Setor komersiu no investementu sai hanesan topiku importante iha sorumutu bilateral Timor-Leste no Australia

Sorumutu bilateral entre Sua Excelensia Premeiru Ministru Timor-Leste, Kay Rala Xanana Gusmao ho nia parseiro nasaun visinho, Premeiru Ministru Australia, Anthony Albanese.

Premeiru Ministru Timor-Leste ho Premeiru Ministru Australia halao sorumutu bilateral

Sorumutu Espesial ASEAN - Australia 2024. Sua Exelensia Kay Rala Xanana Gusmao, Primeiru Ministru Republika Demokratika Timor-Leste hala'o sorumutu Bilateral ho Premeiru Ministru Australia, Antony Albanese, iha iha Simeira Espesial ASEAN-Australia nian 2024 iha Melbourne, tersa-feira, 05 Marsu 2024. Fotografia husi Leigh Henningham/ASEAN. Credit: Leigh Henningham

Iha dia 5 de Marsu 2024, Primeiru Ministru Albanese no Primeiru Ministru Gusmao hala'o diskusaun importante kona-ba relasaun bilaterál nasaun rua nian. Lider rua ne'e foka liu ba oportunidade atu hametin parseria, liu- liu hare ba setor komérsiu no investimentu ne'ebé di'ak liu ba Timor-Leste. Liu husi sorumutu ne'e, Premeiru Ministru Albanese enfaze governu Australia nia suporta ba dezenvolvimentu sustentavel Timor-Leste nian.
Sorumutu Bilateral entre Premeiru Ministru Australia no Premeiru Ministru Timor-Leste
Sorumutu Espesial ASEAN - Australia 2024. Sua Exelensia Kay Rala Xanana Gusmao, Primeiru Ministru Republika Demokratika Timor-Leste hala'o sorumutu ho Primeiru Ministru Australia, iha sorumutuk bilaterál iha cimeira Espesial ASEAN-Australia nian 2024 iha Melbourne, tersa-feira, 05 Marsu 2024. Fotografia husi Leigh Henningham/ASEAN. Credit: Leigh Henningham
Primeiru-Ministru Albanese mos hatete nia governu sei suporta Timor-Leste nia adezaun ba ASEAN iha futuru liu husi apoiu Timor-Leste nia preparasaun ba servisu mapa dalan ba adezaun (roadmap preparation).

Primeiru-Ministru Albanese mos fo nia parabens Primeiru-Ministru Gusmao hafoin Timor-Leste foin lalais ne'e sai membru Organizasaun Mundial Komérsiu. Premeiru Ministru Alabanese hatete katak Australia sei kontinua fo apoiu ba Timor-Leste nu'udar membru foun.

Sorumutu Bilateral entre Premeiru Ministru Australia ho Premeiru Ministru Timor-Leste ne'ebe atende mos husi delegasaun nasaun rua nian.
Sorumutu Espesial ASEAN - Australia 2024. Sua Exelensia Kay Rala Xanana Gusmao, Primeiru Ministru Republika Demokratika Timor-Leste hala'o sorumutu ho Primeiru Ministru Australia, Anthony Albanese, iha sorumutuk bilaterál iha cimeira Espesial ASEAN-Australia nian 2024 iha Melbourne, tersa-feira, 05 Marsu 2024. Fotografia husi Leigh Henningham/ASEAN. Credit: Leigh Henningham
Iha sorumutu nivel alto ida ne'e hetan mos partisipasaun husi delegasun nasaun rua nian. Sorumutu ida ne'e taka ba jornalista sira tanba ne'e ami la hetan informasaun detalhu liu tan kona-ba diskusaun ka statementu ruma husi Sua Exelensia Premeiru Ministru Kay Rala Xanana Gusmao liga ba saida mak Premeiru Ministru Albanese hato'o iha leten.
Share
Published 6 March 2024 1:46pm
Updated 6 March 2024 2:04pm
By Cristina Freitas
Presented by Cristina Freitas
Source: SBS

Share this with family and friends