آسټرالیا د مختلفو کلتورونو د خلکو ګډ کور دی او هر کال په لسهاوو زره په شرایطو برابر کسان د دغه هېواد تابعیت ترلاسه کوي.
د آسټرالیا تابعیت ترلاسه کول په دې معنی چې تاسو د آسټرالیا ارزښتونو ته دوامداره ژمنتیا لرئ او په رسمي ډول د ټولنې غړیتوب ترلاسه کوئ.
لومړی ځل په ۱۹۴۹م کال کې ۲۴۹۳ کسانو ته د آسټرالیا تابعیت ورکړل شوی چې د نړۍ له ۳۵ مختلفو هېوادونو څخه آسټرالیا ته کډه شوي وه. له هغې وروسته دغه لړۍ دوام لري او هرکال په لسهاوو زره نوي کسان د آسټرالیا تابعیت ترلاسه کوي.
د آسټرالیا د تابعیت ګټې:
- د آسټرالیا د تابعیت له ترلاسه کولو وروسته تاسو کولای شئ د آسټرالیا پاسپورټ ترلاسه کړئ.
- له آسټرالیا څخه بهر د ژوند یا سفر پرمهال کولای شئ ۲۴ ساعته قونسلي خدمتونو ته لاسرسی ولرئ.
- په آسټرالیا کې دولتي وظیفه ترلاسه کړئ.
- ځان په ټاکنو کې نوماند کړئ یا هم د ټاکنو یوه نوماند ته رایه ورکړئ.
- که چېرې ستاسو ماشوم له آسټرالیا څخه بهر پیدا شي، نو ستاسو ماشوم هم کولای شي د آسټرالیا تابعیت ترلاسه کړي.
لا ډېر ولولئ
د آسټرالیا ښکلي ګلابي جهيلونه
مسئولیتونه:
- د آسټرالیا له قوانینو اطاعت
- د اړتیا پرمهال له آسټرالیا څخه دفاع
- په ټاکنو کې رایه اچونه
- په محکمې کې منصفه هیئت
زموږ خپرونه دلتهیا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له یا څخه ترلاسه کړئ.
