Lub caij uas Australia tseem ntsib tej teeb meem nrhiav tsis tau tej neeg muaj txuj ci thiab paub ua hauj lwm txaus los ua hauj lwm rau tej lagluam ntawd yeej tseem muaj tej neeg thoj nam coob leej ntau tus uas muaj qualifications ntsib teeb meem ntau yam tsis muaj peev xwm yuav nrhiav tau tej hauj lwm tsim nyog lawv tau ua.
Jerry Cardoza uas tuaj ntawm Banglades tuaj rau Australia thiab kawm tiav 2 yam txuj li Master degree rau fab txuj Business Adminstration thiab Master in English Language Teaching los yeej tseem yuav tau ua hauj lwm tam li yog tus cleaner, neeg ntxuav tais diav, ua hauj lwm ntawm tej factory thiab tseem yuav tau nrhiav 3 txoj hauj lwm casual ua.
Thiab vim rau qhov tias tsem yuav muaj hom phiaj tos tej neeg tau cov humanitarian visa txog 20,000 financial xyoo no thiab ces thiaj tsim nyog yuav tau nrhiav kev pab tej tswv lagluam raws li qhov tsim nyog.
Jeannie Lee uas yog ib tug neeg qhia ntawv sab txuj management ntawm Newcastle School of Business thiaj hasi tias ''Yeej muaj tej neeg thoj nam uas yog thaum nrhiav tau hauj lwm ua lawm ces yeej ua tej hauj lwm ntawd txuas ntxiv nrog tejt swv lagluam ntawd, thiab lawv kuj yog ib co neeg uas pab kom muaj kev sib koom sib faib qhia tej kab lis kev cai rau ntawm ib lub tuam txhab ntawd zoo.''
Carmen Garcia uas yog tus coj thiab yog tus teeb tsa lub koom haum Community Corporate thiaj hais tias:
"Tej neeg no muaj cov kev xav zoo. Yog tej neeg ua siab dawb siab ncaj thiab kub siab ua hauj lwm heev. Txawm lawv pib ua hauj lwm tshiab los tsis yog yuav ua li ntawd nkaus xwb yeej xav kom ua tau zoo tshaj qub ntxiv. Yog li thiaj xav kom tsis txhob muaj cov unconsious bias, tsim cib fim thiab xyuas kom cov kev txheeb tej neeg no tau ntsib kiag tus neeg tseeb.''
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, thiab los yog download thiab kom koj mloog tau SBS Hmong.
