Australianu sira hasoru bailoron ida ne'ebé maka halo rekorde. Fatin balu sei manas liu duké fatin seluk.

Iha tinan 2020, Penrith (Sydney Osidentál) sai fatin ida ne'ebé manas liu iha mundu ho loron ida ho grau 48.9. Enkuantu rejiaun ne'e prepara ba nia bailoron ne'ebé manas liu, ema balun kestiona oinsá maka manas ne'e hamosu liután dezigualdade sosiál.

Climate Change, Global Warming, Global Boiling from the Climate Crisis and the Catastrophic Heatwave, the Sun, and the Burning Heatwave Hot Sun

Falta fatin espasu verde no infraestrutura ne'ebé aumenta iha parte Sydney Osidentál, kontribui ba efeitu 'rai manas' ne'ebe maka sunu iha area ne'e iha tempu bailoron. Source: Moment RF / chuchart duangdaw/Getty Images

Sydney Osidental rejista temperatura sira ho grau 41 Celsius iha loron-tersa ne'e, marka loron manas liu iha rejiaun dezde Dezembru 2023.

"Ida-ne'e ridíkulu," dehan ema lokál ida hosi Penrith.

"Tinan-tinan manas liután, ha'u sente hanesan ha'u iha loro-matan nia oin."

Rai manas ida ne'e hamosu fali diskusaun kona-ba dezigualdade klimátika sidade nian.

"Tanba [Sydney nia] prosimidade ne'ebe besik ba tasi no bee-matan sira, iha parte leste sidade nian, hetan benefísiu hosi anin tasi nian," klimatólogu urbanu Dr. Negin Nazarian hatete ba SBS Examines

"Temperatura iha área sira-ne'e ki'ik liu duké Sydney Osidentál."

As Australian summers get hotter, there's another element far more 'difficult to predict'

Nia fiar katak dezenvolvimentu urbanu ne'ebé signifikativu no aumentu maka'as mos numeru populasaun, tanba ema barak muda ba oeste hodi hetan moris ne'ebé baratu liu, kontribui ba klima manas ne'e.

Sientista klimátika no peritu adaptasaun ba mudansa klimátika, Profesór Nigel Tapper hatete ba SBS Examines katak área sira ne'ebé manas liu iha sidade sira normalmente populadu hosi "sira ne'ebé vulneravel liu".

Nia hatete katak área sira-ne'e "la iha" vejetasaun no espasu verde sira ne'ebé signifika katak manas metin iha rai-lolon loron no kalan.

LISTEN TO

Kustu moris nian afeta koezaun sosiál?

SBS English

26/08/202404:58

Ho anin tasi nian ne'ebe sira la hetan hanesan komunidade sira ne'ebe hela iha Leste, estraga liu tan sira nia problema hodi prevene rejiaun ne'e atu sai malirin.

Dr Lai Heng Foong, médiku emerjénsia seniór ida iha Ospitál Bankstown, fiar katak dezeñu urbanu Western Sydney nian la apropriadu ba rejiaun ida ne'ebé manas tebes.

Nia hatete "Sudoeste Sydney nian hetan afetadu maka'as tebes hosi manas kompara ho area tasi-ibun sira seluk".

“Uma sira besik malu tebes no laiha ai-horis barak. Konserteza laiha tipu mitigasaun [manas] ne'ebé maka konsidera bainhira harii uma sira-ne'e ho kakuluk metan.

Heatwave warning: Millions sweating through one of the hottest December days in years

Saida maka 'illa manas'?

Dezeñu urbanu ida-ne'e hamosu saida maka koñesidu hanesan efeitu 'illa manas'.

Tuir Peter Crank husi Universidade Waterloo, illa manas ida kauza husi falta superfísie naturál sira.

Nia hatete "Saida maka kauza ida-ne'e fundamentalmente maka ita troka superfísie naturál sira ho buat sira hanesan asfaltu no beton, vidru no metal, ne'ebé maka kaer manas no hasai manas ho nivel ne'ebé diferente ho superfísie naturál sira,".

'Uniquely vulnerable' Australia faces tough battle to avert climate crisis

Entaun rezultadu maka, rezidente sira Sydney Osidentál nian husik hela hodi aguenta temperatura manas ne'ebé aumenta beibeik iha tinan hirak ikus ne'e.

Enkuantu temperatura sira kontinua sa'e bebeik, Dr. Foong preokupa kona-ba oinsá atu rezolve tempu manas/bailoron iha Western Sydney.

Ita labele kontinua negósiu/atividade hanesan baibain. Presiza hanoin filafali.

“Buat boot liu ne'ebé presiza atu muda maka foku ida ba komunidade sira, tanba komunidade maka sei hetan susar," nia hatete.

"Ho edukasaun komunitária ne'ebe mak aumenta liután, ema sei komprende katak ida-ne'e maka problema ida ne'ebé iha kapasidade ne'ebe bele hamate ema no halo ema moras tebes."

LISTEN TO