حال ہی میں پارلیمنٹ میں ایک پیٹیشن دائر کی گئی تھی جس میں عارضی مائگرنٹس کو مستقل ریزیڈینسی اور ویزا میں توسیع کی درخواست تھی۔ اِن مائگرنٹس میں بینالاقوامی طلبا، اسکلڈ ورکر اور گریجوٹس شامل تھے۔
جواب میں وزیرِ امیگریشن الیکس ہاک کا کہنا ہے کہ اس وقت حکومت کا موجود ٹیمپوریری گریجوئٹ ویز سیٹنگ میں تبدیلی کا کوئی ارادہ نہیں۔
ویزا سب کلاس فور ایٹ فائو اُن بینالاقوامی طلبا کے لئے ہے جنہوں نے آسٹریلیا میں دو سال کی تعلیم مکمل کرلی ہے۔ یہ ویزا اٹھارہ مہینے سے لے کر چار سال تک صورتحال کے لحاظ سے دیا جاتا ہے اور اس ویزا کے ذریعے گریجویٹس آسٹریلیا میں عارضی طور پر رہ سکتے ہیں، کام کرسکتے ہیں یا مزید تعلیم بھی حاصل کرسکتے ہیں۔
پچھلے سال ستمبر میں وفاقی حکومت نے کووڈ۔۱۹ کی وجہ سے بیرونِ ملک میں پھنسے گریجوئٹس کو ٹیمپوری گریجوئٹ ویزا درخواست دین کا کہا جس میں مزید سہولتیں فراہم کی گئیں لیکن پہلے ہی سے اس عارضی موجود افراد کو کوئی سہولت نہیں دی گئی۔
Temporary graduate visa holders stuck outside Australia seek visa extensions. Source: Getty Images
انڈیا سے تعلق رکھنے والے کرن ریڈی جنہوں نے یہ پیٹیشن دائر کی تھی کا کہنا ہے کہ پیٹیشن کے جواب سے یہ سمجھ نہیں آرہا کہ ان کا مستقبل کیا ہوگا۔
’مجھے ابھی نہین پتہ کہ میں اور کیا کرسکتا ہوں۔ بینالاقوامی بارڈر کھلنے کی نہ تو کوئی تاریخ دی گئی ہے نا ہی کوئی عندیہ دیا گیا ہے کہ عارضی ویزا ہولڈرز کو کب آسٹریلیا آنے کی اجازت ہوگی۔
’اگر ویزا میں توسیع نہ کی گئی تو یہ ہمارے لیے بہت نقصان دہ ہوگا۔ ہم نے آسٹریلین یونیورسٹی ڈگری حاصل کرنے کے لئے بہت پیسے خرچ کئے ہیں اور اب انتظار میں ہمارے ویزا ختم ہورہے ہیں۔‘
Kiran Reddy Source: Supplied by Mr Reddy
اس کے علاوہ اس مسئلے کو لے کر کئی اور پیٹیشن بھی جمع کرائی جاچکی ہیں۔ ستمبر دو ہزار بیس میں تقریباً پندرہ ہزار افراد نے عارضی ویزا ہولڈرز کے لئے پیٹیشن جمع کرائی تاکہ آف شور افراد کے ویزا میں توسیع کی جاسکے۔
اس پیٹیشن کے جواب مین کسٹم اور ملٹیکلچرل افئیرز کے وزیر جیسن وڈ نے لکھا کہ یہ ویزا ان طلبا کے لئے ہے جنہوں نے آسٹریلیا میں تعلیم حاصل کرنے کے لئے ایک طویل وقت گزارا ہے اور انھیں یہاں پر رہنے، کام کرنے اور مزید پڑھنے کا وقت دیا جائے۔
یہاں پر یہ وضاحت ضرور ہے کہ اس ویزا پر یا اس کے ذریعے مستقل سکونت نہیں ملتی۔
Madhur Bhalla (L) with his younger brother Dennis Bhalla (R). Source: Supplied by Mr Bhalla
- اردو میں خبروں اور معلومات کے لئے کے مرکزی صفحے کو بُک مارک کیجئے یا اسے اپنا ہوم پیج بنائے۔
- کو سرچ کرکے انسٹال کیجئے SBS Radio ہماری موبائیل ایپ
- اردو پروگرام ہر بدھ اور اتوار کو شام 6 بجے (آسٹریلین شرقی ٹائیم) پر نشر کیا جاتا ہے
