آسټرالیا په عام ډول سره د ژوند لپاره یو خوندي هېواد دی او په دوامداره توګه یې نوم د نړۍ د هغو هېوادونو په لېست کې لیدل کېږي چې خوندي دي، مګر مهم ده ترڅو د خپل ځان او ماشومانو خوندیتوب ته پاملرنه وکړئ او له شته خطرونو څخه خبر اووسئ.
د خپل ځان او خپلو ماشومانو د خوندي پاتې کېدلو لپاره مهم ترڅو له کور څخه بهر او د کور دننه ځینو مهمو ټکو ته پاملرنه وکړئ.
' کور څخه بهر خوندیتوب'
په آسټرالیا کې لمر خورا قوي دی او کولای شي ستاسو پوټکی ډېر ژر وسوځوي، حتی په هغو ورځو کې چې آسمان وریځ وي او کېدای شي د پوټکي د سرطان یا نورو جلدي ستونزو لامل وګرځي. مګر ښه خبره داده چې تاسو کولای شي له لمر څخه خوندي پاتې شئ.
کله چې تاسو له خپلو ماشومانو سره او یا هم یواځې، له خپل کور څخه بهر وځئ نو پکار ده ترڅو د حرارت درجه وګورئ او همدا راز پوه شئ چې د لمر وړانګې په کومه کچه زیان رسونکې دي. دغه کار له تاسو سره مرسته کوي ترڅو تاسو په پوره تیارئ سره له خپل کور څخه بهر ووځئ.
پکار ده ترڅو له کور څخه د بهر وتلو پرمهال سن سکرین یا هغه کریم ووهئ چې له لمر څخه مو خوندي وساتي، د دې ترڅنګ داسې کالي واغوندئ چې بدن مو لږ ښکاره شي، خولۍ پرسر کړی، په سیوري کې پاتې شئ او کافي اندازه اوبه وڅښئ.
ډیری کسان چې کله آسټرالیا ته راځي نو له خځندو چې ډارېږي. د دې ډېر کم امکان شته ترڅو مار او یا نورې خځندې تاسو و چیچي. مګر د دې لپاره چې خوندي پاتې شئ، مهم ده ترڅو د خپل ځان او ماشومانو د خوندیتوب لپاره له کور څخه د بهر وتلو پرمهال پوره تیاری ولرئ.
Source: Getty Images/Stuart Westmoreland
له لمر او خځندو د خوندیتوب ترڅنګ باید له سرکه څخه د تېرېدلو پرمهال قوانین رعایت کړی او په خوندیتوب سره له سرکه څخه تېر شئ ترڅو مو موټر ونه وهي.
همدا راز په آسترالیا کې جرایم کم دي، مګر کله چې تاسو له خپلو کورونو څخه بهر ځئ نو مهمه ده ترڅو خپلو وسایلو ته هم پاملرنه وکړئ.
د دغو خبرو ترڅنګ د لامبو او نورو فعالیتونو پرمهال هم پرمهال هم د خپل ځان او ماشومانو خوندیتوب رعایت کړی ترڅو تاسو او ستاسو د کورنۍ غړي په امن کې اوسي.
'په کور کې د ماشومانو خوندیتوب'
له کور څخه بهر د ماشومانو د خوندیتوب ترڅنګ مهمه ده ترڅو د کور دننه هم د هغو خوندیتوب ته پاملرنه وشي.
کور د ماشومانو لپاره ترټولو خوندي ځای شمېرل کېږي، مګر د پدې مانا نده چې دوي ته به هېڅ زیان نه رسېږي، پکار ده ترڅو په کور کې هم د ماشومانو خوندیتوب ته میندې او پلرونه جدي پاملرنه وکړي.
کېدای شي دا ډېره ګرانه و اوسېږي ترڅو هر وخت د ماشومانو ټول فعالیتونه و څارل شي، مګر مهمه ده ترڅو د ماشومانو څارنه وشي او وخت په وخت ورته د خوندیتوب په اړه معلومات ورکړل شي.
په کور کې دننه برقي وسایل، د برق ساکټونه او ګرمې اوبه، د ماشومانو ژوند په خطر کې اچولی شي، له همدې امله میندو او پلرونو ته پکار ده ترڅو ماشومانو ته د برق او ګرمو اوبو د خطرونو په اړه معلومات ورکړي.
Source: The New York Times
له برق څخه د خوندیتوب ترڅنګ میندو او پلرونو ته پکار ده ترڅو ټول درمل او یو شمېر نور شیان چې په پخلنځي کې کارول کېږي لکه چاقو او لایټر چې ماشومانو ته زیان رسولی شي، هغه پداسې ځاې کې وساتي یا قلف کړي چې د ماشومانو له لاسرسي څخه لرې وي.
همدا راز د کور دروازې او کړکۍ بندې وساتۍ ترڅو ماشومان خپل ځان خوږ نکړي او یا هم په خپل سر له خپل مور او پلار پرته بهر ونه وځي.
