Kaitlyn uas yog ib tug neeg hnoob nyoog 38 xyoo uas tau txais tej nyiaj pab Disable Support Pension hasi tias yog tej yam ua rau nws txhawj xeeb kawg nkau rau cov kev nrhiav kom tau tsev ruaj nyob. Nws hais tias ''cov kev nrhiav dua tsev tshiab nyob dhau los tau ua rau nws yuav tau them $2,500 diam.''
Thiaj ua rau nws thiab ntau tus neeg Australia uas khwv tau tej nyiaj minimum wage los yog tau txais kev pab ntawm tsoom fwv yuav tau tos tsoom fwv tej nyiaj pab ntiav tsev nyob (Commonwealth Rent Assistance).
Maiy Azize uas yog tus kis poj niam ntawm lub koom haum Everybody's Home hais tias ''tej neeg uas tau tej nyiaj pab cuam aged pension, JobSeeker thiab tej nyiaj disability support pension thiab tej neeg khwv tau nyiaj tsawg ces yeej tsis tshua muaj peev xwm ntiav tau tsev nyob hauv ib lub nroog twg nyob, vim tus nqe ntiav tsev unit twb kim txog 124 feem puas ntawm tej nyiaj uas tau neeg no tau lawm, tsis tas li ntawd los twb siv tej neeg tau cov nyiaj aged pension thiab disability support pension tej nyiaj txog li 90 feem pua los yog tej txog li ntawm 80 feem pua ntawm tej neeg khwv tau nyiaj minimum waage lawm. Ces thiaj ua rau lawv tsis muaj peev xwm ntiav tau tsev nyob. Ces thiaj ua rau tej neeg no plam txiaj ntsim tshaj plaws.''
Ces raws li lub koom haum no tsab ntav cej luam hu ua 'Price Out' tau qhia ces ''Tej neeg khwv tau nyiaj minimum wage ntawd tom qab tau siv lawv tej nyiaj khwv tau los them tej nqe ntiav tsev nyob lawm, ces tsuas seem nyiaj rau lawv siv ib hnub twg tshaj li $25 xwb, hos tej neeg tau cov nyiaj Aged Pension thiab Disability Support Pension ces tsuas tshuav tsawg tsawg txog li $8 rau lawv siv ib hnub twg xwb. Thiab tej neeg uas tau cov nyiaj JobSeeker tseem yuav nrhiav kom tau nyiaj ntau tshaj $100 ntxiv rau tej nyiaj tau los ntawm nom tswv pab thiaj muaj peev xwm ntiav tau tsev nyob. Thiab pom tias tej chaw cheeb tsam li Gold Coast, Sunshine Coast, Wollongong thiab Norther Western Australia ces tej neeg yeej tsis muaj peev xwm ntiav tau nyob li lawm.
Ces Harry Millward uas yog tus coj lub koom haum Renters and Housing Union thiaj hais tias ''cov kev pab nyiaj welfare kom tau ntxiv thiaj yuav pab daws tau tej nuj nqes siv ua lub neej ntau yam uas kim tuaj ntxiv no, thiab xav kom tsoom fwv tsim vaj tse kom ntau ntxiv thiaj daws tau tej teeb meem no, vim tseem muaj neeg coob heev tos nceeg kom tau tsev nyob. Thiaj xav kom muab cov kev tau ib lub tsev nyob no saib tam ntua tib neeg ib txoj cai.''
Tsoom fwv teb chaws yeej qhia tias nws lub tswv yim Housing Australia Future Fund yeej xav tsim kom tau tej tsev txog li ntawm 14,000 lub tab sis nws ob tsab cai Help to Buy thiab Build to Rent tseem khuam daig hauv tsev tsoom fwv vim pab nom Greens thiab pab nom koom tswj tsis kam pab nws tsim tej cai no siv.
Pab nom Greens los yeej hais tas zaj tas zog tias ''tsoom fwv Albanese tsis kam nrog nws sab laj kom thiaj nrhiav tau tswv yim los daws tej teeb meem tsis muaj tsev txaus ntiav nyob los yog yuav nyob. Thiab nws xav kom yuav tsum tsis txhob siv cov negative gearing, thiab tsis txhob txo se rau tej neeg nqe peev tsim vaj tse, cheem tsis txhob pub nce tej nqe ntiav tsev rau ib lub caij twg, los yog tsuas pub nce nqe ntiav tsev rau ib lub caij twg xwb, thiab kom tsoom fwv rov qab los tsim tej tsev rau zej tsoom nyob kom ntau li qub li nws ib txwm tsim dhau los, mas thiaj yuav daws tau tej teeb meem no.''
Mloog tau hnub zwj Teeb (Thursday) 6 pm, hnub zwj Hnub (Sunday) 11am, los yog koom tau ntxiv ntawm , , thiab . Download
thiab caum
