Hnub tim 5 lub 11 hlis ntuj xyoo 2024 ces twb yog hnub Meskas xaiv tsa nws tus President tshiab lawm, thiaj tshuav sij hawm tsis ntev lawm xwb.
Lub caij tseem nrhiav suab ces Mr Trump yeej hais lus tawm tswv yim ntau yam, thiab tau hais tias muaj ntau yam hauj lwm tseem ceeb li neeg tsiv teb tsaws chaw, tej lagluam tsis zoo thiab nyiaj poob nqe yog tej uas Kamala Harris tus tsoom fwv ua tsis tau thaum nws tseem ua nom. Trump tau hais tias yuav txo se rau tej neeg ua hauj lwm, yuav xa tej neeg tsiv teb tsaws chaw uas mus tsis raug cai rau Meskas rov qab kom coob tshaj plaws, yuav kaw ciam teb.
Hos Kamala Harris los kuj hais tias 'Trump yog tus yuav ua rau muaj teeb meem rau txoj kev tswj hwm democracy, yuav ua rau tsis tau txais kev ywj pheej, yuav xav tug rog tawm tsam pej xeem Meskas, yuav tiv thaiv tsis pub poj niam txiav txim siab seb lawv yuav ua li cas rau lawv lub cev, tsis muaj cai xaiv nom ywj pheej, tsis muaj cai tau txais kev nyab xeeb ntawm tej teeb meem kub ntxhov cuam tshuam txog riam phom, tsis tau dej huv haus, tsis tau cua huv ua pa thiab tsis muaj kev ywj pheej yuav hlub tau tus neeg yus hlub yam qhib siab lug thiab txaus siab npo.'
Senator Michael Bennett ntawm pab nom Democrat ntawm Colorado hais tias 'kom tsis txhob xaiv Trump rov qab los ua nom lawm vim nws tau hais lus dag thiab hais lus phem rau tej neeg tsiv teb tsaws chaw.'
Tab sis zoo li yeej tsis tham txog tej huab cua pauv hloov thiab tsis tham txog Meskas tej hauj lwm txawv teb chaws uas yog thaum tej neeg xaiv nom txiav tsim siab lawm ces ntshe yuav ua rau muaj teeb meem loj rau ntiaj teb.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
