Lub neej tiam vam meej no ces txhua tsav yam yeej cuam tshuam txog kev siv technology ntau yam tsis hais xov tooj tes, tej smart homes thiab 'tej tsheb tib si.' Ces thiaj muaj ntau yam tsis hais yog tej microphones, tej sensors thiab internet mas thiaj siv tau tej tsheb. Ces thiaj ua rau muaj kev txhawj xeeb thiab lus nug tias tej xov xwm uas tej tuam txhab khaws tej neeg siv hauv tsheb ntawd ho coj mus faib rau leej twg qhia rau leej twg, los yog coj mus ua dab tsi.
Lub koom haum Choice tau mus nrog 10 lub tuam txhab muag tsheb ntawm teb chaws Australia tham thiab nug txog tej xov xwm uas lawv khaws txog tej neeg uas siv ntau yam hauv tej tsheb thiab tej tuam txhab no tej privacy policies ces lawv txheeb tau li hauv qab no:
- Australia tsab cai Privacy Act qub heev siv tsis tau lawm vim tsuas tau kho rau lub caij xyoo 1980s dhau los xwb. Thiaj xav kom kho tsab cai no siv tau raws li qhov tsim nyog siv xwb kom tej tuam txhab lagluam tsis txhob muaj peev xwm yuav coj tej xov xwm no mus siv ua li cas los tau raws li qhov lawv xav ua, thiab yuav tau los txheb txog lawv tej cai uas tej customer pom zoo qhia lawv tej xov xwm ntiag tug rau tej tuam txhab tsim tsheb.
- 'Hyundai thiab Kia yeej siv cov voice recognition los khaws tej neeg tej xov xwm thiab coj mus muag rau lwm lub tuam txhab thiab coj tej xov xwm no mus trains AI software los yog co mus siv ua lwm yam, los sis muag rau tej tuam txhab insurance los yog lwm cov tuam txhab, tej tuam txhab haub tau yaum thiab tej kiab khw lagluam uas peb tsis paub tias lawv coj peb tej xov xwm mus ua dab tsi tiag', raws li Jarni Blakkarly uas yog tus coj lub koom haum Choice tau hais.
- Hyundai tau qhia rau SBS News tias 'nws tsuas khaws tej voice recognition data raws li qhov tsim nyog khaws thiab yeej tsis teev tias tej xov xwm ntawd tau ntawm leej twg los.'' Tab sis yog tej neeg lwv nws lub Bluelink app thiab lawv tej account lawm ces yuav siv tsis tau tej twj hauv lub tsheb lawm.
- Tesla daim promotion video yeej hais tias 'tej customer yog tus txiav txim tias seb xav faib tej xov xwm no rau leej twg thiab thaum twg. Thiab txawm faib thiab qhia rau lwm tus los tej xov xwm no yuav tsis cuam tshuam txog yus ntiag tug los sis yus lub tsheb. Yus yeej muaj peev xwm txheeb Tesla tej privacy policy thaum twg los tau ntawm daim phiaj ntawm lub tsheb los yog txheeb tau yus phau Tesla account.''
- Toyota, Ford, MG thiab Mazda los yeej tau khaw qee yam xov xwm txog tej neeg tsav tsheb thiab yeej muaj ntau lub tuam txhab tsheb tau qhia tej xov xwm no rau lwm tus los yog yeej tsis muaj tej policies teev tseeb tias coj tej xov xwm no coj mus siv li cas.
- Mitsubishi, Subaru thiab Isuzu ces tsis khaws tej neeg tsav tsheb tej xov xwm los yog tsis faib tej xov xwm rau lwm tus ntawm teb chaws Australia.
Mr Blackkarly thiaj piv txwv tias 'lub koom haum European Union (EU) yeej muaj tej cai zoo teev meej los pov puag tej neeg yuav tsheb siv tias tej tuam txhab muag tsheb rau nws lub koom haum no yuav tsum siv cov software txawv, khaws tej xov xwm txawv, thiab faib tej xov xwm no rau lwm tus txawv vim lawv yuav tau ua raws EU tej cai. Tab sis Australia tsis muaj tsab cai privacy act zoo coj los siv ces thiaj ua tsis au li hais ntawd.'
Thiaj ua rau Australia tus nom tswj cov hauj lwm communication hais tias kom neeg tej neeg yuav khoom siv yuav tsum tau ceev faj txog cov kev siv tej tsheb los yog lwm yam technology uas tej zaum yuav raug siv los khaws yus tej xov xwm ntiag tug.
Nws hais tias ''Tsis yog tsheb nkaus xwb, yeej muaj ib co twj txuas siv internet yeej khaws tej xov xwm ntau heev, thiab yeej khaws tej neeg tej xov xwm ntiag tug ntau heev uas tej zaum sawv daws tsis paub txog. Ces thiaj yog tej yam txaus txhawj xeeb heev. Txawm li cas los kws lij choj teb chaws (Senator Mark Dreyfus) yeej tab tom los txheeb tej lus zoj khi ntawm tej privacy act. Kuv xav tias tej neeg yuav khoom siv yuav tau xyuam xim ceev faj thiab nkag siab zoo txog tej khoom los yog tej technology uas lawv tab tom siv.''
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, , thiab los yog download thiab kom koj mloog tau SBS Hmong.
