Засгийн газар ташаа мэдээллийн тухай хуулиа буцаан татлаа.
2024 оны " Communications Legislation -д нэмэлт оруулах тухай (Хуурамч болон ташаа мэдээлэлтэй тэмцэх)" хуулийн төсөл 11-р сард Төлөөлөгчдийн танхимаар батлагдсан боловч тухайн сарынхаа сүүлээр буцаан татагдсан юм.
"Олон нийтийн мэдэгдэл болон Сенатын гишүүдтэй хийсэн уулзалтуудын үндсэн дээр энэ саналыг Сенатаар батлуулах боломжгүй гэдэг нь тодорхой боллоо" гэж Харилцаа холбооны сайд Michelle Rowland мэдэгджээ.
"Хуулийн төсөл нь дижитал платформын үйлчилгээн дэх хамгийн ноцтой хор хөнөөлтэй контенттой тэмцэхэд чиглэсэн бөгөөд үг хэлэх эрх чөлөөний хамгаалалтыг бэхжүүлсэн."
Гэвч зарим сенаторууд уг хуулийн төсөл үг хэлэх эрх чөлөөнд сөргөөр нөлөөлж болзошгүй хэмээн асуудал дэвшүүлсэн юм.
LISTEN TO
SBS Examines: Бид үг хэлэх эрх чөлөөгөө хөндөхгүйгээр хуурамч мэдээлэлтэй тэмцэж чадах уу?
SBS Mongolian
12/09/202407:53
Ардчилсан Австралийн мэдээллийн чөлөөт урсгал, ялангуяа дижитал платформууд, австраличуудад хор хөнөөл учруулсан эсвэл худал мэдээллийг хялбархан тархаж байгаад санаа зовж байгаагаа Засгийн газар илэрхийлж байлаа.
Энэ хуулийн төсөл нь дижитал платформын үйлчилгээ үзүүлэгчдийг худал, ташаа мэдээллийн эрсдэлд хариу үйлдэл үзүүлэх, удирдах боломжийг олгох замаар үүнтэй тэмцэх зорилготой байсан юм.
Гэхдээ уг хуулийн төсөл цуцлагдсаныг хүлээн зөвшөөрч сайд Rowland мэдэгдэл хийхдээ “Нэг үйлдэл төгс шийдэл болж чадахгүй” гэдгийг хүлээн зөвшөөрсөн гэлээ.
“Бид дижитал платформууд австраличуудад илүү сайн хамгаалалт үзүүлэхийн төлөө аюулгүй байдлыг сайжруулсаар байх ёстой" гэж тэр хэлэв.
“Илүү тэнцвэрт байдал”
Өнөөгийн байдлаар дэлхийн хамгийн том эрсдэл нь хуурамч болон ташаа мэдээлэл юм хэмээн Дэлхийн Эдийн Засгийн Форум (WEF)-ын үзэж байна.
Дэлхийн улс орнуудын засгийн газрууд уг эрсдэлтэй тэмцэх зохицуулалт хийж байна.
Гэхдээ зохицуулалтын хурд, үр нөлөө нь хөгжлийн хурдтай давхцах магадлал багатай гэж WEF онцлов.
Хүний эрхийн комиссар Lorraine Finlay SBS Examines-д ярилцлага өгөхдөө зохицуулалт нь зөв тэнцвэртэй байх ёстой гэв.
"Бид үг хэлэх эрх чөлөө болон онлайн аюулгүй байдлын хоорондын тэнцвэрийг олохыг хичээх хэрэгтэй, учир нь бид онлайн орон зайг аюулгүй орчин байлгах хэрэгтэй бөгөөд үүнийг хийхдээ үг хэлэх эрх чөлөөг шаардлагагүйгээр хязгаарлж болохгүй" гэж тэр хэлэв.
“Бидний хийх ёстой хамгийн чухал зүйлсийн нэг бол ардчиллын амин чанарыг хамгаалах явдал юм. Энэ бол янз бүрийн санаа, үзэл бодол, байр суурийг эелдэг, бүтээлч байдлаар хуваалцаж, хэлэлцэх боломжтой байх нөхцлийг хангах явдал юм.
"Австралид бид онлайн орчны аюулгүй байдлыг хангахын хажуугаар үг хэлэх эрх чөлөөг хамгаалах тэнцвэрийг олох хэрэгтэй."
Засгийн газрууд ташаа мэдээлэлтэй өөрөөр яаж тэмцэж болох вэ?
Мельбурны их сургуулийн судалгааны төвийн судлаач Ika Trijsburg өөрийн гэрт ойр ташаа мэдээллийг шийдвэрлэх гарын авлага боловсруулсан байна.
“Энэ нь орон нутгийн түвшинд илэрч байна” гэж тэрээр SBS Examines-т ярилцлага өгөхдөө хэлсэн юм.
Орон нутгийн захиргаанууд бол засгийн газрын хамгийн итгэл хүлээдэг, хамгийн ойр байх нэгж юм... тэд уян хатан, орон нутгаа мэдэрсэн, хамтын ажиллагаа сайтай бөгөөд нийгмийн төвөгтэй асуудлыг шийдвэрлэхэд маш их хариуцлага хүлээдэг." гэж хатагтай Trijsburg хэлэв.
Дээрх гарын авлага нь урьдчилан сэргийлэлт болон эрт илрүүлэлт, тархалтыг зогсоох болон урьдчилан няцаах, мөн мэдээллийг няцаах болон сэргээх гэсэн гурван үе шат бүхий стратегийг санал болгож байгаа юм.
Trijsburg болон судалгааны багийнхан нам харгалзахгүй байх хандлага нь чухал гэж үзсэн байна, учир нь ташаа мэдээлэл хагарал дээр тулгуурлан цааш тархдаг.
Улс төр оролцвол юу болох вэ?
Хуулийн төслийн тайлбар бичигт, "Хүний эрхэд үзүүлэх нөлөө" гэсэн дэд гарчгийн дор уг хууль нь хүний хувийн нууц, үг хэлэх эрхийг хязгаарлаж болзошгүйг анхааруулсан байна.
Хэрэв хууль батлагдвал дижитал харилцааны платформын үйлчилгээ үзүүлэгчид контентыг зохицуулахдаа "хэтэрхий болгоомжтой" арга хэмжээ авч болзошгүй гэжээ.
"Эдгээр нь үг хэлэх эрх чөлөөг хязгаарлаж, дарамт учруулах сөрөг нөлөө үзүүлж болзошгүй" гэжээ.
Цаашид өөр зам бий юу?
Хуурамч, ташаа мэдээллийг зохицуулах тухайд засгийн газар хариуцлага хүлээх ёсгүй гэж үзэх хүмүүс байдаг.
Үг хэлэх эрх чөлөөний төлөө тэмцэгч, тоймч Josh Szeps технологийн компаниудад ачаа үүрүүлэх ёстой гэж SBS Examines-д өгсөн ярилцлагадаа дурдсан юм.
Тэд илүү ил тод байх ёстой гэж тэр хэллээ.
“Би ил тод байдлын зохицуулалт, сошиал медиа компаниудын үйл ажиллагааны судалгаанд нэвтрэх боломжийг бидэнд олгохыг шаардаж, алгоритмууд биднийг ямар төрлийн контент руу чиглүүлж байгаа болон энэ нь онлайн орчинд эргэлдэж буй яриа хэлэлцээрт хэрхэн нөлөөлж байгааг мэдэх талаар би илүү идэвхтэй ажиллах болно" гэж Szeps хэлсэн юм.
“Энэ асуудлыг шийдвэрлэх тийм ч хэцүү биш гэж би шиг санагддаг. Хүн бүр дэлхийг өөрсдийн хувийн тохиргоотой мэдээллийн сувгаараа харж байгаа үед, соёл иргэншлийг нэгтгэх өргөн хүрээний соёлын асуудлыг шийдэхээс хялбар гэж боддог.
LISTEN TO
Do Australians have freedom of speech?
SBS English
02/09/202403:31
Редакторын тэмдэглэл: Энэхүү нийтлэлийг 2024 оны 12-р сарын 3-ны өдөр хуулийн төслийг цуцлах шалтгааныг тодруулах зорилгоор шинэчилсэн болно.
