भिक्टोरिया सरकारले आपराधिक जिम्मेवारीको उमेरलाई आउँदो साल १० वर्षबाट बढाएर १२ वर्ष पुर्याउने बताएको छ।
हाल १० वर्ष उमेर भएका बालबालिकाहरू कुनै अपराधको आरोप लागेमा वा दोषी ठहर भएमा, पक्राउमा पर्न या किशोर किशोरीहरूलाई राखिने जुभिनाइल हिरासतमा राखिन सकिने व्यवस्था रहेको छ।
साथै सरकारी योजनामा आउँदो चार वर्षमा आपराधिक जिम्मेवारीको उमेरलाई १४ वर्ष बनाउने रहेको छ।
आपराधिक जिम्मेवारीको उमेरलाई १४ वर्ष बनाउनु पर्ने भन्दै लामो समयदेखि आवाज उठाउँदै आएका अधिवक्ताहरूले सरकारको चरणबद्ध योजनालाई लिएर असन्तुष्टि व्यक्त गरिरहँदा राज्यकी महान्यायाधिवक्ता ज्याक्लिन साइम्सले भने यसलाई प्रगतिशील सुधारका रूपमा लिएकी छिन्।
LISTEN TO
पुरा रिपोर्ट सुन्नुहोस्
06:43
