མཛད་སྒོ་སྐབས་ཨོ་སི་ཊོ་ལི་ཡ་ས་གནས་མདོ་ཁམས་ཆུ་བཞི་སྒང་དྲུག་གི་སྐབས་དང་པོའི་རྒྱུན་ལས་རྣམས་ཀྱིས་ལས་དོན་ངོ་སྤྲོད་དང་། ཨོ་གླིང་ས་གནས་སུ་མདོ་ཁམས་ཆུ་བཞི་སྒང་དྲུག་ཡན་ལག་ཚོགས་པ་ཞིག་བཙུགས་དགོས་པའི་དམིགས་ཡུལ་དང་བརྒྱུད་རིམ་ངོ་སྤྲོད་བཅས་གནང་བ་དང་། ཉིན་དེར་མདོ་ཁམས་ཕྱོགས་ཀྱི་ཡུལ་ལུང་སོ་སོའི་ཆས་གོས་ངོ་སྤྲོད་དང་། གཞས་དང་ཞབས་བྲོ་འཁྲབ་པ་སོགས་མཛད་སྒོ་ཟབ་རྒྱས་འཚོགས་ཡོད་པ་རེད། མཛད་སྒོ་སྐབས་སིཌ་ནིང་ཁུལ་དུ་ཡོད་པའི་ཁྱོན་བོད་མི་ ༣༥༠ ཙམ་འདུ་འཛོམས་གནང་འདུག
གཞན་ཡང་དེ་ཉིན་ཨོ་གླིང་ས་གནས་མདོ་ཁམས་ཆུ་བཞི་སྒང་དྲུག་གི་སྐབས་གཉིས་པའི་རྒྱུན་ལས་འོས་འདེམས་གནང་ཡོད་པ་རེད། ཐེངས་འདིར་རྒྱུན་ལས་ནང་སིཌ་ནིང་ཁུལ་དུ་རྒྱུན་ལས་མི་གྲངས་ ༩ དང་། མེལ་བྷོན་ཁུལ་ནས་རྒྱུན་ལས་མི་གྲངས་ ༢ བཅས་ཁྱོན་སྐབས་གཉིས་པའི་རྒྱུན་ལས་མི་གྲངས་ ༡༡ ཆགས་ཀྱི་ཡོད་པ་རེད།
སྐབས་གཉིས་པའི་རྒྱུན་ལས་ནང་།
ཚོགས་གཙོ། འཇིགས་མེད་རྡོ་རྗེ།
ཚོགས་གཞོན། སྡེ་དགེ་ཀརྨ་དང་རྡོ་རྗེ་རིན་ཆེན།
དྲུང་ཆེ། བཀྲིས་དབང་འདུས།
རིག་གཞུང་འགན་འཛིན། རིག་འཛིན་བསྟན་དགའ།
དྲིལ་བསྒྲགས་འགན་འཛིན། བརྩོན་འགྲུས་འོད་ཟེར།
རྩིས་པ། རིག་འཛིན་ཀརྨ།
གཉེར་པ། མཁས་གྲུབ་རྒྱ་མཚོ་དང་བུ་བཀྲ་ཤིས།
མེལ་བྷོན་ནས་བྱམས་པ་ཆོས་གྲགས་དང་བཀྲིས་རྣམ་དག་ཕྱོགས་བཞུགས་རྒྱུན་ལས་བཅས་ལ་བསྐོ་བཞགས་བྱུང་ཡོད་འདུག
