प्रमुख विषय
- हिन्दुहरूको चाड दशैको चहलपहल सुरु
- चाडबाडका बेला सुरक्षित रहन स्वास्थ्य अधिकारीहरूको सुझाव
- नेपाली व्यवसायीहरूको व्यापारमा वृद्धि
हिन्दुहरूको सबैभन्दा महत्त्वपूर्ण चाडका रूपमा रहेको दशैको आगमन भइसकेको छ ।
चार लाख भन्दा बढी हिन्दु धर्मावलम्बी रहेको अस्ट्रेलियाको यस वर्षको दसैँ भने अन्य वर्ष भन्दा अलिक फरक हुनेछ ।
यस्तै भनाई न्यू साउथ वेल्सका स्वास्थ्य अधिकारीहरूको छ,उनीहरूले यस वर्षको पर्वलाई पहिले भन्दा फरक ढङले मनाउन आग्रह गरेका छन् ।
आफ्नो र आफ्नो प्रियजनको सुरक्षामा ख्याल गदै कोभिडका स्वास्थ्य सल्लाहलाई अनुसरण गर्न अनुरोध गरिएको छ ।
यसै गरी राज्यका कोभिड सम्बन्धी प्रतिबन्धहरूको पूर्ण पालना गर्न र आफन्त वा नजिकका नातेदारहरुलाई भेट्न जाँदा आफू सङ्क्रमित नभएको स्पष्ट हुन पनि सङ्घीय स्वास्थ्य विभागले अनुरोध गरेको छ ।
एसबीएस नेपाली सँगको कुराकानीमा स्वास्थ्य विभागले ठुला जमघट वा भेलामा साझा चीजहरूको प्रयोग गर्दा ध्यान दिन पनि अनुरोध गरेको छ ।
यो पनि सुन्नुहोस्
कोरोनाभाइरसको समयमा अस्ट्रेलियामा यस पटकको दशैं कस्तो रहला?
新州政府促請近2萬名居住在雪梨西部和西北部的居民立即進行新冠病毒檢測 Source: AAP Image
दसैँ र तिहारमा सुरक्षित रहन स्वास्थ्य अधिकारीहरूले दिएको सुझाव
- न्यू साउथ वेल्स राज्यमा घर भित्र केवल २० जना मात्र भेला हुन पाइन्छ भने बाहिर भेला हुने सङ्ख्या ३० जना तोकिएको छ ।
- जतिसक्दो बाहिर र खुला ठाउँमा मनाउनुहोस् भिडभाडबाट टाढा रहनुहोस् ।
- आफू सँग नबस्ने वा नचिनेका मानिसहरू सँग अङालो हाल्ने वा चुम्बन गर्ने जस्ता कार्य नगर्नुहोस् ।
- आफ्नो हात नियमित रूपमा धुनुहोस् वा स्यानिटाइजरको प्रयोग गर्नुहोस् ।
- खानपान गर्दा एउटै भाँडाकुँडा प्रयोग नगर्नुहोस्
- मन्दिर वा अन्य भिडभाड हुने स्थानमा जाँदा मास्कको प्रयोग गर्नुहोस् सकभर १ दशमलव ५ मिटरको दुरी कायम गर्नुहोस ।
- कोभिड–१९ का कुनै पनि सङ्केत भए तुरुन्तै जाँच गराउनुहोस् ।
Image
कोभिडका बिच नेपालीको दसैँ
दसैँमा अधिकास अस्ट्रेलियाबासी नेपाली कोभिडका स्वास्थ्य सल्लाह अनुसरण गरेरै मनाउने तैयारीमा छन् । सामाजिक दुरी कायम गर्ने र सकभर भिडभाडमा नजाने प्रयास गर्ने एसबीएससँगको कुराकानीका क्रममा बताएका छन् ।
अलावा सुपर मार्केटमा कार्यरत मन्जील खड्का सँगै बस्ने परिवारका सदस्यहरू सँग टिका थाप्दा सामाजिक दुरीका ख्याल नगरे पनि बाहिर आफन्तकोमा टिका थाप्दा भने विशेष सतर्कता अपनाउन् बताउँछन् ।
उनी भन्छन् “आफ्नै सँग दसैँ मनाउँदा त रमाइलो पनि गर्नु पर्यो नि ”
काठमाडौँ बुचरीमा काम गर्ने सोनिया राई भने यसपटको दसैँमा पनि टिका नथापी बित्ने भएपछि निराश छिन् ।
Source: manjil khadka
लगातार ३ वर्ष देखि निधार खालि राखेकी सोनियाले यसपालि दसैँमा नेपाल जाने सोचेकी थिइन् तर कोभिड–१९ का कारण उनको योजना सफल हुन सकेन ।
Source: soniya rai
दसैँमा नेपाली व्यापार
न्यू साउथ वेल्सका नेपाली समुदायहरू बस्ने अधिकास सर्बवका नेपाली पसलहरूमा किनमेल गर्नेहरूको भिड बढेको छ ।
विशेष गरी मासु जन्य बस्तुको बिक्री निकै बढेको व्यापारीहरू बताउँछन् ।
हिसीला सुपर मार्केटमा म्यानेजरका रूपमा काम गरी रहेका सञ्जीव खड्गी भन्छन् पछिल्ला केही दिनमा व्यापारमा निकै बृद्धी भइरहेको छ ।
उनी भन्छन् “गत हप्ता देखि दोब्बर तेब्बर व्यापार बढेको छ,ग्राहकले पहिले जस्तो नै गरी दसैँ मनाइरहेका छन् जस्तो लाग्छ, कोभिड छ भनेर मानिसहरू घरमै बसेका छन् जस्तो मलाई लाग्दैन । ”
काठमाडौँ बुचरीमा कार्यरत सिर्जन कठ्यात पहिलाको दसैँ र यस पटकको दसैँमा खासै फरक नपरेको बताउँछन् ।
दसैँ नजिकिँदै गर्दा आफ्नो व्यापारमा पनि निकै वृद्धि भएको उनी बताउँछन् ।
उनी भन्छन् “कोरोनाले असर गर्छ कि भनेको त्यसो भएन, कोरोनाका बिच नि व्यापार सोचे जस्तै छ ।”
Source: sanjib karki
