I le saunoaga a le tama'ita'i lauiloa i ata tifaga, Meryl Streep, i se fonotaga a malo 'aufaatasi i le tulaga o tina ma tama'ita'i i Afghanistan talu ona toe faoa e le Taliban le faigamalo i lea atunu'u i le 2021, na ia ta'ua ai e sili atu ona tele sa'olotoga o pusi fafine nai lo tina ma tama'ita'i Afghanistan.
O le pulega a le Taliban o loo faavae i lo latou faauigaina o tala'iga Isalama, ma o se tala'iga o loo saisaitia ai aia tatau ma sa'olotoga o tina ma tama'ita'i.
O loo faasaina teine ma tama'ita'i mai le auai i a'oga poo Univesite i lalo o pulega a le Taliban.
E 20 tausaga o pulea i lalo o se vaegaau tuu faatasi na ta'ita'ia e Amerika le atunuu o Aghanistan, ae le'i mafaia ona toto ma ola ai se faigamalo temokarasi.
