Tau muaj ib pawg neeg uas muaj tej lagluam, tej koom haum sawv cev rau tej neeg ua hauj lwm, tej koom haum pab cuam zej tsoom, thiab tej koom haum neeg zej zog tau sau ib tsab ntawv rau Australia lub tsev tsoom fwv kom kub siab tshaj no ntxiv los pab tej neeg tsiv teb tsaws chaw uas muaj txuj ci thiab paub ua hauj lwm kom lawv tej qualifications raug lees paub ntawm teb chaws Australia.
Productivity Commission tsab ntawv cej luam xyoo 2023 tau qhia tias muaj tshaj ib feem peb ntawm ib cov hauj lwm tseem yog cov uas nrhiav tsis tau neeg txaus los pab ua hauj lwm rau tej lagluam.
Lub koom haum Settlement Services International (SSI) thiaj txhawb nqa tej neeg thoj nam thiab tsiv teb tsaws chaw tuaj tshiab kom nrhiav tau hauj lwm ua.
Violet Roumeliotis uas yog tus coj lub koom haum no thiaj hais tias:
''Yeej muaj tej neeg tsiv teb tsaws chaw nyob ruaj ntawm Australia no ua tej hauj lwm uas tsis tau siv lawv tej txuj ci lawv tau kawm. Tej neeg no yeej nrog peb nyob ntawm peb tej zejzog. Ua ke no los cov system lees paub lawv cov qualification los kim heev. Ces thiaj ua rau peb poob rau tej xwm txheej nrhiav tsis tau tej kws rho hniav, tej kws kho mob, tej neeg tsav tsheb rideshare, engineers, electricians, tej neeg tum khoom muag, cleaners thiab tej nurses txaus los ua hauj lwm.''
Antonio Michell uas yog ib tug physiotherapist ntawm teb chaws Chile uas tau tuaj rau Australia no cia siab tias 'yuav nrhiav tau hauj lwm ua tab sis tseem ua rau nws tsis tau ua nws txoj hauj lwm uas twb tau ua ntau xyoo dhau los thiab yuav tau ua tej hauj lwm ua vaj tse, factory, waiter, ntxhuav tsev plob, xa zaub mov uas tsis tau siv nws tej txuj ci tau kawm los.'
Craig Foster uas yog ib tug neeg ncaws pob rau Australia pab Socceroos dhau los thiab yog tus ambassador rau lub koom haum Activate Australia's Skills hais tias:
"Muaj tej neeg tsiv teb tsaws chaw nyob ruaj ntawm Australia tam sim no ces tseem ua tej hauj lwm uas tsis tau siv lawv tej txuj ci tau kawm los. Yog peb pab kom tej neeg no ua tau tej hauj lwm lawv kawm ces yuav pab kom tau nyiaj GDP ib xyoos twg txog li 9 billion dollars los sis tau txog li 70 billion dollars rau 10 xyoo ntxiv no. Thiaj yog tej yam tsis zoo uas nkim tsis siv tej neeg no tej txuj ci vim yog tej yam yuav tau txais txiaj ntsim tag rho rau peb sawv daws.''
Ces lub koom haum SSI thiaj hais kom tsoom fwv teb chaws ua 4 yam xws li 'tsim ib co system siv tau thoob Australia los lees paub tej neeg no cov qualifications, teeb tsa pawg neeg ombudsman los tswj tej cai cuam tshuam txog tej hauj lwm no, txheeb kom siv tau tej txheej txheem zoo siv uas siv tau thoob teb chaws los lees tej qualifications yam tsis muaj teeb meem cuam tshuam. Xyuas kom tsim nyog sau tus nqe lees paub tej qualifications raws li qhov tsim nyog xwb vim tseem kim heev tam sim no. Thiab tsim ib cov online portal kom tej neeg thiaj paub tej xov xwm txog cov system no thiab muaj tej xov xwm no ua lwm yam lus qhia rau tej neeg tau siv.''
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,,
, thiab los yog download thiab kom koj mloog tau SBS Hmong.
