Key Points
- Ofisol Sitisensip test risos buk hemi kavremap ol topik weh yu mas save bifo yu tekem test
- Test ia i stap long inglis, so yu mas save lanwis ia.
- Fulap lokol komuniti Okonisesen oli stap kivim aot ol preperesen klas moo l risos weh I save help blong preperem ol migrant blong redi blong tekem Sitisensip test
Ostrelea hemi wan kantri weh i karem tugeta planteh man mo woman blong planteh difren ples. Hemi stap olsem wan long olgeta kantri long wol weh i karem tugeta klosap long seven million migrant hemia sins 1945 i kam kasem tede.
I gat fulap rod blong folem blong wan man o woman i save kasem Ostrelean sitisensip. Beh yu mas mitim ol spesifik kriteria ia bifo yu aplae. ‘conferral’ mo ‘descent’ hemi tufala proses weh planteh oli usum blong save karem Ostrelean sitisensip.
Migration lawyer Eva Abdel-Messiah [[Abd-ul Ma-SS-iah]] hemi helpem fulap man mo woman finis blong karem Ostrelean sitisensip.
Hemi seh, impoten samthing blo mitim kriteria ia hemi yu mas mitim residensei rikwaemen.
Wan long ol rikwaemen ia hemi, yu mas stap long Ostrelea blong 4 yia o mo. Mo yu no mas aot long Ostrelea long period blong 4 yia ia blong ova long 12 manis period.
Las yia blong yu, yu mas gat permanent residensi, hemi no mas temporari residensi mo yu no mas stap aotsaet long Ostrelea ova long 90 dei long period blong las 12 manis ia.Eva Abdel-Messiah
Even sapos yu mitim residensi rikwaemen ia, ol apliken blong Ostrelean sitisensip oli mas gat ova long 18 yia mo oli mas demonstratem seh oli gat gudfala character mo fasin weh showem seh oli folem oltaem ol rul mo stret fasin blong Ostrelean sosaeti.
wetem tu:
- Plan blong stap or konek wetem Ostrelea even sapos oli stap oversea.
- Oli gat sam save mo undastanem mo toktok long inglis lanwis
- Oli gat save abaotem Ostrelea, mo wanem meaning blong kam wan Ostrelean sitisen. Blong save hemia, bae ol apliken bambae oli mas tekem wan test.
"Sapos oli ol bigman mo woman, hemia long agre grup blong 18 ko kasem 59, oli mas sowem seh oli gat sam save long inglis lanwis mo bambae oli mas mekem wan interviu mo sitdaon long wan sitisensip test.." Ms Abdel-Messiah hemi talem.
Kevin Andrews, Minista blong Immikresen mo Sitisensip, i holem kopi blong Ostrelean Sitisensip Test buklet long Melbourne, Monday, Oct. 1, 2007. (AAP Image/Andrew Brownbill) Source: AAP / ANDREW BROWNBILL/AAPIMAGE
