Tom qab uas FBI tau muab Ryan Wesley Routh uas muaj hnoob nyoog 58 xyoo txhaum tau thaum nws npaj yuav muab Meskas tus qub President Donald Trump tua ua zaum ob ntawm nws lub chaw ntau golf ces JD Vance uas yog Trump tus neeg uas nws xaiv los ua nws tus lwm President tau hais tias ''twb yog tim tej lus uas Kamala Harris pheej hais tias Trump yog ib tug uas yuav tau tshem tawm thiab yog tus ua rau muaj teeb meem rau Meskas txoj kev tswj hwm Democracy, ces thiaj yog ib cov kev txhawb nqa kom muaj neeg muab Trump tua ua zaum ob. Tab sis yeej tsis pom tias yuav muaj neeg muag President Joe Biden thiab nws tus lwm coj Harris tua li.''
Tej lus tawm tswv yim no thiaj ua rau Karine Jean-Pierre uas yog tus kis nthuav xov xwm ntawm tsev dawb tau hais tias ''Meskas tus president thiab nws tus lwm coj yeej ib txwm tsis pom zoo rau cov kev siv kev kub ntxhov txhua yam tsim teeb meem rau lwm tus nom los ntev thiab yeej tawm tsam tsis pom zoo nrog lub tswv yim no. Thiab hais tias tsis tsim nyog JD Vance pheej hais tej lus ntawd.''
President Biden los kuj hais tias ''Peb yeej tsis pom zoo rau cov kev siv kev kub ntxhov los tsim teeb meem rau tej laj fai kum xeeb, peb yuav siv cov kev xaiv tsa los daws cov kev tsis haum xeeb xwb tsis yog yuav siv riam phom los daws.''
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
