अस्ट्रेलियाका नेपाली समक्ष पानीमा सुरक्षित रहन आग्रह

सन् २०१६ मा अस्ट्रेलियामा केहि नेपालीहरुको पानीमा डुबेर मृत्यु भए पछि आगामी दिनहरुमा यस प्रकारका घटनाहरु नदोहरिएको सुनिश्चित गर्न भन्दै सिड्नी स्थित युवाहरुको एक समुहले हालै एक स्थानीय सर्फ लाइफ सेभिंग क्लबसँग मिलि प्रशिक्षण कार्यक्रम आयोजना गरेको थियो। उक्त कार्यक्रममा अस्ट्रेलियाली बीचहरुमा सुरक्षित रहन नेपालीहरुले अपनाउन सक्ने उपायहरु बारे जानकारी प्रदान गरीएको थियो। भिजन फर मोटिभेशन द्वारा सिड्नीको टामारामा सर्फ लाइफ सेभिंग क्लबसँग मिलि आयोजना गरिएको यसप्रकारका प्रशिक्षणले यहाँ रहेका नेपालीहरुलाई आफु र आफन्तहरुलाई पनि सुरक्षित राख्न ठुलो सहयोग प्रदान गर्नेछ भन्छन भीएफएम का आभास मुडभरी। उनले उक्त विषयबारे एसबीएस नेपालीसँग गरेको कुराकानी।