Auala e fesoasoani ma tulei ai aia tatau a tagata muamua.

Young aboriginal students studying together outdoors in the sun in Australia. Credit: SolStock/Getty Images

SBS Samoan

View Podcast Series

Get the SBS Audio app

Other ways to listen

O le fesoasoani e tulei aia tatau a tagata muamua e mafai ona auala atu i le faatalanoaina o mata'upu e fitoitonu i tagata muamua. O nisi nei o vaega e mafai ona silasila iai e tulei ai aia tatau a tagata muamua i Ausetalia.

Key Points

Su'esu'e ma faitau i le tala faasolopito o tagata muamua i le atunu'u.
Silafia tagata muamua o loo tausi mea i le alaafaga o loo e aumau ai
E mafai e tagata fai mai ona fefaasoaa'i silafia ma tagata muamua i le atunu'u.

O le 'au'aufaatasi ma tagata muamua, e auala i le silafia ma finauina mata'upu ma lagolago i vaega o le soifuaga e taua i tagata muamua. E pei ona faaalia ele tama'ita'i Yorta Yorta, Dr Summer May Finlay.

Dr Summer May Finlay.

“O le iai o pa'aga e 'au'aufaatasi ma i matou, e faaleoina ai o matou lagona i mata'upu e aoga ma fitoitonu ia te i matou. E taua tele i taimi matou te vala'au ai mo ni suiga," na ia ta'ua.

E iai vaega e taua i tagata uma ona silafia.

Su'esu'e ma silafia

I soo se faiga pa'aga, e taua ona silafia lelei e le tasi le isi,” saunoa ai le tamaita'i Bundjalung ma le CEO o le

Reconciliation Australia,

Karen Mundine.

“E mafai ona amata i le fealoa'i ma le tulaga o loo iai i le taimi nei i le va o tagata muamua ma isi tagata i le atunu'u, ma malamalama i le tala faasolopito ma mea na tutupu i le va o tagata muamua ma isi i tausaga ua mavae."

E opogi ai le nonofo fealoa'i o tagata uma.

“E mafai ai e tagata uma ona feso'ota'i ma isi tagata ma le laufanua o loo tatou nonofo faatasi ai," na saunoa ai Ms Mundine.

CEO of Reconciliation Australia, Karen Mundine Credit: Reconciliation Australia Credit: Joseph Mayers/Joseph Mayers Photography

E taua i tagata e le o ni tagata muamua ona malamalama e auala i le faaaogaina o molimau faatuatuaina, e pei ona ta'ua e Dr Finlay.

“O se pa'aga o se tagata e fia malamalama ma su'esu'e i mata'upu i tagata muamua, ona o tagata muamua na o le 3 pasene o le aofa'i atoa o tagata i le atunu'u," na ia ta'ua.

Na faaalia e Karen Mundine o se tasi o auala aoga e malamalama ai se tagata i tagata muamua, o le talanoa ma su'esu'e i tagata muamua o loo tausi mea i 'ele'ele o le alaalafaga o loo e aumau ai, poo le pulega faaitumalo o lou pitonu'u.

Na faaalia e Dr Finlay e maua fo'i faamatalaga mai le Reconciliation Australia.

E tutusa tagata uma

O Luke Pearson e afua mai i tagata Gamilaraay ma na ia faavaeina le

Indigenous X

, o se itulau i le 'upega tafa'ilagi e faatalanoaina mata'upu i tagata muamua ma o latou manatu.

Founder of Indigenous X platform, Luke Pearson

“Ou te le taliaina le faa'upuga o se faiga pa'aga ma tagata muamua, ona e le tau mana'omia se faa'upuga e te faia ai se gaioiga poo se faiga e manuia ai tagata muamua.

“E le faia mo sou lagona faagae'etia ma vi'ia ae mo se manuia lautele o tagata muamua.”