រដ្ឋាភិបាលអូស្រ្តាលីសន្យាថានឹងបង្រ្កាបយុទ្ធសាស្ត្រកំណត់តម្លៃដែលមិនស្មោះត្រង់

រដ្ឋាភិបាលសហព័ន្ធអូស្រ្តាលីកំពុងចាត់វិធានការដោះស្រាយវិធីសាស្ត្រកំណត់ថ្លៃដែលមិនស្មោះត្រង់ ដូចជាមានថ្លៃសេវាលាក់កំបាំង និងការពិបាកក្នុងការលុបចោលការជាវ “subscription”។ អាជីវកម្មមួយចំនួនដូចជា កន្លែងហាត់ប្រាណ gym ក្រុមហ៊ុនអាកាសចរណ៍ អ្នកលក់រាយតាមអនឡាញ និងក្រុមហ៊ុនលក់សំបុត្រ កំពុងស្ថិតក្នុងការចាប់អារម្មណ៍ ដោយសាររដ្ឋាភិបាលសម្លឹងមើល លើការលុបបំបាត់ការអនុវត្តដែលអាចបង្កគ្រោះថ្នាក់ជាសក្តានុពល ដែលមិនត្រូវបានហាមឃាត់នៅឡើយ ក្រោមច្បាប់អ្នកប្រើប្រាស់។