ເຮັດແນວໃດຈຶ່ງຈະຈະເອົາພໍ່ແມ່ມາຢູ່ອອສເຕຼເລັຍໄດ້?

ແຕ່ໃດໆມາການມາຢູ່ອອສເຕຼເລັຍແມ່ນຍາກຊາແທ້ໆຍ້ອນ ກົດເກນແລະນະໂຍບາຍຂອງຣັຖບານອອສເຕຼເລັຍ. ນີ້ເປັນດັ່ງນັ້ນກະທັ້ງທີ່ອອສເຕຼເລັນເປັນປະເທດນາໆວັທນະທັມ ແລະນາໆເຊື້ອສາຍພົງພັນກໍຕາມ.. ທ່ານຈະເອົາພໍ່ແມ່ຂອງທ່ານມາຢູ່ອອສເຕຼເລັຍເບາະ? ທ່ານຈະເຮັດແນວໃດແລະຮູ້ຈັກກົດເກນແລ້ວບໍ່? ຈາກຕັ້ງແຕ່ວັນທີ 1 ກໍຣະກະດາ 2020 SBS ຈະເວົ້າຈະວ່າ ກ່ຽວກັບ ໃຜສາມາດຢູ່ໃນອອສເຕຼເລັຍໄດ້? ເຣື່ອງນີ້ເປັນສາຣະຄະດີສີ່ພາກກ່ຽວກັບຄົນຈຳນວນນຶ່ງທີ່ປາຖນາ ຢູ່ໃນອອສເຕຼເລັຍຢ່າງຖາວອນ, ການຈະມາແລະມາຢູ່ອອສເຕຼເລັຍ ມີຫຼາຍວິທີການທີ່ມີການປ່ຽນ ແປງຢູ່ເລື້ອຍໆແລະຕລອດມາ. ນີ້ແປວ່າ ວີຊາ ເພື່ອມາຢູ່ອອສເຕຼ ເລັຍມີຫຼາຍຊະນິດ້ວຍກັນ ເຊັ່ນ ມາຢູ່ໃນກໍຣະນີພໍ່ແມ່ແລະມາຢູ່ ໃນຖານພໍ່ແມ່ແບບ contributory parents ທີ່ເປັນແບບມາຢູ່ໃນ ແບບໄດ້ເສັຍຄ່າ. ວີຊາ ກ່ຽວກັບປະກັນເອົາພໍ່ແມ່ (Sponsored Parents) ຊົ່ວຄາວ (subclass 870) ອະນຸຍາດໃຫ້ພໍ່ແມ່ມາຢູ່ໃນອອສເຕຼເລັຍໄດ້ເຖິງ 10 ປີ. ຄວາມຈິງມີຢູ່ວ່າ ຄົນສັນຊາດອອສເຕຼເລັຍແລະນີວຊີແລນດ໌ສາ ມາດເອົາພໍ່ແມ່ມາຢູ່ໃນອອສເຕຼເລັຍຊົວຄາວແລະຖາວອນໄດ້. ນີ້ມີດ້ວຍກັນສອງຊະນິດວີຊາ ຄື: Parents ແລະ Contributory Parents. ສຳຮັບ Contributory Parents Visa ເປັນວີຊາທີ່ມີຣາຄາແພງ ກ່ວາແລະເປັນຊະນິດທີ່ຖຶກອະນຸຍາດໃຫ້ມາຢູ່ໃນອອສເຕຼເລັຍ ຫຼາຍກ່ວາໃນແຕ່ລະປີ - ຄື ພາຍໃຕ້ໂຄງການການຍົກຍ້າຍຖິ່ນ ຖານຕໍ່ປີ (Migration Program year) ທີ່ຖຶກວາງອອກມາໃນ ວັນທີ 1 ກໍຣະກະດາ ຮອດວັນທີ 30 ມິຖຸນາ ຂອງປີ. ການຮ້ອງຂໍມາຢູ່ອອສເຕຼເລັຍແບບທີ່ໃຊ້ກັນຫຼາຍ ແມ່ນສາມາດ ໃຊ້ເວລາພິຈາຣະນາເບິ່ງເຖິງ 30 ປີ ເພື່ອຊີ້ຂາດວ່າຈະໃຫ້ມາຢູ່ ອອສເຕຼເລັຍຫຼືບໍ່? ການພິຈາຣະນານັ້ນອາດກິນເວລາເຖິງ 30 ປີ ແຕ່ສຳຮັບຜູ້ທີ່ຍິນ ຍອມເສັຍເງິນໃຫ້ໃນການຈະມາຢູ່ອອສເຕຼເລັຍ ເຊັ່ນ ຍິນດີເສັຍຄ່າ ຣະຫ່ວາງ 45,000 ຫາ 50,000 ສຳຮັບພໍ່/ຫຼຶແມ່ແຕ່ລະຄົນ ແມ່ນຈະ ຖຶກພິຈາຣະນາເບິ່ງໄວກ່ວາ, ພາຍໃນ 2 ຫາ 5 ປີ. ນອກນັ້ນ ຖ້າຫາກຜູ້ຮ້ອງຂໍຫາກຖຶກຕ້ອງຕາມນະໂຍບາຍ ວິທີການ ແລະກົດເກນແລ້ວ ແມ່ນຕ້ອງຖຶກຮັບຮູ້ກ່ຽວກັບຊີວະປະຫວັດເບື້ອງ ຫຼັງແລະຂອງປັດຈຸບັນນີ້ (character) ແລະກໍຕ້ອງຖຶກຮັບຮູ້ໃນດ້ານ ສຸຂພາບແລະສິ່ງນຶ່ງທີ່ຮຽກວ່າ balance of family test. ນີ້ພິຈາຣະ ນາເບິ່ງວ່າສະມາຊິກຄອບຄົວຢູ່ໃນອອສເຕຼເລັຍຫຼາຍກ່ວາ ໃນແຕ່ລະຕ່າງປະເທດຫຼືບໍ່. ຕົວຢ່າງ ພໍ່ແມ່ທີ່ຈະມາອອສເຕຼເລັຍ ຖຶກ ວັດແທກໃສ່ກັບຈຳນວນລູກໆທີ່ຢູ່ໃນສະຖານທີ່ຕ່າງໆ ເຊັ່ນໃນສະ ຫະຣັດອະເມຣິກາ 3 ຄົນ ຝຣັ່ງເສດ 4 ຄົນ ແລະໃນອອສເຕຼເລັຍ 2 ຄົນ. ນີ້ແປວ່າລູກໆນັ້ນຢູ່ໃນຕ່າງປະເທດຫຼາຍກ່ວາ ໂດຍສະເພາະໃນຝັ່ຣງ ເສດ 4 ຄົນ ອັນອາດແປວ່າອາດບໍ່ຖຶກອະນຸຍາດໃຫ້ມາຢູ່ອອສເຕຼເລັຍໄດ້. ຈາກແຕ່ເດືອນເມສາ 2019 ເປັນຕົ້ນມາ ຣັຖບານອອສເຕຼເລັຍບັນຍັດ ການປະກັນເອົາພໍ່ແມ່ (ຊົ່ວຄາວ) (Sponsored Parents : Temporary) Subclass 870 Visa. ພໍ່ແມ່ ທີຖືວີຊາດັ່ງກ່າວຢູ່ໃນອອສເຕຼເລັຍໄດ້ 3 ຫາ 5 ປີ ຕໍ່ແຕ່ ລະຄັ້ງຂອງວີຊາ ໂດຍຮວມເຂົ້າກັນສູງສຸດບໍ່ໃຫ້ກາຍ 10 ປີ. ນີ້ແປວ່າໃນວີຊານັ້ນ ພໍ່ແມ່ນັ້ນຢູ່ກັບລູກໃນອອສເຕຼເລັຍໄດ້ເຖິງ ແຕ່ 10 ປີ. ການພິຈາຣະນາເບິ່ງວີຊາດັ່ງກ່າວຈະກິນເວລາເຖິງປະມານ 4 ເດືອນ ແລະແມ່ນສຳຮັບພຽງແຕ່ພໍ່ແມ່ຄູ່ນຶ່ງສຳຮັບຜົວເມັຍທີ່ປະກັນເອົາ. ສຳຮັບການປະກັນເອົາພໍ່ແມ່ຊົວຄາວ (Subclass 870 Visa) ພໍ່ແມ່ ບໍ່ສາມາດເຮັດວຽກເຮັດການຢູ່ໃນອອສເຕຼເລັຍໄດ້ຫຼືຈະຮ້ອງຂໍເອົາວີ ຊາຢູ່ໃນອອສເຕຼເລັຍຢ່າງຖາວອນໄດ້. ເມື່ອຢູ່ໃນອອສເຕຼເລັຍຈຸບ 10 ປີ ແລ້ວ ກໍແປວ່າ ລາກອນອອສ ເຕຼເລັຍ ຄືຈຳຕ້ອງອອກໄປຈາກອອສເຕຼເລັຍຢ່າງຈິງຈັງ. ຈັ່ງໃດກໍຕາມ ມັນມີທັງໜົດ 7 ຊະນິດວີຊາສຳຮັບພໍ່ແມ່ໄດ້ມາຢູ່ ກັບລູກຢູ່ໃນອອສເຕຼເລັຍໂດຍກໍຣະນີແບບໃດແບບນຶ່ງ ແຕ່ວ່າ ຍ້ອນຈຳນວນພໍ່ແມ່ທີ່ໃຫ້ມາຢູ່ອສສເຕຼເລັຍຖຶກບົ່ງວາງອອກມາ ໃນແຕ່ລະປີ ໂດຍການຄວບຄຸມໂດຍໂຄງການການຍົກຍ້າຍຖິນ ຖານ (Migration Program), ຕົວຢ່າງ ປີນັ້ນ ປີນີ້ ໃຫ້ພໍ່ແມ່ທັງ ໜົດມາຢູ່ອອສເຕຼເລັຍໄດ້ 10,000 ຄົນ 20,000 ຄົນ ເບາະ? ສຳຮັບປີການເງິນ 1 ກໍຣະກະດາ 2019 ຫາ 30 ມິຖຸນາ 2020 ອອສເຕຼເລັຍອະນຸຍາດໃຫ້ພໍ່ແມ່ມາຢູ່ອອສເຕຼເລັຍໄດ້ພຽງແຕ່ 7371 ຄົນເທົ່ານັ້ນ ແລະ 15,000 ຄົນສຳຮັບກໍຣະນີປະກັນເອົາ ຢູ່ອອສເຕ5ເລັຍຊົ່ວຄາວຖຶກອະນຸຍາດໃຫ້ມາຢູ່ໄດ້ໃນແຕ່ລະໂຄງ ການການຍົກຍ້າຍຖິ່ນຖານມາຢູ່ອອສເຕຼເລັຍ ຄື Mgration Program Year. ຖ້າຫາກຈຳນວນຄົນທີ່ຖຶກບົ່ງວາງໄວ້ຫາກມີຄົນມາຢູ່ອອສເຕຼ ເລັຍຈຸບຕາມຈຳນວນໜົດແລ້ວ ກະຊວງ Immigration and Border Protection ຈະຫຼີກລ້ຽງການໃຫ້ວີຊາຕ່າງໆນັ້ນຈົນກ່ວາ ໂຄງການການເຂົ້າເມືອງປະຈຳປີຂອງປີຕໍ່ໄປຖຶກປະກາດອອກມາ ແຕ່ຕາມປົກກະຕິແລ້ວມັນເລີ້ມຂຶ້ນໃໜ່ໃນວັນທີ 1 ກໍຣະກະດາຂອງປີ. ຈັ່ງໃດກໍຕາມ ເພື່ອຄວາມຊີ້ແຈງເພີ້ມ ໃຫ້ເຂົ້າເບິ່ງ website ຂອງກະ ຊວງ Department of Home Affairs ແຕ່ຖ້າຫາກທ່ານຕ້ອງການ ນາຍແປພາສາ ໃຫ້ຕິດຕໍ່ຫາ TIS (Translating and Interpreting Service) ໂດຍນ້ຳເບີໂທຣະສັບ 131450.