रानाले एसबीएस नेपालीसंग गरेको कुराकानीको सारंश:
तपाईंका पुरुष समकक्षीहरु अहिले टि-२० विश्वकपको छनोट खेलहरुमा व्यस्त हुनुहुन्छ। तपाईं महिलाहरु भने केमा व्यस्त हुनुहुन्छ?
आजकाल महिला क्रिकेट प्रतियोगिताहरु नभएकाले हामी बेहाल भएर बसेका छौं। त्यसैले महिला क्रिकेटको भविष्य राम्रो छैन।
पछिल्ल्लो समयमा कतिवटा प्रतियोगिताहरु भए त?
गत दुईवर्षमा हामीले जम्मा-जम्मी चार वटा प्रतियोगिता खेल्ने अवसर पायौं।
अन्तराष्ट्रिय जगतमा राम्रै डेब्यु गरेको महिला क्रिकेटले हङकङ, चीन, थाईल्याण्ड जस्ता टिमहरुलाई सजिलै पराजित गर्थ्यो । तर अहिले नेपाली महिला टिम प्राय सुरुको चरणबाटै बाहिरिने गरेको छ। यसका कारण के हुन्?
सँधै घरबाट पैसा मागेर खेल्न सकिँदैन। धेरै खेलाडीहरु पलायन भएर अन्यत्रै लागिसके। महिला किक्रेटका लागि भनेर एउटा नियमित प्रशिक्षक पनि छुट्याइएको छैन। कुनै पनि प्रतियोगिता हुनु अघि एक दुई साता हतारमा तयारी गरेको भरमा उपाधि जित्न सकिँदैन नी।
हङकङ, चीन, थाईल्याण्ड जस्ता देशका खेलाडीले नियमित प्रशिक्षण पाइरहेका छन्। त्यसैले उनीहरुको स्तर बढ्दै गयो तर हामीकहाँ प्रतियोगिता र प्रशिक्षण दुवै नियमित हुँदैन। जसकारण, हाम्रो स्तर बढ्न सकेको पनि छैन।
रानासँगको हाम्रो पुरा कुराकानी सुन्न माथि रहेको मिडिया प्लेयरमा प्ले बटन थिच्नुहोस्
