Foom Yaj (Fong Yang) uas yog ib tug hluas ntawm xeev Victoria tau qhia rau SBS Hmong tias nws yog ib tug neeg txuas hluav taws xob (Electrician) thiab yeej mus txuas hluav rau tej chaw ntau yam sib txawv.
Mr Yang hais tias ''Kuv cov hauj lwm ces yeej vary (sib txawv) tsis hais yog txuas rau tej tsev, tsev tos qhua, apartment, warehouse thiab txhua yam chaw.''
Foom hais tias nws tau ua hauj lwm kho tsheb tau 15 xyoos dhau los lawm, thiab yog tham txog cov kev kho tsheb ces tsuas muaj tej hluav taws xob no cov voltage tsawg li 12V los yog 24V xwb ces tsis tshua phom sij, tab sis tej hluav taws xob siv ntawm teb chaws Australia no yog 230V diam.
Faisfab (Hluav taws xob) no mas yus tsis pom, hniav tsis tau ces nws yeej dangerous (yeej phom sij) nawb, ces sawv daws yuav tsum ceev faj. Yog tias nej paub tias yuav raug kev phom sij rau yus ces tsis txhob kov, zoo dua ces yus hu tus kws qualified electrician tuaj. Vim tias yog yus tsis paub es mus kov no ces you can die, it is very dangerous.Fong Yang
Main electrical switchboard Credit: Fong Yang
Kawm dab tsi thiaj ua tau kws txuas hluav taws xob
Nws qhia tias nws yej tau kawm cov sob kawm Certificate III Electrotechnology Electrician 4 xyoos tiav ntawm Kangan TAFE lawm, thiab ke kawm ke ua hauj lwm, ''li yuav tau kawm ib hnub thiab ua hauj lwm 4 hnub. Yog rau siab ces yeej kawm tau xwb, kuv kawm tau ces sawv daws yeej kawm tau tib yam.''
Nws kuj qhia tias ''Qhov yooj yim mas ua ntej yus mus ua hauj lwm mas yuav tsum muaj tus tswv lagluam los yog tus business owner nws yuav tsum sign you up ua ntej yus thiaj tau mus kawm. Ces yog yus tsis paub leej twg li ces kuj yog tej yam nyuaj thiab.''
Yog tham txog tsoom fwv cov sob kawm free TAFE courses uas coj los rau tej neeg kawm ua cov hauj lwm trade ces Mr Yang hais tias ''Qhov ntawd mas (cov sob kawm free TAFE courses) ntawd nyob ntawm yus apply xwb os, tam sis qhov kuv ua no mas yog nyob ntawm tus nai, yog nws xav kom koj ua haum lwm rau nws ces nws yeej them rau koj kom koj mus ua.''
Ces thiaj muaj ob txoj xub ke li yog muaj ib tug tswv lagluam twg tuaj yeem them rau yus mus kawm, los sis yog ib tug tswv lagluam twg pom zoo cia yus xyaum kawm ua apprentice ces yus kuj muaj peev xwm kawm tau tsoom fwv cov sob kawm free TAFE courses thiab.
Electrical work Credit: Fong Yang
Kev nyab xeeb txog hluav taws xob
''Yog koj tsis yog tus neeg ua hauj lwm ces tej zaum koj yuav kov tsis laib (kov tsis tau), ces yuav tsum tau hu tus neeg paub ua tuaj ua xwb yus thiaj tsis mag electrocute (mag hluav taws xob laum). Tiam sis qhov mus ua hauj lwm thaum kawm ntawv ces lawv yeej qhia tias yus muaj peev xwm ua tau dab tsi thiab ua tsis tau dab tsi. Qhov safety no ces yeej tseem ceeb heev.''
Yog tham txog cov kev nyab xeeb rau yus ntawm tej vaj tse lawm ces Foom hais tias:
Yog koj paub tias dej nag nyab tsev thiab txhua yam ntub dej tag lawm thiab yuav raug kev phom sij ces tsis txhob kov tej yam uas muaj fais fab (tej twj uas muaj hluav taws xob), es mus tua lub pob faib fab ntawm koj lub switchboard. Thaum twg muaj tus expert tus neeg tuaj saib tej ntawd es nws hais tias safe (tau txais kev nyab xeeb) lawm mas koj thiaj taws tau. Tej yam no yus yuav tsum paub thiab yuav tsum tau ceev faj me ntsis. Tos kom tej experts tuaj xyuas seb puas okay ces thiaj tsis danger rau yus thiab yus cov family.Fong Yang
''Yeej muaj cov kev taw qhia kom tej neeg tau txais kev nyab xeeb txog tej hluav taws xob thiab mas, tiam si yog tias koj tsis paub dab tsi es koj xav tias nws danger rau koj, ces qhov zoo dua koj hu tus neeg licensed electrician, los yog tus trade electrician tuaj kho tej hluav taws xob. Yog koj tsis muaj tej skills ua tej ntawd ces qhov zoo dua yus tsis txhob kov es hu tus kws tuaj pab tsam ib pliag yus mag schock faisfab (tsam raug hluav taws xob laum).''
Nws hais tias ''qhov tau txais kev nyab xeeb tshaj plaws rau yus yog tus lub switchboard ntawm lub pob cais hluav taws xob loj koj tsis txhob muaj hluav taws xob khiav, thiab hu tej kws paub txog tej hauj lwm no tuaj pab.''
Electrical wires Credit: Fong Yang
Tswv yim pab kom tsis txhob tau them nqe siv hluav taws xob kim
Foom Yaj qhia ntxiv tias ''cov kev hloov tig los siv cov teeb lead yuav pab kom yus txuag tau thiab tsis txhob tau them nqe hluav taws xob kim.''
Mloog tau hnub zwj Teeb (Thursday) 6 pm, hnub zwj Hnub (Sunday) 11am, los yog koom tau ntxiv ntawm , , thiab . Downloadthiab caum
