Australia khuapi kipah ram ngeitu miphun hna upat peknak langhternak can ah inn le lo an sakmi an um hna.

Designers of the University of Technology, Sydney's National First Nations College aspire to make it a place of connection with Country. Credit: Greenaway Architects, Warren and Mahoney, OCULUS

SBS Hakha Chin

View Podcast Series

Get the SBS Audio app

Other ways to listen

Ram timi biafang cu Australian Indigenous rothil le pehzulh tein tuahsernak ah a hrampi a si. Kan i telnak pawngkam hna nih hin, kum thong hra chung First Nations umnak, nunphung, holh le a nungmi thilnung vialte he pehtlaihnak tuanbia an ngei. Cucaah, zeitindah inn suaisam thiam, cozah bu le sersiam khawhnak riantuantu hna nih kan khuapi pawngkam an suai tikah ramchungmi hngalhnak he pehtlaihnak an ngeih awk a si?

Key Points

Australia ram chung hmunkip ah Indigenous nunphung cu aa khat dih tiah ruah cu a tlangpi in ruahnak palh a si.
Inn saknak pawngkam suaisamnak ah a karh cuahmahmi thlennak nih Ram cung ah hram bunh in project tuah a kawl, phunglam cu a hlan bantuk in khuapi khuakhannak in aa ṭhen.
Ram hruaimi suaisamnak ah, timhtuahnak in pekchanhnak tiang, First Nations hngalhnak a ngeimi hna, pawngkam, le a bik in project hmunhma tuahsernak hna nih kalning kha an hruai.

Australia ram chung hmun kip ah kum thong tampi a liam cangmi tuanbia an um hna, cucu Aboriginal nunphung, phunglam le holh hna he pehtlaihnak a ngei an si hna.

Nihin ni ah, Inn le lo phundang ngai in an sakmi, hmun kip le kakip ah nan hmuh khawh hna lai. An I hmaithlak mi cu hi ram le vawlei ah kum caan saupi a rak tlawngleng cangmi miphun nih an roh tak mi tuanbia philh lonak ding caah hi bantuk inn le lo sak an sinak hi a si.

Australian Indigenous rothil cu ram, asiloah "Ram" he thukpi in aa pehtlai i, hi pehtlaihnak cu khuapi le khuate telh in kan umnak hmun tiang a phan.

Cucaah, inn suaisam, cozah le thilthar sertu hna nih kan pawngkam suaisam tikah zeitindah Indigenous hngalhnak kha an hman khawh lai?

New South Wales in a rami Bundjalung, Muruwari, le Kamilaroi miphun hrinsor a simi Professor Brian Martin cu hi kong ah thiamsang a si. Nunphung he aa tlakmi suaisamnak sernak caah lamhruainak a petu International Indigenous Design Charter timi cauk a tial tti.

Design ah, nunphung ruah timi cu project pakhat cio kha aa pehtlaimi ramchung mibu he aa tlakmi siter tinak a si. Mipi inn, park, asiloah zukcawl pakhatkhat a si zongah, suaisam cu cuka hmun i a ummi ramchung miphun nunphung le tuanbia he aa pehtlaih awk a si.

Batı Avustralya’daki Karijini Ulusal Parkı’ndaki yabani çiçekler. Source: Getty / TED MEAD

Prof. Martin nih hi lamthluan nih hin Australia ram pumpi ah a ummi rammi nunphung aa dangmi a langhter tiah a fianter.

"Ramchungmi hngalhnak asiloah theihthiamnak lam kong kan chim tikah, a hlei in suaisamnak ah, hngalhnak vialte cu a ta a sinak ram in a rami a si. Cucaah suaisamnak naih khawhnak lam tha bik cu hmunhma, cu ram ngeitu hna le cu he aa pehtlaimi hngalhnak le ruahnak hna. A tawinak in chim ahcun, Rammi nih an hruaimi suaisam timi cu ram le a mi hna nih an hruai tinak a si."

Jefa Greenaway: “We know across this vast island continent that there are over 270 distinct language groups and 600 dialects.” Credit: Aaron Puls

Inn suaisam thiam Jefa Greenaway zong nih aa khatmi hmuhning a ngei ve.

Amah cu Victoria ah theihhngalh hmasa bikmi Aboriginal inn suaisam thiam pakhat a si, a hramthawk tein New South Wales in a si, cun Wailwan, Kamilaroi, le Dharawal miphun hna tefa a si.

Mr. Greenaway nih a chimmi cu, innsaknak ah ramchung nunphung aa dangmi hngalhthiamnak cu aa telmi lawng si loin suaisamnak ah dinfelnak kong a si.

“First Nations mi hna cu inn saknak rian nganpi ah an i tel zungzal lo. Cucaah, hi cu an aw le biakhiahnak tuah khawhnak caanṭha a si.”

Ram kong ah lungthin peknak he suaisam timi cu hmun pakhat tuanbia tling tein a chimtu project ser tinak a si—a vawlei sining lawng si loin chungkhat sinak, hla le nunphung he pehtlaihnak zong a si.

“Ka chim duhmi cu project pakhatkhat a umnak hmun taktak le aa telmi ram asiloah holh phun hngalhthiam kha a si. Australia ram pumpi ah holh phu 270 leng le holh phun 600 leng an um.”

Hi ram hruaimi suaisamnak tahchunhnak cu Melbourne University khuapi campus ah hmuh khawh a si, cuka ahcun siangngakchia umnak hmun cu Central Business District (CBD) chung i Swanston Street he an i tong.

Project a hruaitu Mr. Greenaway nih zeitindah suaisamnak kalning a tthancho timi a fianter.

“Phunglam ngeitu, upa, hngalhnak a kilvengtu, Ramchung siangngakchia le university riantuantu hna telh in Ramchung mi tampi he rian kan ttuan. Hi biaruahnak hna thawngin, hmun pawng i eel pawl an i ṭhialnak tuanbia kong kha kan hngalh. Hi hngalhnak hmangin, tidil hlun pawl langhter awkah project cu kan suai.”

Team nih Kulin miphun hna i an nunphung ram ah kum 60,000 leng eel pawl an i ṭhialnak tiva aiawhtu dingah amphitheater le lam an ser. Mah eel pawl cu Birrarung (Yarra tiva) ah hrin awkah an kal.

Hi tuanbia langhter awkah, annih nih ramchung thingram, khuachung thilri, le sianginn chung vialte ah tidil he ti laknak system an hman. Tiva hlun cu khuapi thlichia ti laknak ah aa tel ve, cu nih cun nga pawl kha an i ṭhial khawhnak a pehzulh hna.

Mr. Greenaway nih hi project hi ram hruaimi suaisamnak nih nunphung he zeitindah aa pehtlaih timi zohchunh awk tha taktak a si tiah a ti.

“Nunphung phunglam kha a nunter. Hlan ahcun, Indigenous nunphung cu hlanlio thil pakhatkhat in hmuh a si tawn. Asinain hi suaisam nih hin hi ram he pehtlaihnak kum 67,000 chung kan pehzulh ti a langhter.”

Prof. Martin nih pehtlaihnak ser, asiloah "pehtlaihnak," cu ramchungmi hruaimi suaisamnak ah a biapi tukmi a si tiah a ti. Mah cu hmun le a minung hna he thukpi in pehtlaihnak tuah tinak a si. Nunphung phunglam hna cu zohfel dingmi rian lawng ah ruah awk a si lo—annih nih pehzulh tein i telnak an herh.

Mr Greenaway says the design brought Indigenous cultural continuity to the forefront.

Where Eels Lie Down by Kamilaroi artist Reko Rennie is one of the features referencing Country in Parramatta Square.

“Pehtlaihnak cu hmun pakhat le a thlarau he kan i pehtlaihnak hngalhthiamnak kong a si. Thukpi in ngaih cu a biapimi phunglam a si, cun caan khiahmi leng tiang a kal. Hlathlainak, suaisamnak, asiloah innsaknak a si zongah pehtlaihnak cu project nunchung leng tiang a hmun awk a si. Designer, cozah bu, le riantuantu hna nih minung le vawlei he pehtlaihnak fek an ser a hau.”

Monash University ah saya upa Desiree Hernandez Ibinarriaga nih a cohlan. Amah cu Mayan, Aztec, le Basque miphun a si. PhD hlathlainak a tuah lio ah, Australia le Mexico ram i a ummi rammi ngaknu hna he, cun rammi a si lomi saya/mah hna he, First Nations hngalhnak a sunsakmi le nunphung phunphun a upatmi suaisamnak lamthluan sernak caah rian a ttuan.

Amah nih a fianter ning ahcun, “Nunphung hngalh khawhnak cu ramchung mi hna ruahnak ah a biapi bikmi a si. Vawlei kan hmuhning a sersiam.”

Dr. Ibinarriaga caah cun, pehtlaihnak ser cu project pakhat na thawk hlanah na tuahmi thil pakhat lawng a si lo—project a phichuak pakhat a si. Ram Victoria ah Indigenous mino hna he biocultural cawnnak a tuah hlanah, zumhnak ser awkah an umnak sianginn ah thla tampi a um. Cawnnak nih siangngakchia pawl kha an nunphung sining he ram, asiloah "Ram" he pehtlaihter in pehtlaihnak a bawmh hna.

“Ramchungmi phunglam ah, Ram pawngkam ah zeizong vialte kan chiah—kan umnak vawlei, van le ti. Keimah nih *Tonantsintlalli* tiah ka auh, cucu ka pupa hna Nahuatl holh in Vawlei Nu tinak a si. Cun pehtlaihnak kong zong a si, asiloah taksa le thlarau he kan ngeihmi pehtlaihnak kong zong a si.”

Country-led design reasserts the primacy of the place where an infrastructure project is situated. The Waratah flower, found across southeastern Australia is the protagonist of a Dreamtime story explaining its red colour. Here, a Waratah flower light installation during Vivid Light 2017 in Sydney. Credit: Manfred Gottschalk/Getty Images

Cozah Architect NSW ah Design Excellence Director a simi Olivia Hyde le Yugambeh pa le architect hruaitu Dillon Kombumerri zong nih hi ruahnak hi an rak ṭuan ve. Ram le zatlangbu caah thathnemnak a chuahpi khomi project suaisamnak caah lamhruaitu *Ram he pehtlaihnak phunglam* kha an ser tti. Mah ah tilian le meikang tibantuk thilnung thil cangmi hna nih an chuahpimi hnahnawhnak zorternak caah a hmunmi lam in vawlei le ti hmannak aa tel.

Kum nga chung sernak ah a raumi phunglam cu Parramatta Square bantuk a um cangmi project hna cungah a dir. Ram hruaimi lamthluan nih zeitindah a ttha deuhmi lei ah suaisamnak a ser khawh ti kha a langhter.

Ms. Hyde nih Parramatta Square cu *Ram he pehtlaihnak phunglam* ttha tein hmannak ah zohchunh awk tha taktak a si ti a fianter.

“Project phu pawl cu a hramthawk tein Dharug nunphung hngalhnak a ngeimi hna he naihniam tein rian an ttuan. Mah nih hin square timhtuahnak le suaisamnak lio ah zatlangbu he pehtlaihnak fek a ser.”

Prof. Martin nih a langhter mi cu project tampi nih hi lam hi an zulh lo i cu nakin hmelchunhnak lam an zulh.

“Ka hnulei sining cu hmuh khawhmi zuksuai le sersiam khawhnak tuahsernak ah a si. A donghnak bik caan ah project ah an ka luhpi tawn, cucaah ramchungmi pakhat aa tel tiah an ti khawh. Cuti a si tikah, suaisam nih ramchung hngalhnak le ram he pehtlaihnak a langhter taktak lo. Ram le nunphung he aa pehtlaimi a si lo tiah a ruah.”

Parramatta Square ah, designer pawl nih hmunhma tuanbia le a nungmi nunphung tuahsernak hna kha hmuh khawh dingin rian an ttuan, tiah Ms. Hyde nih a chim.

A biapi bikmi thilri hna ah hin Indigenous zuk suaimi, Dharug pumhnak bu, le kum thong tampi a liam cangmi hmun ah pumhnak tuanbia tehte a langhtermi lam cung thilri hna an i tel.

“A dihlak in fonh tikah, hi hmun tuanbia sau le nunphung biapitnak tuanbia kha Aboriginal mi hna caah a chim. Asinain nunphung cu a nung i nihin tiang a pehzulh ti zong a langhter. Mah suaisamnak nih hi phunglam hna hi a nunter, a lawmhpi hna, cun mi vialte nih an hmuh khawh nakhnga a bawmh hna—cu lioah tuahsernak cheukhat cu phu pakhatkhat caah lawng a si tikah upatnak a pek hna.”

Subscribe or follow the Australia Explained podcast for more valuable information and tips about settling into your new life in Australia.   

Do you have any questions or topic ideas? Send us an email to

[email protected]