ប្រជាជនអូស្ត្រាលីនឹងមិនអាចចាក់វ៉ាក់សាំងកូវីដដូស្តទី៥នៅមុនពេលគ្រីស្មាសបានទេ

ស្ថាប័នផ្តល់ប្រឹក្សាលើថ្នាំវ៉ាក់សាំងរបស់ប្រទេសអូស្ត្រាលីបានអនុម័តវ៉ាក់សាំងដូស្តជំរុញពិសេសសម្រាប់Omicron ថ្មី ខណៈដែលករណីកូវីដកើនឡើងខ្លាំងនៅទូទាំងប្រទេស។ រដ្ឋាភិបាលសហព័ន្ធបានបញ្ជាទិញវ៉ាក់សាំងជំនាន់ក្រោយរបស់ Pfizer ចំនួន 4.7 លានដូស ដែលនឹងមកដល់ក្នុងរយៈពេលពីរសប្តាហ៍ក្រោយ។ វានឹងត្រូវបានប្រើជាដូសទីបី និងទីបួន សម្រាប់ប្រជាជនអូស្ត្រាលីដែលមានអាយុលើសពី 18 ឆ្នាំ រួមជាមួយនឹងដូស្តជំរុញរបស់ Moderna ដែលត្រូវបានធ្វើបច្ចុប្បន្នភាពរួចហើយ។ វ៉ាក់សាំងថ្មីនេះនឹងដាក់ឱ្យប្រើប្រាស់ ចាប់ពីថ្ងៃទី 12 ខែធ្នូទៅ។