د نن ورځې مهم خبرونه:
- د غزې په مرکزي سیمه کې پر یوه ښوونځي د اسرائیلو په برید کې لږ تر لږه ۱۷ کسان وژل شوي دي.
- د روسیې ولسمشر ولادیمیر پوتین د امریکا هغه ادعاوې ندي رد کړې چې ګواکې شمالي کوریا روسیې ته پوځیان استولي دي.
- په آسټرالیا کې د ۳جي (3G) خدمتونه بندېږي
- د ځوانانو د کرېکټ اسیا جام سیالیو په ترڅ کې د افغانستان او هند الف لوبډلې په نیمه پاېلوبه کې سره مخامخیږي.
د غزې په تړانګه کې د بې ځایه شویو فلسطینیانو پر یوه ښوونځي د اسراییلو په برید کې لږ تر لږه ۱۷ تنه وژل شوي دي
په وژل شویو کسانو کې ۱۳ ماشومان او ۳ ښځې شاملې دي.
اسراییلي ځواکونو د شواهد له وړاندې کولو پرته ویلي چې په ښوونځي کې یې د حماس وسله وال په نښه کړي دي.
د غزې د چارواکو په وینا پر غزې د اسراییلو په بریدونو کې شاوخوا ۴۳ زره کسان وژل شوي دي.
د اسراییلو د شمیرو له مخې، د اکټوبر په اوومه په جنوبي اسراییل کې د حماس تر مشرۍ لاندې برید کې ۱۲۰۰ کسان ووژل شول او ۲۵۰ نور وتښتول شول.
متحده ایالات وايي، داسې شواهد یې ترلاسه کړي چې شمالي کوریا رورسیې ته ۳۰۰۰ سرتیري استولي چې ممکن له هغه ځای څخه اوکراین ته د جګړې لپاره و استول شي.
مګر په ملګرو ملتونو کې د شمالي کوریا استازي دا تورونه په کلکه رد کړي او هغه یې "بې اساسه اوازې" بللي دي.
Russian President Vladimir Putin. Source: AAP, AP / Mikhail Tereshchenko
د آسټرالیا مخابراتي شبکو خپلو پېردونکو ته د 3G خدمتونو د بندیدو په اړه خبرداری ورکړی دی.
د ټېلسټرا (Telstra) او اپټس (Optus) شرکتونه په پام کې لري چې د 3G خدمتونه د اکټوبر په ۲۸مه بند کړي.
د ۳جي خدمتونو د بندېدو پروسه له تزمانیا څخه پیلېږي او د نومبر تر ۲۸ نېټې به په ټوله آسټرالیا کې دغه خدمتونه بند شي.
دا په داسې حال کې ده چې TPG او ووډافون (Vodafone) دغه خدمتونه لا دمخه بند کړي دي.
په آسټرالیا کې د ۴جي (4G) او ۵جي (5G) خدمتونو په پراخېدو سره مخابراتي شبکې د ۳جې خدمتونه بندوي.
LISTEN TO
د پښتو موسیقۍ یو وتلی هنرمند وايي، درې کاله وړاندې یې د آسټرالیا بشردوستانه ویزې ته غوښتنلیک سپارلی خو لا هم انتظار دی
SBS Pashto
16/10/202413:47
د اس بي اس پښتو خپرونه دلتهیا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له یا څخه ترلاسه کړئ.
