د دغې جرګې پرېکړه لیک تېره شپه د پښتون ژغورنې غورځنګ د مشر منظور پښتین لخوا د جرګې کډونوالو ته ولوستل شو. د جرګې په پرېکړه لیک کې د پاکستان له پوځ او طالبانو څخه غوښتنه شوې چې په دوو میاشتو کې د دوي له سیمو څخه ووځي.
د دې ترڅنګ په جرګې کې پر ډیورنډ کرښه له پاسپورټ او ویزې پرته د ازاد تګ راتګ غوښتنه شوې ده. ښاغلي پښتین ویلي که چېرې دغه غوښتنه یې و نه منل شي نو پر ډیورنډ کرښه به د ګمرک او پیسو راټولو دفترونو مخې ته پرلت وکړي.
د پښتنو په قامي جرګې کې د برښنا د بیو، د قومي او مذهبي اختلافاتو د حل، د بې ځایه شویو او زندانیانو د را خوشې کېدو په اړه هم پرېکړې شوي دي.
ښاغلي پښتین زیاته کړې چې د جرګې د پرېکړو د عملي کولو لپاره به شاوخوا ۲۴۰ زره پښتانه ځوانان کار وکړي.
د پاکستان حکومت تر دې دمه د جرګې پرېکړو ته کوم غبرګون ندی ښوولی.
LISTEN TO
په پاکستان کې د انټرنېټ د سرعت کموالي خلک له کومو ستونزو سره مخ کړي؟
SBS Pashto
18/09/202409:48
د آسټرالیا په اډېلېډ ښار کې یو شمېر افغانان د پښتنو له قومي جرګې (پښتون قامي عدالت) څخه خپل ملاتړ اعلان کړی او د دغې جرګې د بریا لپاره یې دعاوې کړې دي.
په اډېلېډ کې د افغانانو د ټولنې غړي، کریم الله همدرد اس بي اس پښتو ته ویلي چې په دغه غونډه کې د اډېلېد ښار مخورو مشرانو او یو شمېر ځوانانو کډون کړی و.
ښاغلي همدرد ویلي چې د پښتونخوا ولس له تېرو ۷ لسیزو راهیسې ډېرې قربانۍ ورکړي او د" پوښتنې یې څوک نشته".
هغه زیاته کړې: "د باچا خان له عدم تشدد څخه رانیولې تر اوسه پورې دې ولس خپل حق ندی ترلاسه کړی او قرباني ورکوي."
LISTEN TO
ولې په خېبرپښتونخوا کې د چین په مرسته د ۵۰ ښوونځیو د بیارغونې کار تر اوسه نه دی بشپړ شوی؟
SBS Pashto
08/09/202408:15
پښتون ژغورنې غورځنګ څېړنیز راپور ښيي چې په تېرو ۲۰ کلونو کې ۷۶۵۸۴ پښتانه په بمي چاودنو او هدفي وژنو کې وژل شوي او په همدې مودې کې ۵ میلیونه او ۷۰۰ زره کسان بې کور شوي او شاوخوا ۶۷۰۰ پښتانه لادرکه دي.
د دغه غورځنګ لخوا راټول شوي معلومات ښيي چې ترټولو زیات کسان په خیبر کې وژل شوي، په کوم ځای کې چې اوسمهال د پښتنو قومي جرګه روانه ده.
