Në ye mɛn ke cuɛtë bääny de US në runë 2024 atɔ̈ ke thiɔ̈k kenë wël juïc cë kek yök në ye mɛn atɔ̈ ke cë kek yök në aliiric.
Ku yeŋö ye wël cie yith, ku ye kɔc ëke luui kek yök yedi?
"Wël cie yith aye keek lueel ke ye: wël cie yith cï keek tɛkpiny në raan dɛ̈t wenë këdɛ̈t, cït mɛn de akutnhom, ke cikkë nyic lɔn ye kek lueth," acï raan nyic käke wël ke aliiric cɔl Timothy Graham lueel.
"Wël cie yith aalë bïk ya kä thöŋ . . . ku raan wenë akutnhom ye kek tɛkpiny aye nyic lɔnadɛ̈ ke ye lueth."
Acï A/Prof Graham luel lɔn ye wël cie yith lëu bïk kek ya tɛkpiny agokë "käpath ya yök".
Ku yök wël cie yith në aliiric ee kë ril yic, ëya dɛ̈t të cïnë yith nyaai në kë tɔ̈ thïn.
"Kë thööŋë yic . . . ee yen nyuɔɔth ke ye yök në ɣän kɔ̈k yiic ku ka lëu bï ya tɛkpiny ke ye lueth, ka lëu bï ya waaric ke cïï piεth," acï bɛ̈n lueel.
Tɛ̈ benë wël cie yith thɔ̈ɔ̈r në aliiric acie kë piɛth lëu bë loi, ku A/Prof Graham ee jam ye nɔŋ kä lëu buk ke looi në kööl thok ebɛ̈n.
"Thiëc rɔt: ye kën kör ba rɔm? Ka lëu bï ya raan lëu bï naŋ kë cïï-kë dït ë nhom tɔ̈ në ke kɔ̈ɔ̈th."
"Ku: yeŋö yenë jɔ̈kde? Ye të yïndë yen bɔ̈ thïn?" A/Pröf Grähäm acï luel.
"Ee gɔl në mɛ̈ɛ̈t ku ye dhöl de luɔi kënë. Yïn acïï lëu ba këdɛ̈ŋ looi ë yic të cenë kɔc juïc yök bïk cath në tök, ku yekë jam në gɛ̈ɛ̈r de ciɛɛŋ."
"Thëm ba ciɛɛŋ waar ee kë thiekic apɛi."
Yen ajuɛrë SBS Examines ee jam në akököl ku luɛɛl de wël cë kek lueel ke ye ‘wël cë kek thɔ̈ɔ̈ŋ’’, ku thööŋë dhöl benë wuɔk kuɔny në gël de wël cë kek yök në aliiric.
