Dezeñu ne'ebé lidera hosi ema nasaun premeiru iha sidade Austrália: saida deit no tanbasá ne'e importante?

Dezeñadór sira hosi Universidade Teknolojia nian, Koléjiu Nasionál Primeira Nasaun sira nian iha Sydney aspira atu halo ida-ne'e sai fatin ida ligasaun nian ho Nasaun. Credit: Greenaway Architects, Warren and Mahoney, OCULUS

SBS Tetum

View Podcast Series

Get the SBS Audio app

Other ways to listen

Nasaun maka termu ne'ebé iha sentru hosi patrimóniu Indíjena Austrália nian no prátika ne'ebé sira kontinua. Ambiente ne'ebé ita halo parte, lori istória ne'ebé mai husi tinan rihun sanulu resin hosi prezensa, kultura, lian, no ligasaun ba ser moris hotu-hotu hosi ema Primeira Nasaun sira. Entaun, oinsá maka arkitetu, órgaun governu sira nian no pratikante kriativu sira halo interasaun ho koñesimentu ema Indíjena bainhira dezeña ita-nia ambiente urbanu?

Pontu chave sira

Ida ne'e hanesan konseitu sala ida ne'ebé komún atu hanoin kona-ba kultura Indíjena hanesan iha fatin hotu-hotu iha Austrália. La'e.
Mudansa dezenvolvimentu ida iha dezeñu ambiente ne'ebé harii ona buka atu halo projetu sira bazeia ba ema nasaun premeiru sir ani norma, ne'ebé la'o dook husi planeamentu urbanu hanesan ba-bain ema halo.
Iha dezeñu ne'ebé lidera husi ema nasaun premeiru sira, husi planeamentu to'o entrega, sira nia koñesimentu, ambiente, no prátika sira iha fatin projetu espesífiku mak lidera prosesu sira hotu.

Propriedade indíjena ba espresaun kulturál indíjena iha ninia aspetu hotu-hotu hetan protesaun tuir Deklarasaun Nasoins Unidas nian kona-ba Direitu Povu Indíjena sira-nian

United Nations Declaration on the Rights of Indigenous Peoples

Iha tinan hirak ikus ne'e iha Austrália, serbisu barak maka halo ona liga ho estabelesimentu protokolu sira ne'ebé estabelese padraun sira uza prátika kriativu

protocols that set standards in creative practices

bainhira serbisu ho ema Nasaun dahuluk sira iha projetu arte nian.

Maibé oinsá maka ema halo koñesimentu Indíjena no prátika kontínua sira sai vizivel iha ita-nia espasu moris nian iha sidade sira Austrália nian?

Ami husu ba peritu Indíjena no la'ós Indíjena sira atu fahe sira nia hanoin kona-ba kria espasu no edifísiu sira ne'ebé foti hosi sistema koñesimentu Aboríjene no Osidentál.

Dezeña ho Nasaun, relasionalidade, no kontinuidade kulturál iha hanoin rekoñese katak fatin ida-idak iha Austrália lori istória distintu ne'ebé hale'u tinan rihun sanulu resin. Iha fotografia ne'e, ita bele hare ai-funan fuik sira iha Parke Nasionál Karijini iha Western Australia. Source: Getty / TED MEAD

Profesór Brian Martin hanesan desendente ida hosi povu Bundjalung, Muruwari no Kamilaroi, orijinalmente hosi New South Wales.

Nia maka ko-autór ida hosi Karta Dezeñu Indíjena Internasionál, ne'ebé estabelese protokolu prátika di'ak liu ba dezeñu komersiál ne'ebé responde ba kultura

International Indigenous Design Charter

Nia esplika tanba saida maka ba projetu konstruidu ruma, tantu edifísiu públiku, prasa ka mural, dezeñu presiza hasoru kultura Indíjena iha fatin ne'ebé maka projetu ne'e halo ba.

Koñesimentu hotu-hotu mai hosi fatin.
Professor Brian Martin, ko-autor ba International Indigenous Design Charter

"No tanba ne'e maka protokolu sira prátika di'ak liu nian maka kona-ba haree no koalia ho tradisionál nain sira hosi fatin ne'ebá no koñesimentu saida mak sira iha... relasiona ho fatin no nasaun partikulár ne'ebá".

Dezeñu ne'ebé lidera hosi ema indíjena maka dezeñu ne'ebé lidera hosi nasaun tanba la iha kultura indíjena ida deit iha Austrália.

“Ideia kona-ba omojeneizasaun ignora buat sira ne'ebé maka espesífiku lokalmente. Porezemplu, País Boonwurrung iha Vitória diferente tebes ho Kamilaroi iha New South Wales, ho Bidjara iha Queensland ka Noongar iha Perth,” Prof Martin esplika.

Jefa Greenaway konkorda. Jefa hanesan arkitetu Aboríjene ida ne'ebé rekoñesidu uluk iha Vitória, orijinalmente hosi NSW, desendente hosi Povu Wailwan/Kamilaroi no Dharawal.

Sr. Greenaway hatete katak rekoñese diversidade hosi kultura indíjena sira iha arkitetura "sai hanesan oportunidade ida atu apoia lian no ajénsia".

"Ida-ne'e suporta ideia kona-ba ekuidade dezeñu nian... Iha tempu barak, ema sira hosi Nasaun dahuluk la inklui nesesariamente iha fatin iha meza hodi envolve iha projetu sira ho forma konstrusaun boot."

Jefa Greenaway: "ita hatene iha kontinente illa ne'ebé luan, ne'e signifika katak iha grupu lian 270 ne'ebé diferente no dialetu 600." Credit: Aaron Puls

Dezeñu espesífiku ba komunidade nian hakat liu jeografia, ne'ebé abranje ligasaun sira ba buat sira hanesan parentesku, kostume, fiar espirituál, no lian.

La'o hale'u kampus sidade Universidade Melbourne nian ita bele haree ezemplu ida hosi aprosimasaun dezeñu nian ne'ebé lidera hosi Nasaun iha fatin ne'ebé maka estudante nia resintu liga ho Distritu Negósiu Sentrál (CBD) iha Swanston Street.

Sr. Greenaway, ne'ebé maka ko-lidera projetu, hatete katak parte interesada indíjena sira envolve iha prosesu dezeñu nian hahú kedas hosi inísiu, hatudu ba bee-matan tuan sira besik fatin ne'ebé maka ikan-belu sira halo migrasaun liu tinan 60,000 hodi to'o iha Birrarung (Mota Yarra) ba hakiak.

Ekipa dezeña anfiteatru no rota prasa nian hodi kria fali mota, uza vejetasaun no materiál nativa sira no kria rede kolesaun bee nian ho kolam sira iha kampus nia sorin-sorin.

Enkuantu liña mota tuan nian hetan kanu hodi suporta sistema bee-tempestade sidade nian, ikan-belu sira kontinua halo migrasaun liuhosi ida-ne'e.

Ida-ne'e hatudu komprensaun katak iat harii iha legadu ida hosi tinan 67,000 hosi ligasaun kontínua ba fatin ida-ne'e.
Jefa Greenaway, Greenaway Architects

Sr. Greenaway hatete katak dezeñu ne'e lori kontinuidade kulturál Indíjena nian ba oin.

Projetu ida ne'ebé harii hosi Universidade Melbourne nian ne'ebé kria fali dalan migrasaun ikan-belu nian hosi bee ba rai, ne'e hanesan metáfora ida ba reziliénsia indíjena nian. Hato'o hosi arkitetu Jefa Greenaway. Credit: Peter Bennetts

Prof Martin hatete, 'relasionalidade' maka elementu fundamentál ida hosi prosesu dezeñu sira ne'ebé lidera hosi ema indíjena sira.

Dezeñadór sira presiza atu envolve nafatin ho fatin ba ema indijenu sira, no la'ós atu haree protokolu kulturál sira hanesan deit knaar lista kontrolu nian ne'ebé remata iha faze projetu ida.

“Relasaun sira harii iha tempu projetu nian, tantu projetu peskiza ka projetu dezeñu.

"Bele empreza arkitetóniku ida ka órgaun governu nian ka pratikante sira rasik, sira presiza nafatin harii relasionalidade ho ema no fatin."

Desiree Hernandez Ibinarriaga, hanesan feto Mexikanu ida ho eransa Maya, Azteca no Basque, no Dosente seniór iha Departamentu Dezeñu Universidade Monash nian.

Durante nia peskiza PhD, kolabora ho feto foin-sa'e Indíjena sira iha Austrália no Méxiku no profesór sira ne'ebé la'ós Indíjena, nia dezenvolve metodolojia dezeñu projetu ida hodi fó priviléjiu ba koñesimentu Nasaun dahuluk sira no diversidade biokulturál.

Dr. Ibinarriag hatete "Sentidu identidade kulturál maka parte integrante ba metodolojia dezeñu indíjena sira. Iha dezeñu ne'e ami foka ba rezolusaun problema no nune'e [iha dezeñu ne'ebé lidera hosi nasaun] sai esensiál atu haree lokálmente, hodi aproveita ita nia ambiente. Credit: Desiree Hernandez Ibinarriaga

Dr. Ibinarriaga hanesan rezidente ida iha internatu ida iha rai-Vítoria, molok hahú nia peskiza ho estudante indíjena sira iha ne'ebá.

"Ha'u lori fulan ualu atu harii relasaun ida no hetan aseitasaun hosi labarik-feto sira, profesór sira no funsionáriu eskola nian."

Ninia peskiza kulmina iha workshop biokulturál ida ne'ebé ho objetivu atu hametin estudante sira-nia identidade kulturál liuhosi ligasaun sira ho Nasaun.

“Nasaun maka fatin ne'ebé ita eziste; Ha'u bolu ida-ne'e 'Tonantsintlalli', ne'ebé signifika Inan Rai iha ha'u nia bei'ala sira nia lian, iha Nahuatl,” Dr Ibinarriaga hateten

"Maibé mós, relasionalidade, katak relasaun sira ne'ebé ita iha ho materiál no imateriál."

Where Eels Lie Down husi artista Kamilaroi Reko Rennie maka hanesan karakterístika ida ne'ebé refere ba Nasaun iha Parramatta Square.

Olivia Hyde hanesan Diretora ba Exelênsia Dezeñu nian iha Government Architect NSW.

Hamutuk ho ekipa dedikadu ida, inklui arkitetu prinsipál Dillon Kombumerri, mane ida husi Yugambeh/ hosi Gold Coast iha Queensland, sira ko-dezenvolve Kuadru Ligasaun ho Nasaun

Connecting with Country Framework

Parte interesada sira projetu nian ne'ebé adota enkuadramentu ne'e iha kompromisu atu dezeña projetu sira ambiente konstruidu nian ne'ebé fó rezultadu pozitivu sira ba Nasaun no komunidade.

Sra Hyde hatete "Ida-ne'e ba komunidade Aboríjene sira atu uza iha sira nia projetu sira hodi defende rezultadu sira ne'ebé sira hakarak haree iha ne'ebá".

“Ida-ne'e ba ajénsia governu lokál sira atu enkoraja sira atu envolve ho apropriadu no respeitu ho komunidade Aboríjene sira iha projetu sira ne'ebé sira tau matan ba.

Ida-ne'e mós ba arkitetu sira no dezeñadór no dezenvolvedor ambiente konstruidu sira seluk atu asegura katak projetu sira ne'ebé sira entrega kria rezultadu nasaun nian ne'ebé saudavel.

” Tinan lima nia laran, enkuadramentu ne'e inkorpora ona elementu sira hosi abordajen sira ne'ebé lidera hosi nasaun ne'ebé haree iha projetu sira ne'ebé eziste ona, hanesan Parramatta Square.

Sra Hyde esplika"Ida-ne'e dezeña ho titulár koñesimentu kulturál Dharug nian hahú kedas iha inísiu,".

"Entaun, iha prosesu ida ne'ebé maka metin tebes hodi serbisu ho komunidade iha dezenvolvimentu planu sira ba square ne'e."

Prof Martin, ne'ebé nia background iha prátika kriativu arte vizuál nian, hatete katak aprosimasaun tokenístiku kontráriu ba dezeñu projetu nian la'ós buat ne'ebé ladún akontese.

Ha'u iha esperiénsia ne'ebé hetan aprosimasaun besik prosesu tenderizasaun nia rohan, iha ne'ebé hanesan 'Oh, ita tenke inklui ema indíjena ida.'
Professor Brian Martin, Ko-autor ba International Indigenous Design Charter

"Saida maka laiha iha narrativa ne'ebá maka ida-ne'e la'ós lidera hosi ema indíjena sira".

"Ita-boot remata ho buat ruma ne'ebé la integra ka involve ema Nasaun iha prosesu nia laran no depois iha edifísiu ne'ebé remata ona, produtu, saida de'it maka bele sai."

Sra. Hyde esplika "Iha kazu prasa Parramatta nian, dezeñadór sira serbisu halo tuir istória no prátika sira ne'ebé kontinua hosi fatin ne'e sai vizivel".

Karakterístika sira inklui obra arte Indíjena ida, sírkulu halibur Dharug no série ida hosi inlay sira iha pavimentasaun ne'ebé refere ba evidénsia istóriku hosi halibur Indíjena sira ne'ebé maka iha tinan rihun ba rihun.

"Ida-ne'e ko'alia kona-ba abitasaun ba tempu naruk no importánsia kulturál hosi fatin ida-ne'e ba ema Aboríjene sira.

“Maibé ida-ne'e mós kona-ba rekoñese katak kultura la'o nafatin no ida-ne'e moris no ida-ne'e ba nafatin.

"No nune'e, ida-ne'e asegura katak prátika kulturál moris sira bele mantein moris no selebra no nakloke ba ema hotu, maibé mós ba ema espesífiku sira bainhira ida-ne'e apropriadu."