 15 فیصد ذیادہ تھیں۔
تارکینِ وطن کے لئے تیراکی یا پانی کے نزدیک ذیادہ خطرہ کیوں؟
ڈوبنے کے بہت سے واقعات میں تارکین وطن اور نئے آنے والوں کی بڑی تعداد شامل رہی ہے۔ رائل لائف سیونگ سوسائٹی آسٹریلیا نے دس سالوں (2009-2019) کے دوران ایک تجزیہ کیا ہے اور پتہ چلا ہے کہ ڈوبنے سے ہونے والی اموات میں سے 27 فیصد وہ لوگ تھے جو بیرون ملک پیدا ہوئے تھے۔
اس کی بنیادی وجوہات ساحل سمندر کے خطرات کے بارے میں ناتجربہ کاری اور تیراکی کی مہارت کی کمی ہے۔
"ہم ایسے لوگوں کو جانتے ہیں جو ایسے پس منظر سے آتے ہیں جہاں پانی کے ارد گرد تفریح اور سماجی سرگرمیاں معمول نہیں ہیں۔ رائل لائف سیونگ سوسائٹی آسٹریلیا کی سٹیسی پیجن کے مطابق بہت سے لوگ ایسے ممالک سے آسکتے ہیں جہاں کام کے لیے یا روز مّرہ کے کام کاج کے لیے پانی کا زیادہ استعمال ہوتا ہے، اور جب وہ آسٹریلیا آتے ہیں تو وہ آسٹریلوی طرز زندگی میں شامل ہونا چاہتے ہیں لیکن ان کے پاس ایسا کرنے کی مہارت یا تجربہ نہیں ہوتا۔
Source: Getty / Getty Images/Ahmed Mohamed
"میں صرف تیراکی کے بارے میں بات نہیں کر رہا ہوں۔ کچھ لوگ سیلفی لینے یا شاید تصویر لینے کے لیے پانی میں اضافی فاصلہ طے کرتے ہیں۔ میرے خیال میں پچھلے سال کسی کے سیلفی لینے کا واقعہ پیش آیا تھا اور وہ گہرے پانی میں گر گیا تھا اور وہ مر گیا تھا۔
اور تمام پس منظر سے تعلق رکھنے والے لوگوں کے لیے، شراب بھی ڈوبنے سے ہونے والی اموات میں اضافے میں اہم کردار ادا کرتی ہے۔
Source: Getty / Getty Images/Simon McGill
راک فشینگ خطرناک بھی ہو سکتی ہے۔
راک فشینگ یا سمندر کے کنارے پتھریلی چٹان پر چرح کر مچھلیاں پکڑنا بہت سے تارکین وطن کمیونٹیز کے ارکان میں مقبول ہے، اسے آسٹریلیا میں سب سے خطرناک کھیل قرار دیا گیا ہے۔
ہر سال اونچی لہریں، پھسلن نوکیلی چٹانوں پر توازن برقرار رکھنا اور بڑھتی ہوئی لہریں ناتجربہ کاروں کی جانیں لے رہی ہیں۔
" " پیجن کہتے ہیں۔ کہ ہم لوگوں کو حفاظت کے ساتھ تفریح کی حوصلہ افزائی کرتے ہیں اور لوگوں کو مشورہ دیتے ہیں کہ وہ جب بھی مچھلی پکڑنے جائیں لائف جیکٹ پہنیں، چاہے وہ کشتی سے ہو یا پتھروں سے۔ آپ کو کبھی معلوم نہیں، لوگ پانی میں کسی بھی وجہ سے گر جاتے ہیں مگر وہ پانی میں جانے کا ارادہ نہیں رکھتے، لہذا لائف جیکٹ آپ کی جان بچا سکتی ہے،
باہر جانے سے پہلے موسم کا جائزہ لیں، اگر لہریں بہت بڑی ہیں تو مچھلی پکڑنے سے گریز کریں اور ہمیشہ کم از کم ایک دوست کے ساتھ مچھلی پکڑنے جائیں۔
پانی کے اندر اور اس کے آس پاس کیسے محفوظ رہیں
کلنٹن روز نیو ساؤتھ ویلز میں ناردرن بیچز کونسل کے لیے ساحلی خدمات کے منتظم ہیں۔ وہ کہتے ہیں کہ محفوظ تیراکی کو یقینی بنانے کے لیے لوگ احتیاطی تدابیر اختیار کر سکتے ہیں:
"صاحلِ سمندر پر جب تک کچھ جھنڈیاں یا فلیگز اوپر نہ ہوں تیراکی نہ کریں اور اس بات کو یقینی بنائیں کہ آپ جھنڈیوں کے درمیان تیر رہے ہیں۔ پانی میں جانے سے پہلے اس کے بارے میں بنیادی تعلیم حاصل کریں اور تیراکی کا طریقہ بھی سیکھیں۔ پانی سے لطف اندوز ہونے سے پہلے آپ کو پہلے تیرنے کے قابل ہونا پڑے گا۔
وہ کہتے ہیں کہ اگر کوئی شک ہے کہ پانی میں جانا محفوظ ہے یا نہیں تو ساحل سمندر پر موجود لائف گارڈز سے بات کریں۔ ان سے پوچھیں کہ آپ کو یہ بتانے کے لیے موجود ہیں کہ خطرات کہاں ہیں اور آپ کو کہاں تیرنا چاہیے اور کہاں نہیں کرنا چاہیے۔
Lifeguard on Manly beach, Sydney Source: Getty / Getty Images/Laurie Noble
ہنگامی صورتحال میں کیا کرنا چاہئے؟
ڈوبنے کا کطرناک عمل بڑی تیزی سے ہوتا ہے – ایک بالغ تقریباً ایک منٹ میں ہوش کھو سکتا ہے – اسی لیے پرسکون رہنا اور فوراً مدد کے لیے کال کرنا ضروری ہے۔
“ روز کہتے ہیں کہ پہلی بات یہ ہے کہ گھبرائیں نہیں کیونکہ اگر آپ گھبراتے ہیں تو کیا ہوتا ہے آپ بہت زیادہ توانائی استعمال کرتے ہیں اور آپ کا دماغ آکسیجن سے محروم ہوجاتا ہے اور آپ واضح طور پر سوچ نہیں سکتے۔ لہذا، سب سے اچھی بات یہ ہے کہ اپنی پیٹھ پر جتنا ہو سکے تیرنے کی کوشش کریں اور اپنا ہاتھ ہوا میں رکھیں اور مدد کے لیے چیخیں۔
جب آپ مصیبت میں پڑنے لگیں تو شرمندہ نہ ہوں؛ اس بات کو یقینی بنائیں کہ آپ جلد مدد طلب کرتے ہیں
مدد کے ذرائعے
اور 72 زبانوں میں دستیاب ہے۔ یہ ساحلوں پر گشت، سہولیات، خطرات، موسم، اور موجوں کی اٹھان اور لہرون کی رفتار کے بارے میں معلومات فراہم کرتا ہے۔
سرف لائف سیونگ آسٹریلیا کی بیچ سیف ویب سائٹ بھی متعدد میں معلومات پیش کرتی ہے۔
