Ɣok ɣa pɛn puöc bɛ̈n bei ku thuëc kurada aci ye nyin juäk ago jɔk taa waar ci ɣok kɔc thuëc kura baɛketball yuöp thok wei ku wänku keek thook waar buk la thuëc FIBA waar yen thue Philipine ruun waar.
Thuëc këne aci ɣok puöl buk ya akut töŋ thuëc basketball wuöt Africa yiic eben buk bɛn thuëc Olympic yen thuëc kënë yic aci ɣokkc ɔl apiŋ pinynhom eben ku thuëcdan akolläär cïï ɣok thuëc kek America bïk puut bei ɣok thok ke diëlku tiɛ̈m ee tɛ thiin nyɔ̈t pɛth yen puöthkek thin ŋuöt ka cuk tiääm.
"Thuëcda kek Puerte Rico aya tïŋ kek buk tiääm ku kek tuukda ke America yen bi yïc riɛ̈l apɛi erin bi kek jal lɔ bɛ̈n ke ci rot gïïr. Na cuk kek pɛ̈l bïk tɛ cïk guïk thuëcde tiɛ̈ŋ tɛ wicke yen ka leuku buk keek tiääm ku thuɛ̈ɛ̈cda kek Serbia tiŋ ke buk erin Serbia aci ɣok käŋ tiääm waar ku aŋicku tɛ ril kek thin ku acuk bi bɛn puöl bik ɣok bɛn tiäm thuec bibɛn kenë yic". Aci Coach Mayar Chagai kuanyic.
