د افغانستان د ۱۹ کلنو ځوانانو د کرېکټ ملي لوبډلې د متحده عربي اماراتو په کوربه توب د درې اړخیزې لوبلړۍ په پایلوبه کې د پاکستان لوبډلې ته د ۲۱ منډو په توپیر سره ماته ورکړه او د یادو سیالیو اتلولي یې خپله کړه.
افغان لوبډلې په ۵۰ اورونو کې د ۹ لوبغاړو په سوځېدو سره د پاکستان لپاره ۲۵۱ منډې هدف وټاکه، مګر د پاکستان لوبډله د دغه هدف په پوره کولو کې پاتې راغله او ټول لوبغاړي یې په ۲۲۹ منډو وسوځېدل.
په دغه لوبه کې د افغان لوبډلې په ګټه برکت الله ابراهیمزي ۷۹، نظیف الله امیري ۵۶ او فیصل خان ۴۱ منډې جوړې کړې.
LISTEN TO
شاهد افریدی وايي که چېرې فرصت برابر شي حاضر دی چې د افغانستان د کرېکټ ملي لوبډلې روزونکی شي
SBS Pashto
03/01/202401:41
د افغانستان، پاکستان او متحده عربي اماراتو د ۱۹ کلنو ځوانانو ترمنځ سیالۍ د نومبر په ۱۳مه نېټه په دوبۍ کې پیل شوې وې چې تېره ورځ د افغان ځوانانو په اتلولۍ سره پای ته ورسېدې.
د افغانستان کرېکټ بورډ وايي چې له دغو سیالیو وروسته به د افغان ځوانانو لوبډله د ۱۹ کلنو د اسیا جام سیالیو کې ګډون وکړي چې د روانې نومبر میاشتې په ۲۹مه نېټه په متحده عربي اماراتو کې پیلېږي.
LISTEN TO
فرهان زاخیل غواړي د آسټرالیا د کرېکټ په ملي لوبډله کې شامل شي
SBS Pashto
26/02/202407:20
د اس بي اس پښتو خپرونه دلتهیا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له یا څخه ترلاسه کړئ.
