“Ib tug hluas neeg Australia ntawm 5 tug twg yeej ntsib ib yam teeb meem dab tsi thaum lawv mus siv online piv txwv li cov teeb meem sib thab sib zes (cyberbullying), mus txog rau nyiag lwm tus duab coj mus siv yam tsis taut xais kev tso cai los yog mus tsim kev ntxub ntxaug hauv online," raws li Julie Inman Grant ua yog tus coj ntawm lub koom haum hais.
Cov teeb meem cuam tshuam txog tej duab los yog video liab qab uas tej hluas tau mus muab lwm tus tej duab coj los faib rau lwm tus saib yam tsis tau txais kev tso cai los ntawm tej tswv. Ces thiaj muaj tej hluas coob heev tau hu mus thov cov kev pab cuam vim lawv raug tej teeb meem no.
Tej niam txiv los kuj txhawj tias tsim lawv tej me nyuam yuav mus saib mus pom tej yam tsis zoo hauv internet thiab ntsib mus nrog tej neeg lawv tsis paub tham los yog tsam tej neeg no ho hu tuaj nrog lawv tej me nyuam tham.
Getty Images/Jasmin Merdan
uas yog ib cov teeb meem sib thab sib zes hauv online los kuj yog ib cov teeb meem loj kawg nkaus li thiab. "Yeej muaj tej niam txiv coob heev ntawd thaum lawv loj hlob tuaj ces tej zaum lawv kuj yuav raug lwm tus thab zes tom tej teej kawm, ntawm ib co koom txoos twg, los yog raug lwm yam teeb meem. Tab sis thaum lawv los tsev lawm ces tsis muaj neeg yuav thab thiab zes tau lawv lawm thiab yuav tau txais kev nyab xeeb rau lawv, thiab tsis tas txhawj txog tej teeb meem no ntxiv lawm. Tab sis yog tham rau tej hluas tam sim no lawm ces vim lawv pheej nyiam sib txuas lus nrog lwm tus hauv online ces thiaj muaj neeg tuaj thab tuaj zes lawv tsis muaj caij so li, txawm lawv los txog tsev lawm los tseem muaj neeg xa xo tuaj thab lawv tom tsev ntxiv thiab," raws li Belinda Beaumont uas yog ib tug neeg sab laj daws kev nyuaj siab rau lub koom haum Kids Helpline tau qhia.
Nrog koj tej me nyuam tham
Thawj yam koj muaj peev xwm ua tau ces yuav tsum tau nrog koj tej me nyuam tham txog cov kev nyab xeeb thaum mus siv internet los yog online ntawd, thiab qhia rau lawv paub tias tsis hais lawv muaj teeb meem dab tsi li lawv yeej muaj peev xwm los sab laj tau nrog koj.
Txawm tej niam txiv yeej xav txwv tsis pub tej me nyuam siv social media thiab mus playgame hauv online los, Beaumont xav tias tsis yog ib lub tswv yim zoo los daws tau tej teeb meem no.
“Raws li kuv paub thiab tau ua hauj lwm pab daws kev nyuaj siab rau tej me nyuam ntawm lub koom haum Kids Helpline ces yog tej niam txiv tseem txwv thiab ces haj yam yuav ua rau tej me nyuam zais tsis qhia thiab lawv yuav mus qhib cov account siv. Yog li qhov zoo tshaj ces txawm tias yog tej yam tsis yooj yim thiab txaus ntshais, los yog tias yus muaj peev xwm tsim kom tau txoj kev sib raug zoo thiab kev ntseeg siab nrog yus tej me nyuam lawm, thiab ntseeg lawv lawm ces thaum lawv muaj teeb meem dab tsi lawv yeej yuav coj los qhia rau yus paub xwb."
Getty Images/Letizia le Fur
Yog tias koj tej me nyuam tseem yau ntawd ho muaj ib cov paub tab zog lawm thiab ho tautaub txog qhov tseem ceeb ntawm cov hauj lwm online safety ces yuav tsum cia lawv muaj feem koom los tham txog tej no thiab.
Yuav tsum tswj, txwv thiab teeb cov ciaj ciam tias pub thiab tsis pub lawv siv li cas xwb
Qhov koj muaj peev xwm ua tau pab rau koj tej me nyuam ces yuav tsum los txwv txhob pub lawv siv tej devices (tej xov tooj, tablets, PC los yog lab top), thiab yuav tau los nrog soj thiab txwv tsis txhob pub lawv siv online ntau los yog tsuas saib tau tej yam tsim nyog xwb.
Tsis tas li no yuav tsum tsim cai txwv thiab qhia seb tsuas pub siv tej devices no rau qhov twg nkaus xwb piv txwv li tsis pub koj tej me nyuam siv hauv txaj thiab nrog xyuas kom lawv tsis txhob tso tej yam dab tsi qhia rau lwm tus paub tias lawv kawm ntawv qhov twg los yog lawv nyob qhov twg.
Getty Images/Westend61
Lwm txoj xub kev ntxiv uas yuav pab kom muaj feem koom tau nrog koj tej me nyuam ces yuav tsum tau nrog lawv play cov video gam ua ke, pab download tej app rau lawv siv, kom yus thiaj paub tias tej app ntawd ua hauj lwm li cas thiab kuj yog ib lub cib fim rau yus tau nrog yus tej me nyuam tham.
Yuav ua li cas yog thaum muaj ib yam teeb meem dab tsi
Yog tias koj tus me nyuam los qhia rau koj tias lawv raug ib yam teeb meem dab tsi ces xav kom ua siab txias txias thiab mloog lawv piav ua ntej tso.
“Thawj yam koj tsim nyog ua ces yuav tsum pub cib fim rau lawv tham qhia koj tso, thiab qhia kom lawv paub tias lawv muaj peev xwm sab laj tau txhua yam teeb meem nrog koj yog tias lawv ho muaj teeb meem hauv online. Ntxiv ntawd xav kom koj txhob rau txim rau lawv, yog tias lawv los qhia tej teeb meem ntawd rau koj tias lawv tau ua ib yam dab tsi txhaum los yog yuam kev lawm tsam lawv ho yuav raug teeb meem me ntsis. Tab sis xav kom ua siab txias thiab qhia rau lawv paub tias koj yeej yuav pab lawv daws tej teeb meem no," raws li Jane French uas yog tus coj ntawm lub koom haum tau qhia.
Getty Images/Steve Debenport
Yog tias koj tus me nyuam yog ib tug raug lwm tus thab zes hauv online (victim of cyberbullying) los yog raug lwm tus nyiag nws tej duab mus tso rau lwm tus saib ces koj muaj peev xwm qhia tau rau nom tswv paub hauv
Lub koom haum no lub vas sab yog ib qhov chaw zoo uas koj muaj peev xwm nrhiav tau ntau yam xov xwm qhia txog cov kev nyab xeeb rau cov kev mus siv online los yog internet (online safety) vim nws yeej muaj xov xwm ua ntau hom lus qhia txog tej hais no rau koj tau nyeem thiab saib.
Yog tias koj yog tej niam txiv uas npaj yuav tham txog cov online safety no nrog koj tej me nyuam, ces xav kom koj mus saib pob yeeb yaj duab hu ua no. SBS cov yeeb yaj duab tshiab no muaj 4 toom uas yuav qhia txog tej hluas ntau nkauj nto raug cov kev nkauj nraug thiab kev sib raug zoo uas sib chab sib chaws heev, lawv cov cim thawj (identity) thiab cov sexuality hauv tej technology uas tab tom coj los tso rau sawv daws saib lub 8 hli ntuj xyoo 2019 thaum 8:30 pm ntawm SBS thiab SBS On Demand tau.
