फाईजर र मोर्डेनाले आफ्नो खोप उत्पादनमा प्रयोग गरेको एमआरएनए प्रविधि छिटो,सस्तो र सुरक्षित रूपमा उत्पादन गर्न सकिने बताइन्छ ।
यो रकमको प्रयोगले मेलबर्नमा एमआरएनए प्रविधिको विकासका लागि क्षमता स्थापना गर्न सकिने लक्ष्य राखिएको छ ।
उक्त रकमलाई दुई वर्षको अवधिमा विभिन्न विश्वविद्यालय र औषधि उत्पादक कम्पनीहरूको सहकार्यमा खर्च गरिने बताइन्छ ।
भर्खरै मात्र सङ्घीय सरकारले मुलुक भित्रै एमआरएनए प्रविधिको खोप निर्माणलाई प्राथमिकतामा राखेको छ ।
Victorian Sağlık Müsteşarı Officer Brett Sutton aşı olabileceklerin hemen randevu almasını istedi. Source: AAP
७० वर्ष माथिका मानिसहरूलाई खोप लगाउने उद्देश्यले उक्त तिन ठुला केन्द्र्को स्थापना गरिएका हुन् ।
द रोयर एक्सीभेसन बिल्डीङ, मेलर्वन कन्भेन्सन एन्ड एक्सिभेसन सेन्टर र जिलोङ स्थित यस अघि फोर्ड कम्पनीको फ्याक्ट्री रहेको स्थानमा उक्त खोप केन्द्र स्थापना गरिएका हुन् ।
पहिलो र दोस्रो चरणको खोप कार्यक्रम अन्तर्गत ७० वर्ष भन्दा माथिका नागरिकलाई बुकिङ वा बिना बुकिङ नै खोप दिइने बताइएको छ ।
उनीहरूका लागि एस्ट्रा जेनेका खोप पनि उपलब्ध हुनेछ ।
यद्यपि अस्पताल कर्मचारीहरूका हकमा भने ५० वर्ष भन्दा कम उमेरका लागि फाईजर खोप प्राथमिकतामा राखिएको छ ।
५० वर्ष भन्दा कमका हकमा भने भिक्टोरिया सरकारले एस्ट्रा जेनेकाको खोप पनि उपलब्ध हुने जनाएको छ ।
तर यसका लागि आवश्यक जोखिमका बारेमा जानकारी रहेको कागजातमा दस्तखत गराइनेछ ।
राज्यका मुख्य स्वास्थ्य अधिकारी ब्रेट सटनले रोयल एक्सीभेसन सेन्टरमा रहेको खोप केन्द्र्बाट एस्ट्र्रा जेनेकाको पहिलो खोप लिने बताइएको छ ।
“गम्भीर प्रतिकुल घटनाको खतरा बिरलै हुन्छ,त्यस कारण मैले आफ्नो खोप लिन गइरहेको छु,अहिलेका लागि उपलब्ध रहेको खोप नै सबैभन्दा राम्रो खोप हो ” उनले ट्विट मार्फत भने ।
राज्यले हप्ताको करिब १४ हजार फाईजर खोप प्राप्त गर्नेछ ।
सङ्घीय सरकार मार्फत केही समय भित्रै थप १० हजार खोप उपलब्ध हुने आशा गरिएको छ ।
सोमबार सम्मको अवधिमा भिक्टोरियामा १ लाख ६८ हजार मानिसले खोप लगाइसकेका छन् ।
