پچھلے ہفتے کے آخر میں آسٹریلین ڈالر چھ ماہ کی سب سے اونچی سطح پر پہنچ گیا جس کا مطلب کچھ مسافروں کے لئے خوشخبری ہوسکتی ہے، مگر یہ اس پر منحصر ہے کہ آپ کہاں جا رہے ہیں۔
آسٹریلیا میں کموڈیٹی پرائیز بڑھنے کا باعث جنوری کے اوائل کے بعد پہلی بار آسٹریلین ڈالر کی قدر 67 امریکی سینٹ سے اوپر پہنچ گئی ہے۔
ایچ ایل ایم انویسٹمنٹس ایکویٹیز کے مشیر ہیتھ ماس نے ایس بی ایس نیوز کو بتایا کہ خلاف آسٹریلیائی ڈالر کے اضافے کے پیچھے دو دیگر عوامل ہیں۔
“اس ہفتے امریکی ڈالر واقعی کمزور رہا ہے، ہم نے دیکھا ہے کہ اس کا تعلق کمزور امریکی میکروڈیٹا ہے اور شاید امریکہ میں شرح سود میں مزید کمی کی توقعات کو بھی مدنظر رکھا جارہا ہے۔
“جبکہ یہاں آسٹریلیا میں صورتحال اس کے بالکل برعکس ہے - ہمارے پاس گذشتہ ہفتے یہاں افراط زر کے مضبوط اعداد و شمار موجود تھے لہذا اس سال شرح سود میں کمی کی توقعات ختم ہو رہی ہیں اور شائید اب شرح سود میں کٹوتی 2025 سے پہلے نہ ہو۔
آسٹریلیائی بیورو آف شماریات کے 26 جون کو جاری کردہ اعداد و شمار کے مطابق، مئی کے 12 ماہ میں، افراط زر میں 4 فیصد اضافہ ہوا۔
اپریل کے بعد سے یہ 0.4 فیصد اضافہ تھا، جب افراط زر 3.6 فیصد پر آئی، جو ماہرین معاشیات کی پیش گوئی سے تھوڑا زیادہ ہے۔
جمعہ کے روز، آسٹریلین ڈالر، کی قدر یورو، چینی یوآن اور نیوزی لینڈ ڈالر کے مقابلے میں ایک سال کی سب سے اونچی سطح پر پہنچ گئی۔
ونی سائکامور نے ایس بی ایس نیوز کو بتایا کہ یورو کی گراوٹ کی ایک وجہ فرانس کے انتخابات ہیں۔
“زیادہ وسیع پیمانے پر، یورپی معیشت میں افراط زر میں کمی دیکھی گئی ہے، جس کا مطلب ہے کہ یورپی مرکزی بینک سود کی شرحوں میں کمی کرنے والے پہلے لوگوں میں سے ایک رہا ہے، جبکہ یہاں آسٹریلیا میں ہم ابھی بھی سود کی شرح میں اضافے کے بارے میں بات کر رہے ہیں۔
“لہذا یورپ جانا سیاحوں کے لئے پرُ کشش لگ رہا ہے اور مجھے لگتا ہے کہ ہم اسے اپنے تمام سوشل میڈیا فیڈز پر دیکھ رہے ہیں۔”
انہوں نے کہا کہ آسٹریلین ڈالر امریکی ڈالر کے مقابلے میں بڑھ رہا ہے اس کا مطلب ہے کہ امریکہ جانے والے سیاحوں کے لئے سفر سستا ہوگا، لیکن پھر بھی آسٹریلین ڈالر 70 سینٹ کے تاریخی کمی سے اب بھی کم ہے۔
کامور نے کہا کہ اگرچہ آسٹریلین ڈالر نیوزی لینڈ کے ڈالر کے مقابلے میں مضبوط ہے، لیکن اب بھی یہ سفر کرنے کے لئے ایک مہنگی جگہ ہے لہذا چھوٹی کرنسی کی تبدیلیوں سے آسٹریلیائی مسافروں کے لئے زیادہ فرق نہیں پڑے گا۔
جاپانی معیشت کمزور ہونے کی وجہ سے آسٹریلیائی ڈالر حال ہی میں جاپانی ین کے مقابلے میں 30 سال کی اعلی سطح پر پہنچ گیا، اور بہت سے آسٹریلیائی مسافروں نے پہلے ہی احساس کیا ہے کہ وہاں سفر کرنے کا یہ اچھا وقت رہا ہے۔
جاپان نیشنل ٹورزم آرگنائزیشن کے اعداد و شمار کے مطابق، 2024 کی پہلی سہ ماہی میں جاپان کا دورہ کرنے والے آسٹریلین باشندوں کی تعداد میں 2019 کے اسی مدت کے مقابلے میں 46.3 فیصد اضافہ ہوا۔
سائکامور نے خبردار کیا کہ آسٹریلین ڈالر برطانوی پاؤنڈ کے مقابلے میں ابھی بھی کمزور ہے، کیونکہ پاؤنڈ سال کی سب سے مضبوط کارکردگی والی کرنسی رہی ہے اور آسٹریلین ڈالر دوسری مضبوط کرنسی ہونے کے باوجود پونڈ کا مقابلہ نہیں کر سکا ہے۔
