Kev muaj peev xwm tham tau thiab sau tau ntawv Askiv (English) zoo yeej pab tau tej neeg tsiv teb tsaws chaws uas xav nrhiav hauj lwm ua thiab xav sib txuas lus nrog lawm tus neeg Australians tau.
Vim li no tsoom hwv Australia thiaj tsim cov program qhia ntawv Askiv (English) pub dawb rau cov neeg tsiv teb tsaws chaw (migrants) thiab neeg thoj nam tawg tsov tawg rog (refugees) tau kawm.
Cov program qhia ntawv hu ua The Australian Migrant English Program (AMEP) yog cov program dab tsi?
Yazidi Refugees learning English at TAFE NSW Riverina Institute (SBS Arabic 24) Source: SBS Arabic 24
Kuv puas muaj cai kawm thiab?
Yog tias koj yog ib tug neeg nyob ruaj (Permanent resident) los yog tau cov visa nyob ib ntus , li cov Partner visa los yog Temporary Protection visa ces muaj cai kawm tau.
Tab sis koj yuav tsum tau teev zwm npe (Register) nrog cov chaw qhia ntawv Adult Migrants English Program (AMEP) li 6 lub hli thaum koj xub tuaj txog rau teb chaws Australia. Cov me nyuam los yog cov hluas hnoob nyoog qes dua 18 xyoo ces muaj cai mus teev zwm npe rau lub sij hawm 1 xyoos. Ces li ntawm 1 lub xyoo ntawm koj mam pib kawm thiab kawm kom tiav rau lub sij hawm 5 xyoos.
Yuav mus rau npe li cas?
Muaj cov chaw qhia ntawv AMEP 300 lub hauv Australia no. Txheeb xyuas cov list ntawm no thiab hu mus nug lub nyob ze koj kom teev npe tau nrog lawv.
Muaj cov cov xwm ua koj hom lus qhia rau koj paub thiab.
Cov chaw qhia ntawv Askiv rau cov neeg muaj hnoob nyoog (AMEP providers) yeej muaj cov neeg txawj 2 hom lus pab koj tham ua koj hom lus yog koj muaj lus nug dab tsi txog cov sob kawm no. Tsis tas li no tseem muaj cov neeg volunteers hauv cov chav kawm pab koj thiab.
Yog koj xav paub kom ntxawv tshaj no txog cov program qhia ntawv Askiv rau cov neeg muaj hnoob nyoog (Adult Migrants English Program-AMEP) ua koj hom lus ces saib tau ntawm lub vam sab ntawm no .
Qhia tej txuj ci thiab txuj tes kom koj mus kawm tau ntxiv los yog nrhiav tau hauj lwm ua (Skills for Education and Employment (SEE))
Learning the English alphabet (Image via Pro-Image photography) Source: Pro-Image photography
Cov program SEE yuav yog ib cov haum rau koj yog tias koj twb tuaj nyob Australia ntev tshaj 6 hli lawm, vim rau qhov koj yeej paub lus thiab ntawv Askiv me ntsi lawm, tab sis koj xav kawm kom paub zoo ntxiv los yog xav nrhiav hauj lwm ua.
Yog koj yog cov neeg muaj cai kawm tau ces yuav tau kawm cov sob kawm dawb uas qhia txog kev nyeem thiab sau ntawv Askiv (Reading and writing literacy) thiab cov kev qhia kom paub siv zauv (Nmuberacy) kom koj muaj peev xwm nrhiav tau hauj lwm ua.
Leej twg muaj cai kawm tau cov sob kawm no?
Cov muaj cai kawm tau yuav tsum yog cov:
- Muaj hnoob nyoog txij 15 xyoos mus txog rau 64 xyoos
- Yuav tsum yog ib tug neeg teev zwm npe nrhiav hauj lwm ua nrog rau lub tuam chav pab zej tsoom (Department of Human Services - DHS)
- Tsis yog ib tug tub kawm ntawv full-time
- Yeej muaj cai tau txais txiaj kev pab cuam raws cai, raws cov visa thiab tsim nyog tau tej txiaj ntsim lwm yam.
Koj muaj peev xwm txheeb tau ntawm no tias seb koj puas muaj caij kawm tau cov sob kawm ntawm no. Nyem qhov nod .
Yuav mus rau npe li cas?
Yuav tsum yog lub tuam chav DHS los yog cov chaw pab nrhiav hauj lwm rau lwm tus ua li Jobactive los yog ParentsNext xa koj mus mas thiaj muaj cai kawm tau.
Koj muaj peev xwm hu tus xov tooj 132 850 mus nrog lub tuam chav pab zejtsoom tham tau.
Muaj ntau txoj xub ke rau koj tau kawm.
2 cov program qhia ua ntej dhau los yeej muaj cov sij hawm haum rau koj. Qhov no txhais tau tias koj yuav kawm tau hauv cov chav kawm kiag los sis kawm distance learning tau, kawm part-time los yog full-time, los sis kawm thaum nruab hnub thiab hmo ntuj tau nyob ntawm lub caij haum raws li qhov koj nyiam xwb.
Yog tias koj mua kawm cov chav kawm Adult Migrants English Program-AMEP, ces tseem muaj neeg pab zov koj cov me nyuam hnoob nyoog tseem yau pub dawb rau koj thiab.
File image of children playing at a child care centre Source: AAP
Yog ib txoj hauv kev pab kom koj mus kawm tau cov sob kawm ua ib yam hauj lwm dab tsi los yog nrhiav hauj lwm ua.
Vim cov program no qhia cov chav kawm ntawv Askiv, ces thiaj yooj yim me ntsi rau tej neeg tau kawm no kom muaj peev xwm mus kawm tau cov sob kawm ua ib yam hauj lwm dab tsi thaum lawv kawm cov sob kawm ntawv Askiv no tiav lawm. Tsis tas li no los yeej muaj cov system coj los qhia rau cov neeg tsiv teb tsaws chaws tuaj nyob rau teb chaws Australia uas muaj hnoob nyoog kom lawm kawm tau tej sob kawm raws li qhov lawv xav kawm thiab.
Useful links
