Ntsiab lus tseem ceeb:
- Tau muaj tej neeg qev tej nyiaj theem nrab uas qev los yuav Australia tej tsev nyob ntau tshaj qub ntxiv lawm.
- Thiab tau muaj tej neeg qev nyiaj theem nrab los yuav tsev nyob ntau ntxiv tuaj txog 8 feem pua tsaib no lawm.
- Tej neeg nqes peev ua tej lagluam vaj tse kuj tseem yog cov uas qev ntau nyiaj ntau yuav laug txog 2 npaug piv rau tej nyiaj uas tej neeg yuav tsev qev.
Raws li lub koom haum Australian Bureau of Statistics (ABS) qhia ces tej neeg yuav tsev kuj tau qev tej nyiaj theem nrab uas qev los yuav tsev nyob ntau tshaj qub ntxiv lawm.
Raws li ABS tej xov xwm tshiab teev txog tej kev qev nyiaj yuav tsev qhia tias txij li lub 7 hli ntuj 2024 ces muaj tej neeg qev nyiaj theem nrab los yuav tsev nyob txog li $641,000 lawm.
Lub 7 hli ntuj xyoo 2023 ces tsuas muaj tej neeg qev nyiaj yuav tsev tshaj $593,000 uas tsuas yog qev ntau dua 8 feem pua xwb.
Tej nyiaj no ces yeej suav tej nqe ua tsev thiab tej nqe yuav tsev tshiab los yog tej nqe yuav tej tsev qub nrog thiab.
Tej nyiaj tej neeg qev yuav tsev nyob
Tau muaj tej neeg qev nyiaj yuav tsev ntawm txhua lub xeev ntau tuaj ntxiv lawm.
Lub 7 hli ntuj xyoo 2023 ces tej neeg qev nyiaj theem nrab yuav tsev ntawm New South Wales (NSW) ces tsuas qev tsawg dua $750,000 xwb. Tab sis lub 7 hli ntuj xyoo no (2024) ces tej neeg twb qev nyiaj tshaj $780,000 lawm.
Xeev Western Australia ces yog lub xeev uas muaj cov feem pua ntawm tej neeg qev nyiaj yuav tsev uas tau qev ntau tshaj plaws ntxiv. Thiab tej nyiaj nrab uas tej neeg qev yuav tsev ntawm lub xeev no twb tau nce ntawm $472,000 mus ua ntau tshaj $552,000 los yog tau qev ntau tuaj ntxiv yuav laug txog li 17 feem pua lawm.
Source: SBS
Australia tej teeb meem vaj tse
Yeej tseem muaj cov kev sib tham txog tej kev muaj peev xwm yuav tau tsev nyob thiab ntiav tau tsev nyob ntawm Australia txuas ntxiv rau lim tiam no ua ntej uas Australia lub koom haum tuaj nruab nrab uas tswj cov hauj lwm muaj peev xwm ntiav los yog yuav tau tsev nyob tau los tawm tswv yim tias yog tej yam nyuaj tshaj qub ntxiv uas yeej tsis tshua muaj peev xwm yuav tau tsev nyob raws li neeg Australia txoj kev npau suav lawm.
Susan Lloyd-Hurwitz uas yog tus tswj lub koom haum National Housing Supply and Affordability Council tau hais ib cov lus ntawm National Press Club ntawm Canberra thaum ntxov limtiam no tias ''yeej tsis muaj ib lub tswv yim twg uas yuav muaj peev xwm los daws tau Australia tej teeb meem tsis muaj vaj tse txaus nyob no kom sai.''
Nws tau hais tias Australia tej cuab yig khwv tau nyiaj tsawg tshaj plaws tsuas muaj peev xwm yuav tau tej tsev raug muag txog li 1 feem pua xwb, thiab tam sim no ces tej cuab yig khwv tau nyiaj nrab yuav tau tos ntev txog li 10 xyoo kom txuag tau nyiaj txaus zoj yuav tsev tso thiaj mam li muaj peev xwm yuav tau tsev nyob.
Tej neeg nqes peev lagluam tej kiab khw
ABS tej xov xwm qhia tias txawm tias muaj tej neeg qev nyiaj los yuav tsev coob heev yeej tsis tshua muaj peev xwm them tej nqe yuav tsev los yeej tau muaj tej neeg nqe peev lagluam los ua Australia tej kiab khw lagluam vaj tse ntau dua tej neeg uas yuav.
Ces thiaj ua rau tej neeg nqes peev tsim vaj tse tau qev nyiaj ntau tuaj ntxiv ntawm $8.6 billion lub 7 hli ntuj 2023 ua $11.7 billion rau lub 7 hli ntuj xyoo 2024 lawm. Uas yeej yog tej nyiaj uas qev ntau yuav laug txog li $11.8 billion lub 1 hlis ntuj xyoo 2022.
"Tos peb hom pom tias muaj tej neeg nqes peev qev tau nyiaj ntau heev ntawm tej statistics los vim yog tej txhab nyiaj tau pom zoo qev nyiaj ntau tuaj ntxiv lawm, thiab vim muaj tej nqe tsev ib nyuag kom zog tuaj ntxiv lawm thiab.''
READ MORE
Hom nyiaj qev yuav tsev
Mloog tau hnub zwj Teeb (Thursday) 6 pm, hnub zwj Hnub (Sunday) 11am, los yog koom tau ntxiv ntawm , , thiab . Downloadthiab caum
