ਆਸਟ੍ਰੇਲੀਅਨ ਇੰਨਸਟੀਚਿਊਟ ਆਫ ਫੈਮਿਲੀ ਸਟੱਡੀਜ਼ ਵਲੋਂ ਕੀਤੀ ਇੱਕ ਖੋਜ ਵਿੱਚ ਪਤਾ ਚੱਲਿਆ ਹੈ ਕਿ ਬਜ਼ੁਰਗਾਂ ਨਾਲ ਜਿਆਦਾਤਰ ਦੁਰਵਿਵਹਾਰ ਉਹਨਾਂ ਦੇ ਪ੍ਰਵਾਰਕ ਮੈਂਬਰਾਂ, ਜਿਹਨਾਂ ਵਿੱਚ ਨੌਜਵਾਨ ਵੀ ਸ਼ਾਮਲ ਹਨ, ਵਲੋਂ ਹੀ ਕੀਤੀ ਜਾਂਦੀ ਹੈ। ਆਸਟ੍ਰੇਲੀਆ ਦੇ ਏਜ ਡਿਸਕਰਿਮੀਨੇਸ਼ਨ ਕਮਿਸ਼ਨਰ ਡਾ ਕੇਅ ਪੈਟਰਸਨ ਕਹਿੰਦੇ ਹਨ ਕਿ ਇਹ ਜਿਆਦਤੀਆਂ ਕਈ ਕਿਸਮਾਂ ਦੀਆਂ ਹੁੰਦੀਆਂ ਹਨ।
ਸਭ ਤੋਂ ਵੱਡੀ ਜਿਆਦਤੀ ਵਿੱਤੀ ਦੁਰਵਿਵਹਾਰ ਵਜੋਂ ਦੇਖੀ ਗਈ ਹੈ ਜਿਸ ਦੀ ਸ਼ੁਰੂਆਤ ਮਨੋਵਿਗਿਆਨਕ ਸ਼ੋਸ਼ਣ ਤੋਂ ਹੁੰਦੀ ਹੈ। ਸੀਨੀਅਰ ਰਾਈਟਸ ਸਰਵਿਸ ਨਿਊ ਸਾਊਥ ਵੇਲਜ਼ ਦੇ ਰਸਲ ਵੈਸਟਕੋਟ ਕਹਿੰਦੇ ਹਨ ਕਿ ਅਜਿਹਾ ਅਕਸਰ ਹੀ ਹੁੰਦਾ ਹੈ।
ਰਸਲ ਵੈਸਟਕੋਟ ਕਹਿੰਦੇ ਹਨ ਕਿ ਜਦੋਂ ਵੀ ਪਰਿਵਾਰਾਂ ਵਿੱਚ ਜਾਇਦਾਦ ਜਾਂ ਵਿੱਤੀ ਲੈਣ ਦੇਣ ਬਾਰੇ ਸਮਝੋਤਾ ਹੁੰਦਾ ਹੈ ਤਾਂ ਕੁੱਝ ਹਸਤਾਖਰਾਂ ਦੇ ਨਾਲ ਨਾਲ ਲਿਖਤੀ ਰਿਕਾਰਡ ਵੀ ਰੱਖਣੇ ਜਰੂਰੀ ਹੁੰਦੇ ਹਨ। ਬੇਸ਼ਕ ਇਸ ਵਾਸਤੇ ਕਿਸੇ ਵਕੀਲ ਨੂੰ ਸ਼ਾਮਲ ਨਾ ਕੀਤਾ ਜਾਵੇ।
Otro anciano infectado con COVID-19 en una residencia de personas mayores en Melbourne Source: Getty Images/ KLH49
ਰੈੱਡਫਰਨ ਲੀਗਲ ਸੈਂਟਰ ਦੇ ਵਕੀਲ ਐਲੀ ਫਰੈਂਚ ਕਹਿੰਦੇ ਹਨ ਕਿ ਅਕਸਰ ਲੋਕਾਂ ਨੂੰ ਇਹ ਪਤਾ ਹੀ ਨਹੀਂ ਚਲਦਾ ਕਿ ਉਹਨਾਂ ਨਾਲ ਵਿੱਤੀ ਧੱਕਾ ਹੋ ਰਿਹਾ ਹੈ।
Φωτογραφία αρχείου Source: Getty Images/ delihayat
ਰਸਲ ਵੈਸਟਕੋਟ ਸਲਾਹ ਦਿੰਦੇ ਹਨ ਕਿ ਪੀੜਤ ਬਜ਼ੁਰਗ ਆਪਣੇ ਕਿਸੇ ਵਿਸ਼ਵਾਸਪਾਤਰ ਦੋਸਤ ਜਾਂ ਗੁਆਂਢੀ ਨਾਲ ਇਸ ਬਾਰੇ ਗੱਲ ਜਰੂਰ ਕਰਨ।
ਅੰਗਰੇਜੀ ਤੋਂ ਅਲਾਵਾ ਹੋਰ ਭਾਸ਼ਾਵਾਂ ਬੋਲਣ ਵਾਲੇ ਬਜ਼ੁਰਗਾਂ ਨੂੰ ਵੀ ਇਹੀ ਸਲਾਹ ਦਿੱਤੀ ਜਾਂਦੀ ਹੈ। ਡਾ ਪੈਟਰਸਨ ਅਨੁਸਾਰ ਦੇਸ਼ ਵਿਆਪੀ ਮਦਦ ਵਾਲੀ ਫੋਨ ਲਾਈਨ ਉੱਤੇ ਫੋਨ ਕਰਕੇ ਮਦਦ ਲਈ ਜਾ ਸਕਦੀ ਹੈ।
ਦਾ ਨੈਸ਼ਨਲ ਏਜਿੰਗ ਰਿਸਰਚ ਇੰਸਟੀਚਿਊਟ ਨੇ ਅਜਿਹੇ ਬਜ਼ੁਰਗਾਂ ਉੱਤੇ ਇੱਕ ਖੋਜ ਕੀਤੀ ਹੈ ਜਿਹਨਾਂ ਨਾਲ ਵਿੱਤੀ ਜਿਆਦਤੀ ਗੰਭੀਰ ਰੂਪ ਵਿੱਚ ਹੋਈ ਸੀ। ਖੋਜ ਵਿਚਲੇ ਸਾਰਿਆਂ ਨੇ ਹੀ ਇਹ ਮੰਨਿਆ ਸੀ ਕਿ ਉਹ ਕਦੀ ਨਹੀਂ ਚਾਹੁਣਗੇ ਕਿ ਉਹਨਾਂ ਦੇ ਮਸਲੇ ਅਦਾਲਤਾਂ ਤੱਕ ਪਹੁੰਚਣ।
Source: Getty Images / Owaki/Kulla
ਜਨਵਰੀ 2019 ਨੂੰ ਇਸ ਮਹਿਕਮੇ ਦੇ ਮੰਤਰੀ ਕੇਨ ਵਿਆਤ ਨੇ ਏਜਡ ਰਾਇਲ ਕਮਿਸ਼ਨ ਨੂੰ ਦੱਸਿਆ ਸੀ ਕਿ ਮੌਜੂਦਾ ਨਿਯਮ ਕਾਫੀ ਕਮਜ਼ੋਰ ਹਨ ਅਤੇ ਉਹਨਾਂ ਵਿੱਚ ਬਦਲਾਵਾਂ ਦੀ ਜਰੂਰਤ ਹੈ। ਘਰਾਂ ਅਤੇ ਏਜਡ ਕੇਅਰ ਸੰਸਥਾਵਾਂ, ਦੋਹਾਂ ਵਿੱਚ ਹੀ ਬਜ਼ੁਰਗਾਂ ਨਾਲ ਜਿਆਦਤੀ ਹੋ ਰਹੀ ਹੈ।
ਦੁਰਵਿਵਹਾਰ ਦੇ ਸ਼ਿਕਾਰ ਹੋਏ ਲੋਕਾਂ ਵਾਸਤੇ ਦੇਸ਼ ਵਿਆਪੀ ਫੋਨ ਨੰਬਰ 1800 353 374 ਉਪਲਬਧ ਹੈ। ਇਸ ਉੱਤੇ ਫੋਨ ਕਰਨ ਵਾਲੇ ਨੂੰ ਉਸ ਦੇ ਰਾਜ ਜਾਂ ਪ੍ਰਦੇਸ਼ ਵਿਚਲੀ ਮਦਦ ਵਾਲੀ ਲਾਈਨ ਨਾਲ ਜੋੜ ਦਿੱਤਾ ਜਾਂਦਾ ਹੈ।
ਇਸ ਬਾਰੇ ਵਿਸਥਾਰਤ ਜਾਣਕਾਰੀ ਉੱਪਰ ਫੋਟੋ ਵਿਚਲੇ ‘ਸਪੀਕਰ’ ਉੱਤੇ ਕਲਿੱਕ ਕਰਕੇ ਲਈ ਜਾ ਸਕਦੀ ਹੈ।
ਆਸਟ੍ਰੇਲੀਆ ਵਿੱਚ ਲੋਕਾਂ ਨੂੰ ਇੱਕ-ਦੂਸਰੇ ਤੋਂ ਘੱਟੋ-ਘੱਟ 1.5 ਮੀਟਰ ਦੀ ਦੂਰੀ 'ਤੇ ਰਹਿਣਾ ਚਾਹੀਦਾ ਹੈ
ਇਕੱਠਾਂ ਉੱਤੇ ਲੱਗੀਆਂ ਪਾਬੰਦੀਆਂ ਬਾਰੇ ਆਪਣੇ ਰਾਜ ਦੀਆਂ ਪਾਬੰਦੀਆਂ ਜਾਂਚੋ।
ਕਰੋਨਾਵਾਇਰਸ ਦੀ ਜਾਂਚ ਹੁਣ ਆਸਟ੍ਰੇਲੀਆ ਭਰ ਵਿੱਚ ਵਿਆਪਕ ਤੌਰ ਤੇ ਉਪਲੱਬਧ ਹੈ।
ਜੇ ਤੁਸੀਂ ਠੰਡ ਜਾਂ ਫਲੂ ਦੇ ਲੱਛਣਾਂ ਦਾ ਸਾਹਮਣਾ ਕਰ ਰਹੇ ਹੋ ਤਾਂ ਆਪਣੇ ਡਾਕਟਰ ਨੂੰ ਫੋਨ ਕਰਕੇ ਟੈਸਟ ਦਾ ਪ੍ਰਬੰਧ ਕਰੋ ਜਾਂ ਕਰੋਨਾਵਇਰਸ ਸਿਹਤ ਜਾਣਕਾਰੀ ਨੂੰ 1800 020 080 ਤੇ ਸੰਪਰਕ ਕਰੋ।
ਫੈਡਰਲ ਸਰਕਾਰ ਦੀ ਕਰੋਨਾਵਾਇਰਸ ਟਰੇਸਿੰਗ ਐਪ ‘ਕੋਵਿਡਸੇਫ’ ਤੁਹਾਡੇ ਫੋਨ ਦੇ ਐਪ ਸਟੋਰ ਤੋਂ ਡਾਊਨਲੋਡ ਕੀਤੀ ਜਾ ਸਕਦੀ ਹੈ।
ਐਸ ਬੀ ਐਸ ਆਸਟ੍ਰੇਲੀਆ ਦੇ ਵਿਭਿੰਨ ਭਾਈਚਾਰਿਆਂ ਨੂੰ ਕੋਵਿਡ-19 ਦੇ ਵਿਕਾਸ ਬਾਰੇ ਤਾਜ਼ਾ ਜਾਣਕਾਰੀ ਦੇਣ ਲਈ ਵਚਨਬੱਧ ਹੈ।
