ပှၤပိာ်ခွါသ့ၣ်တဖၣ်အံၤန့ၣ်မ့ၢ်ပှၤလၢအသးနံၣ်အိၣ် ၅ဝ ဆူအဖီခိၣ်ဒီး မ့ၢ်ပှၤလၢပှၤပာ်ပနီၣ်အီၤလၢအမ့ၢ်ပှၤပိာ်ခွါလၢအအိၣ်ဖျဲၣ်လီၤအခါလံၤလံၤလံန့ၣ်လီၤ.
တၢ်ဃိထံသ့ၣ်ညါလၢအဘၣ်တၢ်မၤအီၤလၢ YouGov for Boston Scientific ကရၢထံၣ်ဘၣ်ဝဲဒၣ် ပှၤပိာ်ခွါအါတက့ၢ်န့ၣ် အတသ့ၣ်ညါလီၤအသးလၢအအိၣ်ဒီး ဆူၣ်ချ့တၢ်ဂ့ၢ်ကီဒိၣ်ဒိၣ်မုၢ်မုၢ်တခါအံၤဘၣ်န့ၣ်လီၤ.
ဆူၢ်ချ့တၢ်ဂ့ၢ်ကီအံၤန့ၣ်ပၣ်ဃုာ်ဒီး ဆံၣ်ဆါတလီၢ်လီၢ်ဒီး တၢ်လီၤဘၣ်ယိၣ်လၢ အကကဲထီၣ်ဆံၣ်သံ, ဆံၣ်ဒၢကျိၤကးတံာ်သးဒီး တၢ်အိၣ်သးပနီၣ်သ့ၣ်တဖၣ်လၢအကဲထီၣ်တၢ်လီၤဘၣ်ယိၣ်လၢသးသမူအဂီၢ်သ့ သ့ၣ်တဖၣ်န့ၣ်လီၤ.
ပိာ်ခွါတဂၤလၢအတဲၣ်ကိးဒီးတၢ် SBS News ရှဲပၠးဝဲဒၣ် အဝဲဆှိးထံအချံ ဟဲကဖိထီၣ်တုၤလၢအလီၤဂာ်ဒ်သိး တၢ်ဖျၢၣ်ကဖိကိၣ်လိၣ်ကပုာ်လုာ်ဖိတဖျၢၣ် တုၤလၢအဝဲဘၣ်ဖြဲးအသး အဂ့ၢ်အကျိၤသ့ၣ်တဖၣ်န့ၣ်လီၤ.
