របៀបការពារផ្ទះសម្បែងរបស់អ្នកពីសត្វល្អិតចង្រៃទូទៅ នៅក្នុងប្រទេសអូស្រ្តាលី

រដូវរងាជាធម្មតា មនុស្សម្នាមិនសូវបារម្ភអំពីភ្ញៀវមកលេងផ្ទះដែលអ្នកមិនចង់ទទួលស្វាគមន៍ ដូចជាពពួកសត្វល្អិតនោះទេ។ ប៉ុន្តែនៅក្នុងប្រទេសអូស្ត្រាលី មានសត្វល្អិតចង្រៃជាច្រើន ដែលអាចលួចចូលមកក្នុងផ្ទះរបស់អ្នក ក្នុងកំឡុងខែត្រជាក់ផងដែរ។ ហើយវាអាស្រ័យលើទីកន្លែងដែលអ្នករស់នៅ ដែលកន្លែងខ្លះគឺសកម្មពេញមួយឆ្នាំ។ ពពួកសត្វសង្កើច កណ្តៀរ និង សត្វកកេរ គឺជាប្រភេទសត្វដែលកើតមានជាញឹកញាប់បំផុត។ សត្វកន្លាតក៏ស្ថិតក្នុងបញ្ជីសត្វឈ្លានពានដែលអ្នកត្រូវរកមើលផងដែរ។ ហើយត្រូវចាំថា សត្វល្អិតចង្រៃ អាចមានផលវិបាកយ៉ាងទូលំទូលាយ រាប់ចាប់ពីការរំខានតិចតួច រហូតដល់ការធ្វើឱ្យខូចខាតដល់ទ្រព្យសម្បត្តិរបស់អ្នកទៀតផង។