Tshua pov lauj hais tias nws ua tau daim animated movie luv luv hu ua 'Siv Yis rab ntaj neeb' lawm vim 'zoo li tsis tau muaj neeg ua zaj movie no ua animated movie coj los tso rau sawv daws saib.
''Yog tias muaj neeg nyiam ces tom ntej no tej zaum nws kuj yuav ua kom tau ib zaj dab neeg qhia txog txhua yam txog ib tug txiv neeb cov kev ua neeb, uas pib kiag thaum muaj ib tug neeg mob thiab muaj neeg hu tus txiv neeb ces nws mam mus kho. Mam mus ua neeb, mam mus hauv yeeb ceeb ces mam mus nrhiav tus neeg tus ntsuj plig, ces nws mam mus nrog dab sib ntsuas zog, ces nws mam li siv nyiaj txiaj xyab ntawv, nyuj nees li Hmoob tej txiv neeb ua neeb kho, ces yog tus dab tsis yeem ces nws mam nrog dab sib ntsuas zog tua tus dab ntawv tuag lawm ces mam coj tus ntsuj plig rov qab los (rau saum yaj ceeb). Kuv xav tias yog muaj neeg nyiam thiab no lwm hnub kuv yuav tsim kom tau ib zaj dab neeg li no rau sawv daws saib,'' raws li Tshua Pov Lauj hais.
Qhov laj thawj (reason) uas kuv ua zaj movie no mas kuv xav nthuav tawm peb cov dab neeg no kom ntiaj teb paub tias peb Hmoob qhov culture zoo li cas. Tos kuv ua los vim peb tus txiv neeb yog ib tug special ntawm peb tej tradition los yog peb tej kev cai rau peb lub neej. Txiv neeg yog ib tug tseem ceeb heev rau peb, ces kuv thiaj pib los ua zaj dab neeg no.Tshua Pov Lauj founder of TshuaPov Studio
Master shaman ShiYi's avatar Credit: Tshua Pov Studio
Tshua Pov hais tias 'Ntawm kuv zaj movie no mas kuv tsis siv AI li nawb. Zaj no mas yog yeej design los yog kos kiag cov 3D models ntawd tas ces mam li kho cov texture rau, mam li tso pob txha rau, mam li animate manually. Ces kuv yeej tsis siv AI li ntawd. Thaj twg nej pom los thiaj yog tib tug neeg qub tas li.''
''Txoj kev peb ua 3D (Character) no mas yuav tau txua kom tau tus charactor tso, thaum txuas tas lawm mam li tso xim (Kob) rau, thiab yog tib neeg ces mam tso pob txha rau, ces maj mam ua ib thaj kom nws txav zuj zus mas thiaj ua tau tus neeg txav, hais lus los yeej yuav tau ua ib qho zuj zus thiab ces thiaj siv sij hawm ntev heev li,'' raws li Tshua Pov Lauj hais.
Tshua Pov hais tias AI tsis muaj peev xwm ua tau tib tug charactor zoo tib yam txhua zaus uas yus input prompt, vim ua zaum ob ces tau tus charactor txawv lawm.
Nws kuj txhawj tias 'li ntawm 5-6 xyoo ntxiv no yog tias tej AI generative technology design tau tej 3D charactor zoo heev ces ntshe tej zaum peb cov ua 3D animation no kuj yuav tsis muaj hauj lwm ua lawm thiab los kuj tau.'
Evil queen and her devil commander Credit: Tshua Pov Studio
Tshua Pov hais tias ''tom ntej no ces nws xav siv cov khaub ncaws motion capture uas thaum tus neeg txav li cas los kom tus charactor txav li ntawd ua tib yam li Hollywood ua, thiab yuav sib xyaws tej 3D charactors nrog tej neeg tiag ntawm cov 3D background.''
Nws los kuj tsim txua tau ib cov 3D items tso rau hauv online store lawm thiab li qeej, ntaj etc rau tej neeg uas tsis paub txuas tej khoom no coj mus siv ua lawv tej projects. Nws thiaj hais tias yeej cia siab tias muaj ib hnub twg yeej xav los ua tej hauj lwm no full time kiag yog mus raws siab xav.
Nws hais ntxiv tias ua game yeej zoo thiab tab sis tib leeg xwb tsis muaj sij hawm ua ntau yam.
''Yog leej twg nyiam saib, kov los yog ua tej 3D animation no ces muaj chaw kawm free ntau yam hauv online tam sim no uas tsis tau them nyiaj ntau li yav dhau los lawm, los yog yeej muaj tej software rau yus siv dawb txog rau thaum yus paub siv lawm mam yuav cov professional los siv los tau, tsis tas li ntawd los kuj muaj tej sob kawm qhia hauv YouTube, thiab yeej muaj ntau yam software uas yog yus xav siv qhov twg ces yuav yam ntawd siv lawm xwb uas yeej pheej yig. Thiab kuj tseem muaj tej lees kaus uas paub txog tej no yog qhov twg yus tsis paub yus nug lawv los lawv yeej qhia yus thiab. Ces yog leej twg nyiam ces mus kawm tau tej sob kawm no ntau heev free hauv internet,'' raws li Tshua Pov Lauj hais.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
